06-Aug-2022

ବରଗଡ(ନିରଞ୍ଜନ ତ୍ରିପାଠୀ) : ଆଜି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଆନୁକୁଲ୍ୟରେ ଗୋଷ୍ଠୀ ଜନସ୍ବାସ୍ଥ୍ୟ ଅଧିକାରୀ ଡାକ୍ତର ସୁଶାନ୍ତ ମେହେର ଙ୍କ ତତ୍ତ୍ଵାବଧାନରେ ବିଜେପୁର ମହାବିଦ୍ୟାଳୟ ଠାରେ ଏକ ସ୍ୱାସ୍ଥ୍ୟ ସଚେତନତା ତଥା ଚିକିତ୍ସା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏ ପରିପ୍ରେକ୍ଷୀରେ ଛାତ୍ରୀବାସ ରେ ରହି ପାଠ ପଢୁଥିବା ୫୫ ଜଣ ଛାତ୍ରୀ ମାନଙ୍କ ସ୍ୱାସ୍ଥ୍ୟ ପରୀକ୍ଷା ସମେତ ଚିକିତ୍ସା ସହ ମାଗଣାରେ ଉଚିତ ଓୈାଷଧ ବଣ୍ଟନ ଓ ରକ୍ତ ନମୂନା ପରୀକ୍ଷା  କରାଯାଇଥିଲା। ଜନସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀମାନ ସୁଦାମ ଚରଣ ପାଣିଗ୍ରାହୀ ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା,

ମାସିକ ଋତୁସ୍ରାବ ଜନିତ ପରିଚ୍ଛନ୍ନତା,ସୁଷମ ଖାଦ୍ୟ ସେବନ, ଚର୍ମରୋଗ ଭଳି ସଂକ୍ରାମକ ରୋଗ,କିଶୋର ଅବସ୍ଥାରେ କୃମି ନାଶକ ଓୈାଷଧ ର ଭୂମିକା,କୋଭିଡ ରୋଗ ପ୍ରତିକାର ବିଷୟରେ ଛାତ୍ରୀ ମାନଙ୍କୁ ସଚେତନତା ର ବାର୍ତ୍ତା ପ୍ରଦାନ କରିଥିଲେ। ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀମାନ ପ୍ରଦୀପ କୁମାର ମିଶ୍ର ଛାତ୍ର ଛାତ୍ରୀ ମାନଙ୍କର ଉତ୍ତମ ସ୍ୱାସ୍ଥ୍ୟ, ସୁସ୍ଥ ସମାଜ ଗଠନ ପାଇଁ ସେମାନଙ୍କ ଭୂମିକା ଉପରେ ଆଲୋଚନା କରିଥିଲେ।

ସ୍ୱାସ୍ଥ୍ୟଧିକାରୀ ଡାକ୍ତର ମେହେର ଛାତ୍ର ଛାତ୍ରୀ ମାନଙ୍କର ଚିକିତ୍ସା ସହ ରୋଗର ପ୍ରତିକାର ସମ୍ଵନ୍ଧରେ ଉଦବୋଧନ ଦେଇଥିଲେ ।ଏ ଅବସରରେ ସି.ଏଚ.ସି ରେ କାର୍ଯ୍ୟରତ ଏସ.ଟି.ଏସ ଦେବାଶିଷ ଦେବତା, ଫାର୍ମାସିଷ୍ଟ ବିଜୀତା ମିଶ୍ର, ଲାବୋରୋଟେରୀ ଟେକନିସିଆନ ପ୍ରଦୀପ ରାଉତ,ପ୍ରୀୟବତୀ ନାୟକ ତଥା ମହାବିଦ୍ୟାଳୟ ର ସମସ୍ତ କର୍ମଚାରୀ ବୃନ୍ଦ କାର୍ଯ୍ୟକ୍ରମରେ ସମସ୍ତ ପ୍ରକାରର ସୁପରିଚାଳନା ସହ ସହଯୋଗ କରିଥିଲେ।