24-Aug-2022

ବରଗଡ଼:-ପଦ୍ମପୁର ବ୍ଳକ ଅନ୍ତର୍ଗତ ରାଜବୋଡାସମ୍ବର ହାଇସ୍କୁଲ ରେ ସୁରକ୍ଷିତ ଭବିଷ୍ୟତ ପାଇଁ ଗଛଟିଏ ଲଗାଇବା କାର୍ଯ୍ୟକ୍ରମ ର ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଆୟୋଜିତ ଏକ ସଭାରେ ହାଇସ୍କୁଲ ର ପ୍ରଧାନ ଶିକ୍ଷକ ରାମଚନ୍ଦ୍ର ସାହୁ ସଭାପତିତ୍ବ କରିଥିଲେ। ପ୍ରକୃତି ବଂଧୁ ମୀନକେତନ ସାହୁ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଜଳବାୟୁ ପରିବର୍ତ୍ତନ, ବିଶ୍ବ ଉତ୍ତାପନ ଓ ପୃଥିବୀ ଉପରେ ଏହାର କୁ ପ୍ରଭାବ ସଂପର୍କରେ ବିସ୍ତୃତ ଆଲୋଚନା କରି ଥିଲେ। ଛାତ୍ର ଛାତ୍ରୀ ମାନଙ୍କୁ ଏ

ଦିଗରେ ସଚେତନ କରିବା ସହ ଏହାର ସମାଧାନ ପାଇଁ ପ୍ରତ୍ୟେକ ଗ୍ରାମରେ ଜନ ସଚେତନତା ସହିତ   ସବୁଜ ବଳୟ ସୃଷ୍ଟି କରିବା ପାଇଁ ଆହ୍ୱାନ ଦେଇଥିଲେ। ସଭାରେ ଧିରୋଜ କୁମାର ପଟ୍ଟନାୟକ, କୌଶଲ୍ଯା ଭୋଇ, ଭାରତୀ ସାମନ୍ତରାୟ  ଦୟାନିଧି ବେହେରା, ରୁଦ୍ର କୁମାର ଦାଶ, ଜି.ସସ୍ମିତା ଦୋରା , ଅଂଜନା ତାଣ୍ଡି,  ସୁନନ୍ଦା ସାହୁ ,ଈଶ୍ଵର ଦିଶ୍ରି,ଦୀପକ କୁମାର ପଣ୍ଡା  ଓ ଶୁକ୍ରୁ ବଗର୍ତ୍ତୀ ପ୍ରମୁଖ ଅଂଶଗ୍ରହଣ କରି ଛାତ୍ର ଛାତ୍ରୀ  ମାନଙ୍କୁ ଉତ୍ସାହିତ କରିଥିଲେ।  ଶିକ୍ଷୟିତ୍ରୀ ସୁନନ୍ଦା ସାହୁ ଧନ୍ୟବାଦ ଅର୍ପଣ କରିଥିଲେ। ଶେଷରେ ଉପସ୍ଥିତ ଛାତ୍ର ଛାତ୍ରୀ ମାନଙ୍କୁ ଅଁଳା ଚାରା ବଣ୍ଟନ କରାଯାଇଥିଲା ଓ ନିଜ ଜାଗାରେ  ରୋପଣ କରି ସୁରକ୍ଷିତ ରଖିବାକୁ ଅନୁରୋଧ କରାଯାଇଥିଲା ।