28-Aug-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରେଗଡା ପଞ୍ଚାୟତ ଦାଣ୍ଡିଭଜା ପ୍ରାଥମିକ ବିଦ୍ୟାଳୟ କୁ ଅଭିଭାବକ ମାନେ ପିଲା ନ ଛାଡିବା ଘଟଣା ର ୨୭ ଦିନ ପରେ ଶନିବାର ବ୍ଲକ ପ୍ରଶାସନ  ଜନ ପ୍ରତିନିଧି ଙ୍କ ହସ୍ତକ୍ଷେପ ପରେ ସୋମବାର ଠାରୁ ପିଲା ଙ୍କୁ ସ୍କୁଲ ଛାଡିବାକୁ ଅଭିଭାବକ ମାନେ ରାଜି ହୋଇଥିବା ଜଣା ପଡ଼ିଛି। ସୂଚନା ମତେ ଏହି ବିଦ୍ୟାଳୟ ରେ  ପ୍ରଥମ ରୁ ପଞ୍ଚମ ଶ୍ରେଣୀ ମୋଟ ୨୨ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିଲେ।ତେବେ ସ୍କୁଲର ତତ୍କାଳୀନ ପ୍ରଧାନ ଶିକ୍ଷକ ସ୍କୁଲ ଅନୁଦାନ ଟଙ୍କା , ଏମଡିଏମ ଟଙ୍କା ଓ ଅନ୍ୟାନ୍ୟ ସରକାରୀ ସହାୟତା ରାଶି ର,ହେରଫେର କରିଥିବା ଅଭିଯୋଗ କରି ପ୍ରଧାନ ଶିକ୍ଷକ ଙ୍କୁ ନିଲମ୍ବିତ ଓ ଅର୍ଥ ରିକୋଭରି ନ କରିବା ଯାଏଁ ସ୍କୁଲ କୁ ପିଲା ଙ୍କୁ ନ ଛାଡିବାକୁ ଲିଖିତ ଭାବେ ଜଣାଇଥିଲେ।ଅଭିଯୋଗ ପାଇବା ପରେ ବ୍ଲକ ଗୋଷ୍ଠୀ ଶିକ୍ଷା ବିଭାଗ ପକ୍ଷରୁ ଅଭିଯୋଗର ତଦନ୍ତ ସହ ପ୍ରଧାନ ଶିକ୍ଷକଙ୍କୁ ବଦଳି ଓ ନିଲମ୍ବିତ କରିଥିଲେ।ତେବେ ସୁଦ୍ଧା ଅଭିଭାବକ ମାନେ ସ୍କୁଲକୁ ପିଲା ନ ଛାଡିବାର ୨୭ ଦିନ ପରେ ଶନିବାର ବ୍ଲକ ଅଧକ୍ଷ୍ୟା କୁନି ସାହୁଙ୍କ ନେତୃତ୍ୱରେ ବିଡ଼ିଓ ପ୍ରିୟଦର୍ଶିନୀ ମିର୍ଧା, ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ତପୀମଣି ଜାନୀ,ରେଗଡା ସରପଞ୍ଚ ଦିପ୍ତୀ ରାଣୀ ସାହୁ, ଜିଲ୍ଲା ପରିଷଦ ସଭ୍ୟ ସୁରେଶ ଚୌଧୁରୀ, ଏବିଇଓ ସହଦେବ ସୁନା,  ସିଆରସିସି ସଞ୍ଜୟ ଦାଶ୍ ପ୍ରମୁଖ ଦାଣ୍ଡିଭଜା ସ୍କୁଲକୁ ଯାଇ ଗ୍ରାମବାସୀ ତଥା ଅଭିଭାବିକା /ଅଭିଭାବକ, ସ୍କୁଲ ପରିଚାଳନା କମିଟିର କର୍ମକର୍ତ୍ତାଙ୍କ ସହିତ ଆଲୋଚନା କରି ସ୍କୁଲକୁ ପିଲାଙ୍କୁ ଛାଡିବାକୁ ବୁଝେଇବା ପରେ ସୋମବାର ଠୁଁ ସ୍କୁଲକୁ ପିଲାଙ୍କୁ ପାଠ ପଢିବା ପାଇଁ ଛାଡିବାକୁ ଅଭିଭାବକ ମାନେ ରାଜି ହୋଇଥିବା ଏବିଇଓ ସହଦେଵ ସୁନା ସୂଚନା ଦେଇଛନ୍ତି।