31-Jul-2022

ସାଲେଭଟା, ମରଷୁଣ୍ଢି ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ନେତ୍ରାନନ୍ଦ ସାହୁଙ୍କ ସରକାରୀ ଚାକିରୀରୁ ଅବସର ନେବା ଅବସରରେ  ଆଂଚଳିକ ସାଧନ କେନ୍ଦ୍ର , ସାଲେଭଟାରେ ସିଆରସିସି ସଦାନନ୍ଦ ଭୁଏଙ୍କ ନେତୃତ୍ୱରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ସାଲେଭଟା ବାଳିକା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ବାଳକୃଷ୍ଣ ମହାନନ୍ଦ ସଭାରେ ଅଧ୍ୟକ୍ଷତା କରିଥିଲେ । ଆଗଲପୁର ବ୍ଲକ ଏବିଇଓ ଆଦିତ୍ୟକୁମାର ବନ୍ଦିଛୋର ମୁଖ୍ୟଅତିଥି,ଶିକ୍ଷକ ସଂଘ ସଂପାଦକ ଦିଲ୍ଲିପ ବେହେରା, ମିଳିତ ଶିକ୍ଷକ ସଂଘ ସଭାପତି ଜୟରାମ ଧଳ, ସାଲେଭଟା ବାଳକ ଉଚ୍ଚ ବିଦ୍ୟାଲୟର ପ୍ରଧାନଶିକ୍ଷକ ସଦାନନ୍ଦ ଭୋଇ ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇ

ମତବ୍ୟକ୍ତ କରିଥିଲେ । ଆଦର୍ଶ ଶିକ୍ଷକ ନେତ୍ରାନନ୍ଦ ସାହୁଙ୍କ ଶିକ୍ଷା,ଶିକ୍ଷାୟତନ ଓ ସମାଜ ପ୍ରତି ଦେଇଥିବା ଅବଦାନ ସମ୍ବନ୍ଧରେ କ୍ଲଷ୍ଟର ଅନ୍ତର୍ଗତ ଶିକ୍ଷକ ଓ ଶିକ୍ଷୟତ୍ରୀ ଗୋବିନ୍ଦ ସାହୁ, ସୁଶାନ୍ତ କୁମାର ନନ୍ଦ, ସୁଦାମ ପଟେଲ, ଧରିତ୍ରୀ ସାହୁ, ଜାହ୍ନବୀ ପଟେଲ, କମଲୀନୀ ସାହୁ, ନମିତା ସାହୁ, ଦୟାନନ୍ଦ ସାହୁ ପ୍ରମୁଖ ସ୍ମୃତିଚାରଣ କରିଥିଲେ । ବିଦାୟୀ ଶିକ୍ଷକ ଶ୍ରୀସାହୁ ନିଜ ଶିକ୍ଷକତା ଜୀବନର ଅନୁଭୂତି କହିଥିଲେ ଏବଂ ପିଲାଙ୍କ ଉଜ୍ଜଳ ଭବିଷ୍ୟତ ନିମନ୍ତେ ଗୁଣାମ୍‌ôକ ଶିକ୍ଷା ପ୍ରଦାନ କରିବାକୁ ସମସ୍ତଙ୍କୁ ଆହ୍ୱାନ କରିଥିଲେ । କ୍ଲଷ୍ଟର ତରଫରୁ ଶ୍ରୀସାହୁଙ୍କୁ ପୁଷ୍ପଗୁଚ୍ଛ, ମାନପତ୍ର ଓ ଉପଢୌକନ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା । ଏଥି ସହିତ ପଦୋନ୍ନତୀ ପାଇଥିବା ନୂତନ ପ୍ରଧାନଶିକ୍ଷକ ମାନଙ୍କୁ

ମଧ୍ୟ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମକୁ ଖଲିଆପାଲି ବିଦ୍ୟାଳୟର ପ୍ରଧାନଶିକ୍ଷକ ତଥା ଜୁନିଅର ରେଡକ୍ରସ ପରାମର୍ଶଦାତା ଦୂର୍ଯ୍ୟୋଧନ ପଶାୟତ ସଂଯୋଜନ କରିଥିବା ବେଳେ ସାଲେଭଟା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ କୁନ୍ତୀ ପଧାନ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ଶିକ୍ଷକ ଶିକ୍ଷୟତ୍ରୀ ଅଳକା ପଣ୍ଡା, ମାମୀ ଭୋଇ, ନିହାରିକା ଦଳେଇ, ଦଶରଥ ପଟେଲ, ମୁରାରୀଧର ବାବୁ, ଶ୍ରୀକାନ୍ତ ଛତ୍ରୀଆ, ସୁରେଶ ଭୋଇ, ଗୋବିନ୍ଦ ଭୋଇ, ରାଜକିଶୋର ମାହାକୁର ପ୍ରମୁଖ ସହଯୋଗ କରିଥିଲେ ।