22-Jul-2022

ଉଲୁଣ୍ଡା,(ଗୌରଚନ୍ଦ୍ର ପରିଛା): ବର୍ଷାରେ ପ୍ରଭାବିତ ହୋଇଥିବା ହିତାଧିକାରୀଙ୍କୁ ସହାୟତା ପାଇଁ  ଉଲୁଣ୍ଡା କୋଶଲ ମୁକ୍ତି ମୋର୍ଚା ପକ୍ଷରୁ ଏକ ଦାବିପତ୍ର ତହସିଲଦାରଙ୍କୁ ପ୍ରଦାନ କରାଯାଇଛି । ପ୍ରକାଶ ଯେ ଲଗାଣ ବର୍ଷା ଯୋଗୁଁ ବ୍ଲକର ବିଭିନ୍ନ ଗ୍ରାମରେ ବହୁ ଲୋକଙ୍କ ଘରଦ୍ୱାର ଭାଙ୍ଗିବା ସହ ଦୟନୀୟ ଅବସ୍ଥାରେ ରହୁଛନ୍ତି । ଏଣୂ ତହସିଲ ପ୍ରଶାସନ ତାରଫରୁ ବର୍ଷାରେ ପ୍ରଭାବିତ ହୋଇଥିବା ଉପଯୁକ୍ତ  ହିତାଧିକାରୀଙ୍କୁ ଚିହ୍ନଟ କରି ଆବଶ୍ୟକ ସହାୟତା ପ୍ରଦାନ କରିବା ପାଇଁ କୋଶଲ ମୁକ୍ତି ମୋର୍ଚାର ଆବାହକ ନିତିନ ପଧାନଙ୍କ ନେତୃତ୍ୱରେ ତହସିଲଦାର ଆନନ୍ଦ ପଣ୍ଡାଙ୍କୁ ଏକ ଦାବିପତ୍ର ପ୍ରଦାନ କରିଥିଲେ । ତେବେ  ଯଦି ଉପଯୁକ୍ତ ହିତାଧିକାରୀ ସହାୟତା ପାଇବାରୁ ବଂଚିତ ହୁଏ ତାହାହେଲେ ଆଗାମି ଦିନରେ ଆନ୍ଦୋଲାତ୍ମକ ପନ୍ଥା ଗ୍ରହଣ କରାଜିବ ବୋଲି ଦାବିପତ୍ରରେ ଉଲ୍ଲେଖ ରହିଛି ।