06-Aug-2022

ବରଗଡ଼-ଜିଲାସ୍ତରୀୟ ଶିଶୁ ସେବା ପ୍ରଦାନକାରୀ ମାନଙ୍କ ନିମନ୍ତେ ଏକ ଦିବସୀୟ କର୍ମଶାଳା ଜିଲ୍ଲା କୃଷି କାର୍ଯ୍ୟାଳୟ ସଭାଗୃହ, ବରଗଡ଼ ଠାରେ ଆଜି ଅନୁଷ୍ଠିତ ହୋଇ ଯାଇଛି । ରାଜ୍ୟସ୍ତରୀୟ ଅନୁଷ୍ଠାନ ପିକକ୍ ଏବଂ ସ୍ବେଚ୍ଛାସେବୀ ଅନୁଷ୍ଠାନ 

ଆ ଜ୍‌ କା  ବରଗଡ଼ର ମିଳିତ ସହଯୋଗରେ ଏହି କର୍ମଶାଳାଟି ଆୟୋଜନ କରାଯାଇଥିଲା । ଏହି କର୍ମଶାଳାରେ ଜିଲ୍ଲା  ଶିଶୁ କଲ୍ୟାଣ ସମିତି, ଜିଲ୍ଲା ଶିଶୁ ସୁରକ୍ଷା ୟୁନିଟ୍, ଚାଇଲ୍ଡ ଲାଇନ୍, ଶିଶୁ ପ୍ରଯତ୍ନ କେନ୍ଦ୍ର, ମାନସିକ ସ୍ଵାସ୍ଥ୍ୟ ବିଭାଗ, ଜିଲ୍ଲା ସଂଯୋଜନ ଏଡ଼େଡ୍‌ ଆକ୍ସନ୍, ସହକାରୀ ଗୋଷ୍ଠୀ ଶିକ୍ଷା ଅଧିକାରୀ, ପାଇକମାଲ, ସମନ୍ଵିତ ଶିଶୁ ବିକାଶ ଯୋଜନା ର ଅଙ୍ଗନବାଡି କର୍ମୀ, ପଞ୍ଚାୟତି ରାଜ  ବିଭାଗ ରୁ ସରପଞ୍ଚ, ୱାର୍ଡ ସଭ୍ୟ,  ସ୍ବେଛାସେବୀ ଅନୁଷ୍ଠାନର ପ୍ରତିନିଧି ମାନେ( ସର୍ବମୋଟ ୩୭ ଜଣ) ଯୋଗ ଦେଇଥିଲେ । ଆଜ୍‌କା ଅନୁଷ୍ଠାନର  କାର୍ଯ୍ୟକ୍ରମ ସଂଯୋଜକ ନିତ୍ୟାନନ୍ଦ ଜେନା ସ୍ଵାଗତ ଭାଷଣ ଦେଇଥିବାବେଳେ,ଶିଶୁ କଲ୍ୟାଣ ସମିତି ର ବୀରେନ୍ଦ୍ର ମେହେର ଶିଶୁମାନଙ୍କ ଉପରେ ପ୍ରାରମ୍ଭିକ ବିଷୟ ଭିତ୍ତିକ  ଆଲୋଚନା କରିଥିଲେ।
 ପି କ କ୍  ଅନୁଷ୍ଠାନ ଭୁବନେଶ୍ଵର ର ସୁଶ୍ରୀ ଶୀତଲ୍ ପଟ୍ଟନାୟକ  ତାଲିମ୍ ପ୍ରଦାନ କରିଥିଲେ । ତାଲିମ  ମଧ୍ୟରେ ମାନସିକ ସ୍ୱାସ୍ଥ୍ୟ ଏବଂ ମନୋସାମାଜିକ ସହାୟତା ଓ ଶିଶୁ ସୁରକ୍ଷା ସମ୍ପର୍କିତ  ବିଷୟବସ୍ତୁ ଗୁଡ଼ିକ ପରିସରଭୁକ୍ତ ଥିଲା । ବିଶେଷତଃ ତାଲିମ୍ ଗୁଡ଼ିକ ସହଭାଗିତା ଆଧାରରେ କରାଯାଉଥିବାରୁ ଏହା ବିଶେଷ ଗ୍ରହଣୀୟ ହୋଇ ପାରିଥିଲା । କାର୍ଯ୍ୟକ୍ରମ ପରିଚାଳନାରେ ସଂପାଦିକ ବିନୋଦିନୀ ମହାପାତ୍ର ଉପସ୍ଥିତ ଥିବାବେଳେ, ଶିଶୁ ପାଳ ବିଶ୍ଵାଳ, ପ୍ରକାଶ ମହାପାତ୍ର ସହଯୋଗ କରିଥିଲେ । ଶେଷରେ କାର୍ଯ୍ୟକ୍ରମ ସଂଯୋଜକ ନିତ୍ୟାନନ୍ଦ ଜେନା ସମସ୍ତଙ୍କ ସହଯୋଗ ଓ ଉପସ୍ଥିତି ପାଇଁ କର୍ମଶାଳା ଟିକୁ ସଫଳ କରାଇ ଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇ କର୍ମଶାଳାର ପରିସମାପ୍ତି ଘୋଷଣା କରିଥିଲେ ।