31-Aug-2022

ବଲାଙ୍ଗିର(ପ୍ରେରଣା ଖବର)- ବଲାଙ୍ଗୀର ସଦର ପୋଲିସ ଅନ୍ତର୍ଗତ ଚନ୍ଦନଭାଟି  ଗ୍ରାମର ଜଣେ ୧୫ ବର୍ଷର ନାବାଳିକା  ବେବି ବଛା (ଛଦ୍ମନାମ) ଝିଅକୁ ସେହି ଗ୍ରାମର ବସନ୍ତ ବିଶି ପ୍ରେମ ଜାଲରେ ଫସାଇ ତାକୁ ବଲାଙ୍ଗୀର ଆଣି ସେଠାରୁ ଟ୍ରେନ୍‌ରେ ସୁଦୁର ରାଜକୋଟକୁ ନେଇ ସେଠାରେ ଝିଅର ଅନିଛା ସତ୍ତ୍ୱେ ବାରମ୍ବାର ତା ସହିତ ଦୁଷ୍କର୍ମ କରିଥିଲା । ନାବାଳିକାକୁ ନିଜ ସହିତ ସେଠାରେ ୬ ମାସ ପର୍ଯ୍ୟନ୍ତ ରଖି ଥଲା । ପରେ ନାବାଳିକା ଜଣକୁ ରାଜକୋଟରୁ ସମ୍ବଲପୁର ନେଉଥିବା ସମୟରେ ପୋଲିସ ଖବର ପାଇ ପୀଡିତା ଝିଅକୁ ଉଦ୍ଧାର କରିଥିଲା । ଝିଅ ର ପିତା ଗୋପବନ୍ଧୁ ବଛା ଙ୍କ ରିପୋର୍ଟକୁ  ଆଧାର କରି ବଲାଙ୍ଗିର ସଦର ପୋଲିସ  ଅଭିଯୁକ୍ତ ଙ୍କ ନାମରେ ଭାରତୀୟ ଦଣ୍ଡବିଧି ଆଇନ ଧାରା ୩୬୩,୩୬୬, ୩୭୬(୨) ଏବଂ  ଏବଂ ଦଫ ୬ ପୋକ୍‌ସୋ ଆକ୍ଟ ରେ କେସ ଦାୟର ହୋଇଥିଲା । ଗତ ୩୦.୦୮.୨୦୨୨ ଦିନ ବଲାଙ୍ଗିର ଫାଷ୍ଟ ଟ୍ରାକ୍ ସ୍ପେସିଆଲ ଜଜ୍ ବିରଞ୍ôଚ ନାରାୟଣ ମିଶ୍ର ୧୬ ଜଣ ସାକ୍ଷ୍ୟଙ୍କ ବୟାନ କୁ ଆଧାର କରି ଅଭିଯୁକ୍ତ ବସନ୍ତ ବିଶି ଙ୍କୁ ଦୋଷୀ ସାବ୍ୟସ୍ତ କରି ଧାରା ୬ ଫୋକ୍‌ସୋ ଆକ୍ଟ ରେ ୨୦ ବର୍ଷ ସଶ୍ରମ କାରାଦଣ୍ଡ ଏବଂ ୫୦ହଜାର ଟଙ୍କା ଜରିବାନା ଅନାଦେୟରେ ଆଉ ଦୁଇ ବର୍ଷ ସଶ୍ରମ କାରାଦଣ୍ଡାଦେଶ ଏବଂ ଧାରା ୩୬୬ ରେ ୫ ବର୍ଷ ସଶ୍ରମ କାରାଦଣ୍ଡ ଓ ୧ଠ ହଜାର ଟଙ୍କା ଜୋରିବାନା ଏବଂ ଅନାଦେୟରେ ଆଉ ବର୍ଷେ  କାରାଦଣ୍ଡାଦେଶ ଶୁଣାଇଛନ୍ତି । ସରକାର ତଥା ପୀଡିତାଙ୍କ ପକ୍ଷରୁ ସ୍ୱତନ୍ତ୍ର ସରକାରୀ ଓକିଲ ଜୟରାମ ମିଶ୍ର କେସ୍ ଲଢୁଥିଲେ ।