01-Aug-2022

ବରଗଡ:- ବରଗଡ ଜିଲ୍ଲା ପାଇକମାଲ ବ୍ଳକ ଅନ୍ତର୍ଗତ ପଲସଦା ପ୍ରାଥମିକ କୃଷିସମବାୟ ସମିତି ଲିଃ ର ନବନିର୍ବାଚିତ ସଭାପତି ଭାବରେ ଶ୍ରୀମାନ କୁନାଲ ସିଂ ବରିହା ଆଜି ଦାୟିତ୍ୱ ଗ୍ରହଣ କରିଛନ୍ତି। ଏହି ଦାୟିତ୍ଵ ଗ୍ରହଣ ସମାରୋହରେ ସମିତିର ଉପସଭାପତି ଶ୍ରୀମତୀ ପଙ୍କଜିନୀ ପାଣିଗ୍ରାହୀ ତଥା ସଦସ୍ୟ ସର୍ବଶ୍ରୀ ମୁରଲୀଧର ସାହୁ,ହରିଚରଣ ସାହୁ, ନନ୍ଦଳାଲ ବରିହା, ଭିଷ୍ମଦେବ ସାହୁ, ଧବଳେଶ୍ୱର ସାହୁ,ଅରୁପାନନ୍ଦ ପଟେଲ, ଲଲିତ ପଟେଲ, ହୁତାଶନ ପାଣ୍ଡେ, ଝାଙ୍କରୁ ବରିହା, ରାଜେଶ୍ୱର ମାଝୀ,ମନରଞ୍ଜନ ଡନସନା,ମିଳନ ସିଂ ବରିହା, ଶ୍ରୀମତୀ ମୁଗବତୀ ବରିହା  ଏବଂ ସରପଞ୍ଚ ପଙ୍କଜ କୁମାର ସାହୁ ଙ୍କ ସମେତ ସମିତି ସଭ୍ୟ ମହେନ୍ଦ୍ର କୁମାର ବରିହା ଉପସ୍ଥିତ ରହି

ନବନିର୍ବାଚିତ ସଭାପତି ଶ୍ରୀମାନ ବରିହା ଙ୍କୁ ସ୍ୱାଗତ କରିଥିଲେ । ସମିତିର ସଂପାଦକ ହେମନ୍ତ ସାହୁ ସଭାପତି ଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ। ଅଭିଭାଷଣ ରେ ସଭାପତି ଶ୍ରୀଯୁ୍କ୍ତ ବରିହା ସଦସ୍ୟ ମାନଙ୍କୁ ଧନ୍ୟବାଦ ଦେଇ ସମିତିର କର୍ମଚାରୀ ମାନଙ୍କୁ ସ୍ୱଚ୍ଚ ଏବଂ ନିର୍ମଳ ଭାବରେ ଚାଷୀମାନଙ୍କର ସେବା,ସହଯୋଗ କରିବା ପାଇଁ ଅନୁରୋଧ କରିଛନ୍ତି । ଆଜି ପବିତ୍ର ସମ୍ବଲପୁରୀ ଦିବସ ଅବସରରେ ସଭାପତି ଶ୍ରୀମାନ ବରିହାଙ୍କ ପରିଚାଳନା ରେ ଏକ ବୃକ୍ଷରୋପଣ କାର୍ଯ୍ୟକ୍ରମ ପଲସଦା ଗ୍ରାମଠାରେ ଅନୁଷ୍ଠିତ ହୋଇଥିଲା । ଶେଷରେ ସମ୍ବଲପୁରୀ ଦିବସ ର ତାତ୍ପର୍ଯ୍ୟ ଏବଂ ପରିବେଶ ର ସ୍ୱଚ୍ଛତା ଉପରେ ଆଲୋକପାତ ପରେ ଗ୍ରାମବାସୀ ଙ୍କୁ ଧନ୍ୟବାଦ ଅର୍ପଣ କରାଯାଇଥିଲା ।