01-Aug-2022

ସୋନପୁର(ମନୋରଞ୍ଜନ ତ୍ରିପାଠୀ) / ଆମେ  ସମ୍ବଲପୁରୀ ଭାଷା ସାହିତ୍ୟ ସଂସ୍କୃତି ର ପ୍ରଥମ ଲେଖକ ତଥା ଗବେଷକ  ସୁବର୍ଣ୍ଣପୁର ମାଟି ର ଗୌରବ ସ୍ବର୍ଗତ ସତ୍ୟ ନାରାୟଣ ବହିଦାରଙ୍କ ଜନ୍ମ ତିଥି ଅଗଷ୍ଟ ୧ ତାରିଖକୁ ଓଡିଶା ସମେତ ସାରା ପୃଥିବୀରେ 'ସମ୍ବଲପୁରୀ ଦିନ' ତିହାର ଭାବେ ପାଳନ କରୁଥିବା ବେଳେ ଆଜି ସୋନପୁର ସହରର ରୟାଲ ପଡିଆ ଠାରେ ମଧ୍ୟ ପ୍ରଥମ ଥର

ପାଇଁ ଏ ତିହାର କୁ ଧୁମ ଧାମ ରେ ଲୋକେ ମନାଇଛନ୍ତି l ଆଉ ଶହ ଶହ ଲୋକ ସମ୍ବଲପୁରୀ ବସ୍ତ୍ର ପିନ୍ଧି  ଏହାର ଭାଷା, ନାଚ ଗୀତ ଓ ପରସ୍ପର ଭିତରେ ଭେଟ ଘାଟ ର ମଜା ନେଇଥିଲେ l ପଶ୍ଚିମ ଓଡିଶା ଯୁବାମଞ୍ଚ ଓ ଏହାର ସୋନପୁର ଶାଖା ର କର୍ମକର୍ତ୍ତା ଙ୍କ ଦ୍ୱାରା ଆୟୋଜିତ ଏହି  ପରବ ରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା ଯୋଗ ଦେଇ  ନିଜ ମା ମାଟିର ଭାଷା ଉପରେ କିଛି  ବି ସଂକୋଚ ନ କରି ନିଜ ଭାଷା କୁ ସବୁଠି ଖୋଲା ଖୋଲି ଜୋର ରେ କହିବା ଉଚିତ l ଓ ଭଷା ସାହିତ୍ୟ ଉପରେ ରାଜନୀତି କରଣ ନ ହେବା ଉଚିତ ବୋଲି ମତ ରଖିଥିଲେ l ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଏଡିଏମ ଶ୍ରୀ ସୂର୍ଯ୍ୟ ନାରାୟଣ ଦାଶ ଯୋଗ ଦେଇ ସ୍ବର୍ଗତ ବହିଦାର ଜୀବନ ସାରା ଲେଖିଥିବା  ତାଙ୍କର ଅନେକ ଭାଷା  ବ୍ୟାକରଣ ର ଶବ୍ଦ ଗୁଡିକ ଭାବ କୁ ଆଜି ଆମେ ଠିକ ଧରିଛୁ ବୁଝି ପାରିଛୁ, ଯାହାକି ଏଇ ଦିବସ ବା ତିହାର ହିଁ ଏହାର ଉଦାହରଣ ବୋଲି ମତ ରଖି ତାଙ୍କ ଗଭୀର ଭାଷା ସବୁକୁ ସୁନା ହୀରା ସହିତ ଶ୍ରୀ ଦାଶ ତୁଳନା କରିଥିଲେ l  ମଲିଫୁଲ, ଅତର ମାଖି  ବେଲାରୀ ପାନ ଖାଇ ସମ୍ବଲପୁରୀ କୁର୍ତା ପିନ୍ଧି ଚିକଣ ଚାକଣ ରେ ବୁଲୁଥିବା ସୋନପୁରିଆ ଲୋକ ସବୁ ଖୁବ ମିଜାଜୀ ବୋଲି କହି ସ୍ବର୍ଗତ ବହିଦାରଙ୍କ ଉତ୍ସାହ ଉଦ୍ଦୀପନା ପାଇଁ ସେ ଜଣେ ଭାଷା ଓ ଶବ୍ଦର ଭିକାରୀ ବୋଲି ମୁଖ୍ୟ ବକ୍ତା ପ୍ରଧ୍ୟାପକ ଡ଼ଃ ପୁରୁଷୋତ୍ତମ ମିଶ୍ର ପ୍ରଶଂସା କରିଥିଲେ l ଅନ୍ୟତମ ଅତିଥି ସମାଜସେବୀ ଶ୍ରୀବତ୍ସ ମଲ୍ଲିକ, ବରଗଡ଼ ର କଂସ ମହାରାଜ ସୁଶୀଳ ମେହେର, ବିନିକା ର କଂସ ମହାରାଜ ଗୋପାଳ ପଣ୍ଡା, ଆୟୋଜକଙ୍କ ଉଦ୍ୟମକୁ ପ୍ରଶଂସା କରି ଏହାକୁ ଜାରି ରଖିବାକୁ କହିଥିଲେ l ସ୍ଥାନୀୟ କଳାକାର ବିରେନ ଜଗଦଲାଙ୍କ ଦ୍ୱାରା ପ୍ରାରମ୍ଭିକ ସଂଗୀତ ପାରିବେଷଣ କରାଯାଇଥିଲା l ଉତ୍ସବରେ ସହର ର ଅନେକ  ଲୋକ, ବୁଦ୍ଧିଜୀବୀ, ମହିଳା, ଓ

କଳାକାର ଯୋଗ ଦେଇଥିବା ବେଳେ ଭଗରଥୀ ମିଶ୍ର ସଭା ସଂଯୋଜନା କରିଥିଲେ l ପଶ୍ଚିମ ଓଡିଶା ଯୁବା ମଞ୍ଚ ର ସନ୍ତୋଷ ମେହେର ଏହାକୁ ଆୟୋଜନ କରିଥିବା ସୋନପୁର ଶାଖା ର କଣ୍ଠ ଶିଳ୍ପୀ ଶାଶ୍ୱତ ତ୍ରିପାଠୀ, ସାମ୍ବାଦିକ ସନ୍ତୋଷ ମିଶ୍ର, ଯୁବ ସଂଗଠକ ଦେବାଶିଷ ପଟ୍ଟନାୟକ, ସ୍ବର୍ଗତ ବହିଦାର ଙ୍କ ନାତି ଅରୁଣ ବହିଦାର ପ୍ରମୁଖ ସହଯୋଗ କରିଥିଲେ l  ଶେଷ ରେ  ସମସ୍ତ ଅତିଥି ଓ ଉପସ୍ଥିତ ଲୋକେ ରଙ୍ଗବତୀ ସମ୍ବଲପୁରୀ ଗୀତନାଚର ମଜା ନେଇଥିଲେ l ଓ ଆୟୋଜକ କମିଟି ପକ୍ଷରୁ ସମସ୍ତ ଙ୍କୁ ଗୋଟାଏ ଗୋଟାଏ ଗଛ ଉପହାର ପ୍ରଦାନ କରାଯାଇ ଆଜି ଦିବସ ରେ ରକ୍ତ ଦାନ ପାଇଁ ଆହ୍ୱାନ କରାଯାଇଥିଲା l