08-Aug-2022

ନାକଟିଦେଉଳ (କନ୍ଦର୍ପ ବେହେରା) - ନାକଟିଦେଉଭ ବ୍ଲକ୍ ବାଟଗାଁ ପଂଚାୟତ ରାଜୀବଗାନ୍ଧୀ ସେବାଗୃହ ଠାରେ କ୍ଲଷ୍ଟର ସ୍ତରୀୟ ଯୁଗ୍ମ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ବ୍ଲକର ବାଟଗାଁ, ଯାମୁଯୋରୀ ଓ ସାଲେଭଟା ପଂଚାୟତର ଜନସାଧାରଣ ଙ୍କ ପାଇଁ ଏହି ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥିଲା l ଏହି ଶିବିରରେ ସମୁଦାୟ ୪୩ଟି ଅଭିଯୋଗ ପଞ୍ଜିକୃତ ହୋଇଥିବାବେଳେ ସେଥିମଧ୍ୟରୁ ୩୫ଟି ବ୍ୟକ୍ତିଗତ ହୋଇଥିବାବେଳେ ୮ଟି ଅଭିଯୋଗ ସାମୁହିକ ଥିଲା l ତେବେ ୮ଟି ବ୍ୟକ୍ତିଗତ ଓ ଗୋଟିଏ ସାମୁହିକ ଅଭିଯୋଗ ଶିବିରରେ ସମାଧାନ କରାଯାଇଥିଲା l ଏହି ବ୍ୟକ୍ତିଗତ ଅଭିଯୋଗ ଶୁଣାଣୀରେ ଆବାସ ଯୋଜନା, ରାସନ କାର୍ଡ ମଧୁବାବୁ ପେନସନ ଯୋଜନା ଉପରେ ଅଭିଯୋଗ କରାଯାଇଥିଲା l ଏହି ଅବସରରେ ପ୍ରଶାସନ ପକ୍ଷରୁ ମୃତ୍ତିକା, କୃଷକ ସ୍ଵାସ୍ଥ୍ୟ ବୀମା କାର୍ଡ ୧୯ଜଣଙ୍କୁ,୮ଟି ଏସ, ଏସ, ଜି ଗ୍ରୁପ କୁ ଆର୍ଥିକ ସହାୟତା, ଉଦ୍ୟାନ ବିଭାଗ ପକ୍ଷରୁ ୮ଜଣ ଚାଷୀଙ୍କୁ ପିଆଜ ମଞ୍ଜି ପ୍ରଦାନ କରାଯାଇଥିଲା l ପ୍ରଶାସନ ପକ୍ଷରୁ ୧୭ଜଣ ହିତାଧିକାରୀ ଙ୍କୁ ଜଙ୍ଗଲ ଜମି ପଟ୍ଟା, ଜଣଙ୍କୁ ହୁଇଲ ଚେୟାର ପ୍ରଦାନ କରାଯାଇଥିଲା l ଏହି ଯୁଗ୍ମ ଅଭିଯୋଗ ଶୁଣାଣି ଶିବିରରେ ରେଢ଼ାଖୋଲ ଉପଜିଲ୍ଲାପାଳ ପବିତ୍ର ବେହେରା, ନାକଟିଦେଉଳ ବ୍ଲକ ବିଡ଼ିଓ ବିବେକାନନ୍ଦ ସାହୁ, ତହସିଲଦାର ସୁକାନ୍ତ କୁମାର ନାଏକ, ଅତିରିକ୍ତ ବିଡ଼ିଓ ବିଦ୍ୟାଧର ରାଉତରାୟ ଙ୍କ ସମେତ ସରପଞ୍ଚ ଓ ବିଭିନ୍ନ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ l ଏଥିରେ ବ୍ୟକ୍ତିଗତ ଅଭିଯୋଗ କରିଥିବା ବ୍ୟକ୍ତିମାନଙ୍କର ସମସ୍ୟାକୁ ଶିଘ୍ର ସମାଧାନ କରିବାକୁ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ ା