25-Nov-2020

ଟିଟିଲାଗଡ, (ପ୍ରେରଣା ଖବର) - ବଲାଙ୍ଗୀର ଜିଲ୍ଲାର ଟିଟିଲାଗଡ ଅନ୍ୟତମ ରେଳ ଜନକ୍ସନ ହୋଇଥିବା ଓ ଏହି ସହର ର ହାତପଦା ଦୈନିକ ଓ ସାପ୍ତାହିକ ବଜାର ଉପରେ ଆନ୍ଧ୍ରପ୍ରଦେଶ, ଛତିଶଗଡ଼ ଦୁଇଟି ରାଜ୍ୟ ର ବ୍ୟବସାୟୀ ତଥା କଳାହାଣ୍ଡି, ନୂଆପଡା, ରାୟଗଡା,ବରଗଡ଼ ର ବ୍ୟବସାୟୀ ନିର୍ଭରଶୀଳ ରହିଥିବା ବେଳେ ଏହି ବଜାର ଦୀର୍ଘ ଦଶନ୍ଧି ରୁ ଚାଲିଆସୁଛି । ହେଲେ ପରିଚାଳନା ଗତ ଅବ୍ୟବସ୍ଥା ଯୋଗୁଁ ବଜାର ବିଭିନ୍ନ ସମସ୍ୟା ମାନ ଲାଗିରହିଛି । ବିଶେଷ କରି ଏହି ବଜାର ଚାଷୀ ମାନଙ୍କ ପାଇଁ ସମ୍ପୂର୍ଣ୍ଣ ଭାବେ ରୋଜଗାର ସୃଷ୍ଟି କରିପାରିଛି । ହେଲେ ପ୍ରଶାସନ ତରଫରୁ ଏହି ବଜାର ରୁ ବାର୍ଷିକ ୨୦ ଲକ୍ଷ ଟଙ୍କା ର ରାଜସ୍ବ ସ୍ଥାନୀୟ ପୌରପରିଷଦ ଆଦାୟ କରାଯାଉଥିବା ସତ୍ୱେ ଗୋଟିଏ ଶୌଚାଳୟ ଟିଏ ବି ନାହିଁ ।ପୂର୍ବତନ ନଗରପାଳ ଶୁଭ୍ରାଂଶୁ ଦାସ ଙ୍କ ସମୟରେ ବ୍ୟାପକ ଉନ୍ନତି ମୁଳକ କାର୍ଯ୍ୟ କରି ପାରିଥିଲେ ହେଲେ ପରିଚାଳନା ଗତ ଅବ୍ୟବସ୍ଥା ଯୋଗୁଁ ଏବେ ବିଭିନ୍ନ ସମସ୍ୟା ସୃଷ୍ଟି ହୋଇଛି । ଏପରି କି ନିର୍ମାଣ ଧୀନ ଶୌଚଳୟ  ବି ନଷ୍ଟ ହୋଇଯାଇଛି । ଏ ନେଇ ଟିଟିଲାଗଡ଼ ଉପଜିଲ୍ଲାପାଳ ଏହି ବଜାର ଉନ୍ନତି କରଣ କରିବା ନେଇ ତିନି ଥର ଆସି ଚାଲିଯାଇ କୌଣସି ପଦକ୍ଷେପ ନ ନେଇ ଥିବା ଓ ଦୋକାନୀ ମାନଙ୍କୁ ଦୋକାନ ମାନ ଉଠେଇବା କୁ କହି ଚାଲିଯିବା ନେଇ ଅସନ୍ତୋଷ ପ୍ରକାଶ ପାଇଛି । ସେହିପରି ଏ ବଜାର ଭିଡ଼ ହେବା ଓ ଟ୍ରାଫିକ ସମସ୍ୟା ପାଇଁ ନିର୍ମାଣ ଧୀନ ଓଭର ର୍ବ୍ରିଜ କୁ ସାମାନ୍ୟ କାର୍ଯ୍ୟ କରି କାର୍ଯ୍ୟକ୍ଷମ କରାଯାଇ ପାରନ୍ତା ,ହେଲେ ଏ ନେଇ କୌଣସି ପଦକ୍ଷେପ ନ ନେବା ଓ ଅର୍ଦ୍ଧ ନିର୍ମିତ ଦୋକାନ ଗୁଡ଼ିକ କାର୍ଯ୍ୟକାରୀ କରିବା ନେଇ କେବଳ ତଦାରଖ କରି ଚଳିଯାଉଥିବା ଦେଖାଯାଉଛି । ଏ ନେଇ ଅତିରିକ୍ତ ତହସିଲଦାର ଏକ ପୋଲିସ ବାହିନୀ ସହ ଆସି ୧୫ ମିନିଟ ମଧ୍ୟରେ ସମସ୍ତ ଦୋକାନ ବନ୍ଦ କରିବା କୁ ନିର୍ଦ୍ଦେଶ ଦେଇଥିଲେ । ହେଲେ ଶନିବାର ଓ ବୁଧବାର ଦୁଇଦିନ ବଜାର ବସୁଥିବା ବେଳେ ଦୋକାନି ଙ୍କ ମଧ୍ୟରେ ଅସନ୍ତୋଷ ସୃଷ୍ଟି ପାଇବା ସହ ଉତ୍ତେଜନା ପ୍ରକାଶ ପାଇ ଥିଲା । ବିନା କୌଣସି ନୋଟିସ ବା ସୂଚନା ନ ଦେଇ ଏଭଳି କରିବା କୁ ନେଇ ତୀଵ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଶେଷରେ ମାଜିଷ୍ଟ୍ରେଟ ଭାବେ ଆସିଥିବା ଅତିରିକ୍ତ ତହସିଲଦାର ସଦଳ ବଳେ ହଟହଟା  ହୋଇ ଫେରିଯାଇଥିଲେ ।  ହେଉଛନ୍ତି ।    ଅଭିଯୋଗକୁ ହୃଦୟଙ୍ଗମ କରି ଶେଷରେ ପ୍ରଶାସନ ନିଜର ବ୍ୟବହାରରେ ପରିବର୍ତନ କରିଥିଲା ଏବଂ ଆଗାମୀ ଦିନରେ ଉପ ଜିଲ୍ଲାପାଳଙ୍କ ସହ ଆଲୋଚନା କରିବାକୁ କହି ହଟହଟା ହୋଇ ଫେରିବା ସାର ହୋଇଥିଲା।