26-Jul-2022

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲାର ହୀରାକୁଦ ଜଳସେଚିତ ଅଞ୍ଚଳ ଭାବେ ପରିଚିତ ବିନିକା ଅଞ୍ଚଳର ଚାଷୀ ଆରମ୍ଭରୁ ବିପର୍ଯ୍ୟର ସମ୍ଭୁଖୀନ ହୋଇଛି ।ବର୍ଷା ପାଣି ସହ ହୀରାକୁଦ ଜଳଭଣ୍ଡାରରୁ କେନାଲ ଯୋଗେ ପ୍ରବଳ ପାଣି ଆସିବାରୁ ବିନିକା ଅଞ୍ଚଳ ଦେଇ ପ୍ରବାହିତ ମୁଖ୍ୟ କେନାଲରେ ୨୦ଫୁଟ ଘାଇ ସୃଷ୍ଟି କରି ଆଡି ଭୁଶୁଡ଼ି ପଡ଼ିଛି ।ଯାହା ଫଳରେ ଶହ ଶହ ଚାଷ ଜମି ଜଳମଗ୍ନ ହୋଇଥିବାରୁ ଚାଷୀ ପାଇଁ ଚିନ୍ତାର ବିଷୟ ପାଲଟିଛି ।ଦେଖିବାକୁ ମିଳିଛି ବିନିକା ବ୍ଳକ ଅନ୍ତର୍ଗତ ମେଘେଳା ପଞ୍ଚାୟତ ସାହାଜବାହାଲ୍ ଠାରେ । ମୁଖ୍ୟ କେନାଲରେ ଉଛୁଳି ପଡୁଥିବା  ଭରପୂର ପାଣି ଯୋଗୁଁ ଗତକାଲି ସକାଳେ ଅଚାନକ ଭାବେ ଆଡି ଭୁଶୁଡ଼ି ୨୦ଫୁଟ ଘାଇ ସୃଷ୍ଟି ହୋଇ ତଳ ଚାଷ ଜମି ଗୁଡ଼ିକୁ ନିମିଷକ ମଧ୍ୟରେ ପାଣି ମାଡ଼ି ଯାଇ ଅଧିକାଂଶ ଜମି ଜଳମଗ୍ନ ହୋଇପଡିଛି । ସୂଚନା ଅନୁସାରେ ଶାହାଜବାହାଲ୍,ପଧାନପାଲି, କୁଇବାହାଲ ଗ୍ରାମର କେତେକ ଚାଷୀଙ୍କ ପଲ୍ଲା,ରୁଆ ଧାନ ନଷ୍ଟ ହୋଇଥିବା ବେଳେ ଆଉ କେତେକଙ୍କ ଜମିରେ ପାଣି ଭରି ରହିଥିବା ଯୋଗୁଁ ଚାଷକାର୍ଯ୍ୟ ବିଳମ୍ବ ହେବାର ଆଶଙ୍କା ଦେଖା ଦେଇଛି।ଖବର ପାଇ ଜଳସେଚନ ଓ ରାଜସ୍ବ ବିଭାଗର ଅଧିକାରୀ ମାନେ ଘଟଣାସ୍ଥଳ ପରିଦର୍ଶନରେ ଆସି ତୁରନ୍ତ ମରାମତି କରିବା ଦିଗରେ ପଦକ୍ଷେପ ନିଆଯିବ ବୋଲି କହିବା ସହ ଯେଉଁ ଚାଷୀ ମାନଙ୍କ କ୍ଷତି ଘଟିଛି ତାହା ଯାଞ୍ଚ କରାଯାଇ ସହାୟତା ପ୍ରଦାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ।