01-Aug-2022

ବଲାଙ୍ଗୀର(ପ୍ରେରଣା ଖବର)- ଆଜି ବଲାଙ୍ଗୀର କଳା ଓ କ୍ରୀଡା ଶିକ୍ଷକ ମହାସଂଘ ପକ୍ଷରୁ ବଲାଙ୍ଗୀର ଜିଲ୍ଲାପାଳ ଚଂଚଳ ରାଣାଙ୍କୁ ସାକ୍ଷାତ କରି ସଂଘର ବିଭିନ୍ନ ଦାବି ଓ ସମସ୍ୟା ସମ୍ବଳିତ ଏକ ଦାବିପତ୍ର ପ୍ରଦାନ କରାଯାଇଥିଲା । ବିଗତ ୨ଠ୨ଠ ମସିହାରେ ବଲାଙ୍ଗୀର ଜିଲ୍ଲାରେ ଆବେଦନ କରିଥିବା ଖେଳ ଓ କଳା ଶିକ୍ଷକ, ପାର୍ଟ ଟାଇମ୍ ଇନଷ୍ଟ୍ରକ୍ଟର ୧୯ଠ ଗୋଟି ପଦବୀର ମେରିଟ ଲିଷ୍ଟ ତୁରନ୍ତ ପ୍ରକାଶ କରିବା ଏବଂ ଏମାନଙ୍କୁ  ଜିଲ୍ଲାର ବିଭିନ୍ନ ପ୍ରାଇମେରୀ ସ୍କୁଲ ଗୁଡିକରେ ନିଯୁକ୍ତି ଦାବି ନେଇ ସଂଘ ପକ୍ଷରୁ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା । ତେବେ ଦୁଇ ବର୍ଷ ବିତିଯାଇଥିଲେ ସୁଦ୍ଧା ଏହି ସବୁ ପଦବୀର ମେରିଟ ଲିଷ୍ଟ ପ୍ରକାଶ କରିନଥିବା ଯୋଗୁଁ କଳା ଓ କ୍ରୀଡା ଶିକ୍ଷକଙ୍କ ମଧ୍ୟରେ ନୈରାଶ୍ୟ ଦେଖାଦେଇଛି । ଏ ସଂକ୍ରାନ୍ତରେ ଆବେଦନ କରିଥିବା ଯୁବକ ଯୁବତୀ ମାନେ ସର୍ବଶିକ୍ଷା ଅଭିଯାନର ପ୍ରକଳ୍ପ ନିର୍ଦ୍ଦେଶକଙ୍କୁ ସାକ୍ଷାତ କରିଛନ୍ତି କିନ୍ତୁ ସେମାନଙ୍କ ଠାରୁ କୌଣସି ସନ୍ତୋଷଜନକ ଉତ୍ତର ମିଳିପାରି ନାହିଁ ବୋଲି ଆବେଦନକାରୀ ମାନେ ଅଭିଯୋଗ

କରିଛନ୍ତି । ଓଡ଼ିଶାରେ ୫ଟି ଓ ମୋ ସରକାର ରେ ଶିକ୍ଷା, ସ୍ୱାସ୍ଥ୍ୟ ଓ ନିଯୁକ୍ତି କ୍ଷେତ୍ରରେ ବହୁ ସ୍ୱଚ୍ଛତା ରଖୁଥିବା ବେଳେ ବଲାଙ୍ଗୀର ଜିଲ୍ଲାରେ କଳା କ୍ରୀଡା ଶିକ୍ଷକ ପାଇଁ ଆବେଦନ କରିଥିବା ଯୁବକ ଯୁବତୀ ମାନଙ୍କୁ ଏପରି କାହିଁକି ହତାଦର କରାଯାଉଛି ବୋଲି ପ୍ରଶ୍ନ କରାଯାଇଛି । ଆଗାମୀ ଦିନରେ ଆବେଦନକାରୀଙ୍କୁ ମେରିଟ୍ ଲିଷ୍ଟ ପ୍ରକାଶ ନ ହେଲେ ଆନ୍ଦୋଳନକୁ ଜୋର୍‌ଦାର କରାଯିବ ବୋଲି ଚେତାବନୀ ଦିଆଯାଇଛି । ଆଜି ଜଲ୍ଲାପାଳ ଶ୍ରୀ ରାଣାଙ୍କ ସହ ଆଲୋଚନା ବେଳେ କଳା ଓ କ୍ରୀଡା ଶିକ୍ଷକ ମହାସଂଘର ସମସ୍ତ ସଭ୍ୟ ଉପସ୍ଥିତ ଥିଲେ ।