01-Aug-2022

ପଶ୍ଚିମ ଓଡିଶାର ପ୍ରମୁଖ ଶୈବପୀଠ ଏବଂ ସମଗ୍ର ପୃଥିବୀରେ ଥିବା ଯୋଗିନୀପିଠ ମାନଙ୍କ ମଧ୍ଯରୁ ଅନ୍ୟତମ ତଥା ତନ୍ତ୍ର, ମନ୍ତ୍ର, ଶୈବ, ଶାକ୍ତ, ଗାଣପତ୍ୟ, ବୈଷ୍ଣବ, ଜୈନ ଧର୍ମର ଅପୁର୍ବ ସମନ୍ବୟର ଐତିହ୍ଯ ବହନ କରୁଥିବା ରାଣୀପୁର ଝରିଆଲ ପୀଠର ଉନ୍ନତିକରଣ ଓ ବିକାଶ ପାଇଁ ସରକାର ଆଗକୁ ଆସନ୍ତୁ ଏବଂ ପର୍ଯ୍ୟଟନ ବିଭାଗ ଏହି ପିଠକୁ ନିଜ ହାତକୁ ନେଇ ପିଠର ବିକାଶ କରିବା ପାଇଁ  ବିଧାନ ସଭାର ମୌସୁମୀ ଅଧିବେଶନ ରେ ଏ କଥା କୁ ପୁଣି ଦୋହରାଇଛନ୍ତି କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜା। ବିଧାନସଭାରେ ରାଣୀପୁର ଝରିଆଲ ପିଠକୁ ଅନୁଦାନ ଯୋଗାଇ ଦେଇ ପିଠର ବିକାଶ

କରିବାପାଇଁ ବାରମ୍ବାର ଦାବି ଉପସ୍ଥାପନ କରାଯାଉଥିଲେ ହେଁ ପର୍ଯ୍ୟଟନ ବିଭାଗ କାହିଁକି ପଦକ୍ଷେପ ନେଉ ନାହାନ୍ତି, ଠିକ ଅଛି ୨୦୧୬ ରେ ୩୦ ଲକ୍ଷ ଓ ୨୦୨୦/୨୧ ରେ ୨୦ ଲକ୍ଷ ଦିଆଯାଇଛି ଠିକ ଅଛି ହେଲେ ଓଡିଶାର ଏକ ପ୍ରମୁଖ ପର୍ଯ୍ୟଟନ ସ୍ଥଳ ଯୋଉ ସ୍ଥାନକୁ ରାଜ୍ଯ, ଦେଶ ତଥା ବିଦେଶ ରୁ ବି ପର୍ଯ୍ଯଟକ ମାନେ ଆସୁଛନ୍ତି ସେପରି ସ୍ଥାନକୁ ରାଜ୍ଯ ସରକାର ହାତକୁ ନେଇ ପିଠର ବିକାଶ କରିବା ନିହାତି ଜରୁରୀ ତେଣୁ ଏ ପୀଠ ପାଇଁ ବଜେଟରେ କେତେ ଟଙ୍କା ରଖିଛନ୍ତି ଓ ଜଦି ରଖିନାହାନ୍ତି ତେବେ ସପ୍ଲିମେଣ୍ଟାରୀ ବଜେଟ ରେ ରଖନ୍ତୁ ବୋଳି ବିଧାୟକ ଶ୍ରୀ ସାଳୁଜା ବାଚସ୍ପତିଙ୍କ ଜରିଆରେ ପର୍ଯ୍ୟଟନ ମନ୍ତ୍ରୀଙ୍କୁ ଦାବି ଜଣାଇବା ସହ ଉତ୍ତର ମାଗିଥିଲେ। ତେବେ ପର୍ଯ୍ୟଟନ ମନ୍ତ୍ରୀ ତାଙ୍କ ଉତ୍ତରରେ ବିଭାଗକୁ ନିର୍ଦ୍ଦେଶ ଦେବାସହ ବିଭାଗର ବରିଷ୍ଠ ଅଧିକାରୀ ମାନେ ରାଣୀପୁର ଝରିଆଲ ପର୍ଯ୍ୟଟନ ସ୍ଥଳକୁ ଯିବେ ଦେଖିବେ ଏବଂ ପିଠର ବିକାଶ ନେଇଁ ଯାହା ଯାହା ସମ୍ଭବ ହେବ ତାର ମାଷ୍ଟର ପ୍ଲାନ ପ୍ରସ୍ତୁତ କରାଯିବ ଏବଂ ଆବଶ୍ୟକ ପଦକ୍ଷେପ ମଧ୍ଯ ନିଆଯିବ ବୋଳି ତାଙ୍କ ଉତ୍ତରରେ କହିଥିଲେ। ତେବେ ବିଧାନସଭାର ଏ ଖବର ପାଇବାପରେ ଅଞ୍ଚଳରେ ଲୋକଙ୍କ ଖୁସି କହିଲେ ନ ସରେ ଏବେ ପ୍ରଶ୍ନ କାଳର ଏ ଭିଡିଓ କ୍ଲିପ ମୋବାଇଲ ରୁ

ମୋବାଇଲ କୁ ଡେଇଁବାରେ ଲାଗିଛି । ରାଣୀପୁର ଝରିଆଲ ମନ୍ଦିର କମିଟିର ଆବାହକ ଅନିଲ କୁମାର ତ୍ରିପାଠୀ, ସଭାପତୀ ମାଣିକ ଚନ୍ଦ ଜୈନ, ବରିଷ୍ଠ ସଦସ୍ଯ କରମ ଚନ୍ଦ ଜୈନ, ଝରିଆଲ ସରପଞ୍ଚ ଭରଦ୍ବାଜ ଗହିର , ମୁଣ୍ଡପଦର ସରପଞ୍ଚ ରାଧାକାନ୍ତ ବେହେରା , କ୍ଷୀରସିନ୍ଧୁ ଭୋଇ,     ମଞ୍ଜେସ ମେହେର, ଗୋପୀନାଥ ସାହୁ , ଯୁବରାଜ ବାଗ, ପର୍ମାନନ୍ଦ ଭୋଇ, ମନ୍ଦିର ପୂଜକ ଜଗମୋହନ ତ୍ରିପାଠୀ, ରଶ୍ମିରଞ୍ଜନ ପୁଟେଲ, ନିତ୍ୟାନନ୍ଦ ପୃଷେଠ, ହେମନ୍ତ ସାହୁ, ନୌରାଜ ରଣା ପ୍ରମୁଖ ବଲାଙ୍ଗୀର ଜିଲ୍ଲା ବାସିଙ୍କ ଆସ୍ଥା, ବିଶ୍ବାସ ଓ ଭାବାବେଗ ସହ ଜଡିତ ରାଣୀପୁର ଝରିଆଲ ର ଉନ୍ନତୀ ପାଇଁ ବିଧାନ ସଭାରେ ବାରମ୍ବାର ଦାବି ଉପସ୍ଥାପନ କରୁଥିବାରୁ ବିଧାୟକ ଶ୍ରୀ ସାଳୁଜା ଙ୍କୁ ଧନ୍ୟବାଦ ଜଣାଇଛନ୍ତି। ଏପଟେ କିନ୍ତୁ ଚା ଦୋକାନ ପାନ ଦୋକାନ ମାନଙ୍କ ଖଟି ରେ ଖୁବ ଚର୍ଚ୍ଚା ଏଥର ଯୋଗିନୀଙ୍କୁ ନ୍ୟାୟ ଦେବେତ ସରକାର ।

(ଅନୀଲ କୁମାର ତ୍ରିପାଠୀଙ୍କ ରିପୋର୍ଟ)