26-Nov-2020

ଟିଟିଲାଗଡ଼(ପ୍ରେରଣା ଖବର):ବଲାଙ୍ଗୀର ଜିଲ୍ଲା ର ଟିଟିଲାଗଡ଼ ଥାନା ଅଞ୍ଚଳରେ ଜଣେ ଯୁବକ ସହ ପ୍ରଥମେ ପ୍ରେମ ସମ୍ପର୍କ ସ୍ଥାପନ କରି ତଥା ବିବାହ ର ପ୍ରଲୋଭନ ଦେଖାଇ ଝିଅକୁ ଧରି ଗାଁ ରୁ ଫେରାର ହୋଇଯିବା ଓ ନିଜ ର ସାଙ୍ଗ ସହ ସମ୍ପର୍କ ରଖିବାକୁ ବାଧ୍ୟ କରି ଦେଇ ଗର୍ଭବତୀ ଅବସ୍ଥାରେ ଯୁବତୀ ଙ୍କୁ ଛାଡ଼ିଦେଇ ଉଭୟ ଫେରାର ହୋଇଯିବା ପରି ଘଟଣା ବେଶ ହଟଚମଟ ଖେଳାଇ ଦେଇଛି । ସୂଚନା ଅନୁଯାୟୀ ବଲାଙ୍ଗୀର ଜିଲ୍ଲାର ଟିଟିଲାଗଡ଼ ଥାନା ଅନ୍ତର୍ଗତ କନର୍ଲା ଗ୍ରାମ ର ଝର ତାଣ୍ଡି (ଛଦ୍ମନାମ) ନାମ୍ନୀ ଜଣେ ୨୧ ବର୍ଷୀୟ ଯୁବତୀ ଙ୍କୁ ଉକ୍ତ ଗ୍ରାମର ଲଳିତ ଚନ୍ଦନ(୨୫) ନାମକ ଜଣେ ଯୁବକ ନିଜ ସାଙ୍ଗରେ ନେଇ ବେଙ୍ଗଲୋର ଫେରାର ହୋଇଯାଇଥିଲେ । ପ୍ରାୟ ଦୁଇ ମାସ ଉକ୍ତ ଲଳିତ ର ରହୁଥିବା ଘରେ ଉଭୟେ ସ୍ୱାମୀ, ସ୍ତ୍ରୀ ପରି ରହିଥିଲେ,ଏପରି କି ଶାରିରୀକ ସମ୍ପର୍କ ରଖି ଆସୁଥିଲେ ।ଏକ କମ୍ପାନୀ ରେ ଲଳିତ କାମ କରି ବେଶ ସ୍ୱାମୀସ୍ତ୍ରୀ ଭାବେ ରହିଥିଲେ । ହେଲେ ହଠାତ ଦିନେ ପୂର୍ବରୁ ଲଳିତ ଯୋଜନାବଦ୍ଧ ଭାବେ ତାର ଜଣେ ବନ୍ଧୁ ତାପସ ଜାଲ(୨୪) ସହ ଲଳିତ ଉକ୍ତ ଘରକୁ ଆଣି ପରିଚୟ କରାଇଦେଇ ସେ ମନ୍ଧ୍ୟ ସାଙ୍ଗରେ ରହିବ ବୋଲି କହିଥିଲା ।ଉକ୍ତ ବନ୍ଧୁ ଜଣକ ପୂର୍ବରୁ ଉକ୍ତ ବେଙ୍ଗଲୋର ରେ ରହୁଥିଲେ । ଏ ନେଇ ଝର ଅରାଜି ହୋଇ ସୁଦ୍ଧା ନିରୁପାୟ ହୋଇଯାଇଥିଲେ । ଏପରି କି ପ୍ରାୟ ୪/୫ ଦିନ ଠିକରହିବା ଓ ସେମାନେ ଗୋଟିଏ କମ୍ପାନୀ ରେ କାମ କରିଆସୁଥିଲେ। ପରେ ଲଳିତ ତାର ବନ୍ଧୁ ତାପସ ସହ ଦୁଇ ଜଣ ସ୍ୱାମୀ ସ୍ତ୍ରୀ ଭାବେ ରହିବା ପାଇଁ ଝର କୁ କହିଥିଲା । ଏହା ଅସ୍ବୀକାର କରିବାରୁ ଉଭୟ ତାଙ୍କ ସହ ଜୋରଜବରଦସ୍ତ ଶାରୀରିକ ସମ୍ପର୍କ ରଖିବା ଓ ମାଡ଼ ଧର କରି ବିଭିନ୍ନ ପ୍ରକାର ନିର୍ଯ୍ୟାତନା ଦେଇଆସୁ ଥିବା କହିଛନ୍ତି । ପ୍ରାୟ ପନ୍ଦର ଦିନ ପରେ ଲଳିତ କେଉଁ ଆଡେ ଚାଲିଯାଇଥିଲା । ସେ ନ ଫେରିବା ବେଳେ ତାପସ ଓ ସେ ପ୍ରାୟ ୬ ମାସ ଠିକ ଭାବେ ମିଶିରହିଥିଲେ । 

 ଏ ସମୟ ମଧ୍ୟରେ ଝର ଗର୍ଭବତୀ ଥିବା ତାପସ ଜାଣିଥିଲା ।ତାପସ କୌଶଳ କ୍ରମେ ନିଜ ଗାଁ କୁ ଫେରିଯିବା ଓ ଘରେ କହି ଦୁହେଁ ବିବାହ କରିବା ବୋଲି କହି ବେଙ୍ଗଲୋର ରୁ ଟିଟିଲାଗଡ଼ କୁ ଆସିଥିଲେ । ଟିଟିଲାଗଡ଼ ରେଳ ଷ୍ଟେସନ ନିକଟରେ ଥିବା ଏକ ଲଜ ରେ ଦୁହେଁ ପ୍ରାୟ ପାଞ୍ଚ ଦିନ ରହିଥିଲେ । ଷଷ୍ଠ ଦିନ ସନ୍ଧ୍ୟା ପ୍ରାୟ ୫ ଟା ସମୟ ରେ ଉକ୍ତ ଲଜ ରେ ଛାଡି କେଉଁଆଡ଼େ ଚାଲିଯାଇଥିଲା । ତାପସ ନିଜ ମୋବାଇଲ ଝର ନିକଟରେ ଛାଡି ଦେଇ ଚାଲିଯାଇଥିବାରୁ ସେ ଆଉ ଯୋଗାଯୋଗ କରି ନ ପାରି ତିନି ଦିନ ଧରି ଅପେକ୍ଷା କରି ଶେଷରେ ନିଜ ପରିବାର ଲୋକଙ୍କୁ ସୂଚନା ଦେଇଥିଲେ ।ଗ୍ରାମ ରୁ ଝର ଙ୍କ ମାଆ, ବାପା ଓ  ପରିବାର ଲୋକେ ଆସି ତାଙ୍କୁ ଲଜ ରୁ ଉଦ୍ଧାର କରିଥିଲେ।  ତୁରନ୍ତ ଏ ନେଇ ଟିଟିଲାଗଡ଼ ଥାନା ରେ ଝର ଓ ପରିବାର ଲୋକେ ଏତଲା ଦାୟର କରିଥିଲେ । ଏ ନେଇ ମହିଳା ଓ ଶିଶୁ ଡେସ୍କ ଅଧିକାରୀ ଶ୍ରୀମତୀ ସାବିତ୍ରୀ ହିକା ଭାରତୀୟ ଦଣ୍ଡବିଧାନ ନିୟମ ଅନୁଯାୟୀ ସି ଆର ପି ସି ଧାରା ୧୪୫ ଅନ୍ତର୍ଗତ ଏକ ମାମଲା ସଂଖ୍ୟା -୪୩୮ କ୍ରମେ ଧାରା ୪୯୮-ଏ,୪୯୮,୪୧୭,୩୪ ଅନୁଯାୟୀ ଏକ ମାମଲା ରୁଜ୍ଜୁ କରିଥିବା ବେଳେ ଦୁଇ ଅଭିଯୁକ୍ତ ଫେରାର ଥିବା ଜଣାଯାଇଛି । ବର୍ତ୍ତମାନ ଅସହାୟ ଅବସ୍ଥାରେ ନିଜ ଘରକୁ ନନେଇ ପରିବାର ଲୋକେ  ସ୍ୱତନ୍ତ୍ର ଭାବେ ଅଲଗା କରି ରଖିଥିବା ଜଣାଇଛନ୍ତି ।ଏ ଅବସ୍ଥାରେ ଝର ତାପସ ସହ ସ୍ତ୍ରୀ ଭାବେ ରହିବାକୁ ସେ ରାଜିଅଛନ୍ତି ବୋଲି ଆମ ନିକଟରେ ଜଣାଇଛନ୍ତି। ଉକ୍ତ ତାପସ ଓ ଲଳିତ ଦ୍ୱୟ ଏବେ ପୂର୍ବରୁ କାର୍ଯ୍ୟକରୁଥିବା କମ୍ପାନୀ କୁ ମଧ୍ୟ ଆଜି ସୁଦ୍ଧା   ଯାଇ ନ ଥିବା ବେଳେ ତାଙ୍କୁ ଯଥାଶୀଘ୍ର ଗିରଫ କରିବା ସହ ଝର କିପରି  ସେ ଦିଗରେ ଜିଲ୍ଲା ପ୍ରଶାସନ ତରଫରୁ ଉପଯୁକ୍ତ ପଦକ୍ଷେପ ନେବାକୁ ବିଭିନ୍ନ ମହଲରୁ ଦାବି ପ୍ରକାଶ ପାଉଛି ।