01-Aug-2022

ବାଲେଶ୍ଵର(ପ୍ରେରଣା ଖବର ବ୍ୟୁରୋ) :- ରବିବାର ସନ୍ଧ୍ୟା ୭.୦୦ ଘଟିକା ସମୟରେ ବ୍ୟାସକବି ସାହିତ୍ୟ ସଂସଦ, ଗୋଡ଼ିଶୂଳ, ନୀଳଗିରି, ବାଲେଶ୍ଵର ତରଫରୁ ୧୯ତମ ରାଜ୍ଯସ୍ତରୀୟ କବିତା ଆସର "ବର୍ଷାଭିଜା ଶ୍ରାବଣ "ଅନ୍ ଲାଇନ୍ ମାଧ୍ୟମରେ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ପ୍ରାଣ ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ ଶ୍ରୀଯୁକ୍ତ ଯଚିନ୍ଦ୍ର ସ୍ୱାଇଁ ସ୍ୱାଗତ ଅଭିଭାଷଣ ସହ ଅତିଥି

ପରିଚୟ ପ୍ରଦାନ କରିଥିଲେ, ଅନୁଷ୍ଠାନର ସଭାପତି ଶ୍ରୀଯୁକ୍ତ ବିପିନ ବିହାରୀ ବାରିକ ସଭାପତିତ୍ଵ କରିଥିଲେ। ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ସତ୍ୟନାରାୟଣ ମହାପାତ୍ର, ସାହିତ୍ୟ ଏକାଡେମୀ ସଦସ୍ୟ କଲାହାଣ୍ଡି ଓ ମୁଖ୍ୟ ବକ୍ତା ଭାବେ ଶ୍ରୀଯୁକ୍ତ ନିରଞ୍ଜନ ତ୍ରିପାଠୀ, ବରିଷ୍ଠ ସାମ୍ବାଦିକ, ବରଗଡ଼ ଯୋଗ ଦେଇ ଓଡିଆ ସାହିତ୍ୟ ଓ ବର୍ଷା ସମ୍ବନ୍ଧୀୟ ବିଭିନ୍ନ୍ ତଥ୍ଯ ଉପସ୍ଥାପନା କରିଥିଲେ। କାର୍ଯ୍ୟକ୍ରମକୁ କାର୍ଯ୍ୟକାରୀ ସମ୍ପାଦିକା ସଙ୍ଗୀତା ବାରିକ ପରିଚାଳନା କରିଥିବା ବେଳେ ସଂଗଠନ ସମ୍ପାଦକ ପ୍ରଦୀପ ସରକାର ଧନ୍ଯବାଦ ଅର୍ପଣ କରିଥିଲେ।ମହିଳା ସମ୍ପାଦିକା ସରସ୍ଵତୀ ବାରିକ ଉପସଭାପତି ଗୋଦାବରିଶ ଦାସ, କରୁଣାକର ମଲ୍ଲିକ, ପ୍ରଭାକର ସାହୁ ପ୍ରମୁଖ ବର୍ଷାଭିଜା ଶ୍ରାବଣ ଶିର୍ଷକ କବିତା ଆସରରେ  କବିତା ଆବୃତ୍ତି କରିଥିଲେ। ସ୍ଵତନ୍ତ୍ର ଭାବେ ଗୁରୁପ୍ରିୟା ସାହିତ୍ୟ ସଂସଦର ପ୍ରତିଷ୍ଠାତା ଓ ସମ୍ପାଦକ ଶ୍ରୀଯୁକ୍ତ ଗୋପବନ୍ଧୁ ମିଶ୍ର ଓ କେ, ତ୍ରିମୂଳା ଆଚାରୀ

ଯୋଗ ଦେଇଥିଲେ। ଆସରରେ ୨୪ ଟି ଜିଲ୍ଲାରୁ କବି କବୟିତ୍ରୀ ଯୋଗ ଦେଇଥିଲେ। କରୁଣାକର ଭୋଳ, ଅରୁଣ କୁମାର ପ୍ରଧାନୀ, ଧ୍ରୁବ ମୁଦୁଲି, ପରମାନନ୍ଦ ସ୍ୱାଇଁ, ରୋହିତ ଜେନା, ଗାୟତ୍ରୀ, ଧନୁର୍ଜୟ ହନ୍ତାଳ, ଅନୁପମା ଅଭିମନ୍ୟୁ ପ୍ରଧାନ, ଚନ୍ଦ୍ରକଳା ଦେବୀ, ଅଜିତ ପାଢି, ବାବାଜୀ ଚରଣ ଦାସ, ବସନ୍ତ କୁମାର ବେହେରା, ପ୍ରଦୀପ କୁମାର ଦାଶ, ରତିକାନ୍ତ ବେହେରା, ସବିତା ତ୍ରିପାଠୀ, ଅର୍ଜୁନୀ ଚରଣ ବେହେରା ଓ ସୂର୍ଯ୍ୟ ନାରାୟଣ ଦାଶ ପ୍ରମୂଖ ଆସରରେ ଯୋଗ ଦେଇ ଏହାକୁ ସାଫଲ୍ଯ ମଣ୍ଡିତ କରିଥିଲେ।