24-Aug-2022

ଉଲୁଣ୍ଡା (ଗୌରଚନ୍ଦ୍ର ପରିଛା)  ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ପଂଚାୟତ ସମିତି କଲେଜ ଠାରେ ମେଗା ରକ୍ତଦାନ ଶିବିର ବୁଧୁବାର ଅନୁଷ୍ଠିତ ହୋଇଛି । ଥାନା ପକ୍ଷରୁ ଆୟୋଜିତ ହୋଇଥିବା ଏହି ରକ୍ତଦାନ ଶିବିରକୁ ସୁବର୍ଣ୍ଣପୁର ଜିଲ୍ଲାପାଲ ଆବୋଲି ସୁନିଲ ନରୱାଣେ ,ଏସପି ଅମରେଶ ପଣ୍ଡା ଅତିଥି ଭାବରେ ଯୋଗଦେଇ ଶିବିରକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବରେ ଅତିରିକ୍ତ ଆରକ୍ଷୀ ଅଧିକ୍ଷକ ହେମନ୍ତ କୁମାର ପାଢି,ଏସଡିପିଓ ଡୋଲାମଣୀ ଭୋଇ, ଆରଟିଓ ରବିନ ପଟ୍ଟନାଏକ, ବ୍ଲକ ଶିକ୍ଷାଧିକାରୀ ରାଜେନ୍ଦ୍ର ମିଶ୍ର ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ତେବେ ଜିଲ୍ଲାର ସମସ୍ତ ଥାନା ମଧ୍ୟରୁ ଉଲୁଣ୍ଡା ଥାନାରେ ସର୍ବାଧିକ ରକ୍ତ ସଂଗ୍ରହ ହୋଇଥିବା ବେଳେ ୫୭ ଜଣ ଛାତ୍ରୀ ଓ ମହିଳାଙ୍କ ସମେତ ୫୦୯ ଜଣ ରକ୍ତଦାନ କରିଥିଲେ ।  ବୁର୍ଲା, ବରଗଡ ଏବଂ ସୋନପୁର ଦାକ୍ତରଖାନାରୁ ଦାକ୍ତର ମାନେ ଆସି ରକ୍ତସଂଗ୍ରହ କରିଥିଲେ । ଆଇଆଇସି ଚନ୍ଦ୍ର ମୋହନ ସିଂଙ୍କ ତତ୍ୱାବଧାନରେ ହୋଇଥିବା ଏହି ଶିବିରରେ ଆମ ପୁଲିସ ସମତିର ସଭାପତି ନରେନ୍ଦ୍ର ଆଚାର୍ଯ୍ୟଙ୍କ ସମେତ ପଶ୍ଚିମ ଓଡିଶା ଯୁବମଂଚ, ଡ୍ରାଇଭର ମହାସଂଘ, ସିନ୍ଦ୍ରିଆବାହାଲ ରଘୁନାଥ ଯୁବକ ସଂଘ, କୋଟସମଲାଇ ଜଗନ୍ନାଥ ଯୁବକ୍ଲବ, ବଣୀକ ସଂଘ, ସ୍ୱଚ୍ଛଭାରତ ସଂଗଠନ ସୋନପୁର, ବାଘପାଲି ଚନ୍ଦ୍ରମଣି ଯୁବକ ସଂଘ, ଉଲୁଣ୍ଡା ଯୁବ ମହାସଂଘ, ଉଲୁଣ୍ଡା ଆମ ପୁଲିସ ସମିତି, ବିଦ୍ୟୁତ ବିଭାଗ, ବନବିଭାଗ, ଅଗ୍ନିଶମ ବିଭାଗ, ସମସ୍ତ ଜିଲ୍ଲାପରିଷଦ, ସରପଂଚ, ସମିତିସଭ୍ୟ  ମାନେ  ଯୋଗଦେଇ ସହଯୋଗ କରିଥିଲେ । ଏହି ଅବଶରରେ ଅତିଥି ଗଣ ରକ୍ତଦାତା ମାନଙ୍କୁ ମାନପତ୍ର ପ୍ରଦାନ କରିଥିଲେ ।