24-Jul-2022

ବଲାଙ୍ଗିର, ସ୍ଥାନୀୟ ଅମଲା ଭବନ ଠାରେ ତହଁକ କୁଟୁମ୍ ତରଫରୁ ଝକେର୍ ଆସର ଅନୁଷ୍ଠିତ ହୋଇଯାଇଛି । ଧର୍ମସିଂହ ମିଶ୍ରଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ନିରଞ୍ଜନ ପଣ୍ଡା ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ଦେବେନ୍ଦ୍ର ନାଏକ ଯୋଗ ଦେଇଥିଲେ । ମୁଖ୍ୟ ବକ୍ତା ଭାବେ ନାଟ୍ୟଭୂଷଣ ଜଗଦାନନ୍ଦ ଛୁରିଆ ଯୋଗ ଦେଇ ପ୍ରାଥମିକ ଶିକ୍ଷାରେ କୋଶଲି ଭାଷାର ଭୂମିକା ଆଲୋଚନା ଚକ୍ରରେ ପ୍ରାଥମିକ ଶିକ୍ଷା ଶିଶୁର ବ୍ୟକ୍ତିତ୍ୱ ଗଠନରେ ଭିତ୍ତି ନିର୍ମାଣ କରେ ବୋଲି ମତ ରଖିଥିଲେ । ଏହି ସଭାେ ତହଁକ ର ଲୋଗୋ ଅତିଥିମାନଙ୍କ ଦ୍ୱାରା ଉନ୍ମୋଚିତ ହୋଇଥିଲା ଏବଂ ଯୁବ କବି ଦିଲିପ ମିଶ୍ରଙ୍କୁ ଯୁବ ସାହିତ୍ୟ ସମ୍ମାନରେ ସମ୍ମାନିତ କରାଯାଇଥିଲା ଏବଂ ଲୋଗୋ ନିର୍ମାତା ନିଗମ ନାଥଙ୍କୁ ସମ୍ବର୍ଦ୍ଧିତ କରାଯାଇଥିଲା । ସଭାରେ ଶ୍ରିୟାକାନ୍ତ ଦାଶ ସ୍ୱାଗତ ଦେଇଥିଲେ ଏବଂ ଅର୍ଜୁନ କୁମାର ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ । ପରେ ପରେ ଦ୍ୱିତୀୟ ଅଧିବେଶନରେ ରାଜେଶ ଶର୍ମା, ସବିତା ମହରା ମଂଚାସୀନ ଥିଲେ । କବିତା ମିଶ୍ର, ଅନନ୍ତ ବିଶ୍ୱାଲ ଏବଂ ଧର୍ମେନ୍ଦ୍ର ପ୍ରଧାନ କବିତା ଆସରର ସଂଯୋଜନା କରିଥିଲେ । ଏଥିରେ ଜିଲ୍ଲାରୁ ଶତାଧିକ କବି ସ୍ୱରଚିତ କବିତା ପାଠ କରିଥିଲେ । ଶେଷରେ ତହଁକ ସଂପାଦକ ରାଜେଶ ଦଣ୍ଡସେନା ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ପ୍ରଭାସିନି ଭୋଇ, ରାଜୀବନ ପ୍ରସାଦ ଭୋଇ, ସୌକିଲାଲ ସାହୁ, ରବିନ୍ଦ୍ର ସାହୁ, ଖିରସିନ୍ଧୁ ବିଶି, ଭରତ ମେହେର, ରାଧାକାନ୍ତ ସାହୁ, ତପସ୍ୱିନୀ ପଶାୟତ ଏବଂ ଯଦୁମଣି କର୍ଣ୍ଣ ପ୍ରମୁଖ ସହଯୋଗ କରିଥିଲେ ।