15-Aug-2022

ବଲାଙ୍ଗୀର, ପଶ୍ଚିମାଞ୍ଚଳ ମିଳିତ ଶ୍ରମିକ କର୍ମଚାରୀ ମଂଚ ପକ୍ଷରୁ ସ୍ଥାନୀୟ ପେଲେସ ଲାଇନ୍ ସ୍ଥିତ ବିଜୁଳି ସଂଘ ଅଫିସ ଠାରେ ଆଜାଦି କି ଅମୃତ ମହୋତ୍ସବ ପାଳିତ ହୋଇଯାଇଛି । ମଂଚର ସଭାପତି ମନୋରଂଜନ ସାହୁ ପତାକା ଉତ୍ତୋଳନ କରି ଦେଶାତ୍ମକ ମନୋଭାବ ସୃଷ୍ଟି କରି ଏହାକୁ ବ୍ୟାପକ କରିବା ପାଇଁ ପରାମର୍ଶ ଦେଇ ବଲାଙ୍ଗୀରରେ ପାଳିତ ହେଉଥିବା ସ୍ୱାଧୀନତା ସଂଗ୍ରାମୀ ମାନଙ୍କ ଇତିହାସ ଜାଣିବା ପାଇଁ ଜାଗୃତି ମହୋତ୍ସବ ଉପରେ ସୂଚନା ଦେଇଥିଲେ । ପ୍ରବଳ ବର୍ଷା ସତ୍ତ୍ୱେ ଅନ୍ୟ ମାନଙ୍କ ମଧ୍ୟରେ ମଂଚ ର ସାଧାରଣ ସଂପାଦକ ବିଭୂତି ଶଙ୍କର ବିନ୍ଧାଣୀ. କୋଷାଧ୍ୟକ୍ଷ ସତ୍ୟବ୍ରତ ସିଂହ, ଜ୍ୟୋତି ରଂଜନ ମହାନ୍ତି,  ପ୍ରଦୀପ ଡାକୁଆ, ଜ୍ୟୋତି ମିଶ୍ର, ଦେବଜିତ ସେଠୀ, ସତ୍ୟ ମହାନ୍ତି  ପ୍ରମୁଖ ସ୍ୱାଧୀନତାର ମହତ୍ତ୍ୱ ଉପରେ ଆଲୋକପାତ କରିଥିଲେ । ଶେଷରେ ଜ୍ୟୋତି ରଂଜନ ମହାନ୍ତି ଧନ୍ୟବାଦ ଅର୍ପଣ କରିଥିଲେ ।