21-Jul-2022

ପାଟଣାଗଡ଼-ପୂର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ବାଗଦୋର ପଞ୍ଚାୟତ ସମିତି ସଭ୍ୟା ବନୀତା ବିଶ୍ବାଳ ଙ୍କ ସ୍ବାମୀ ଲୋକନାଥ ବିଶ୍ବାଳ ଙ୍କ ଗୁଳିକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ କୁ  ଗିରଫ। ସୂଚନାଯୋଗ୍ୟ ଯେ ଗତ ମାର୍ଚ୍ଚ ୨୮ ତାରିଖ ଦିନ ସନ୍ଧ୍ୟାରେ ବନମାଲ ଗାଁ ର ଲୋକନାଥ ବିଶ୍ବାଳ ନିଜ ଘର ବାରଣ୍ଡାରେ ବସିଥିଲେ ଏବଂ ତାଙ୍କ ସ୍ତ୍ରୀ ବନିତା ବିଶ୍ବାଳ ମଧ୍ୟ ପାଖରେ ଥିଲେ। ଏହି ସମୟରେ ତିନି ଜଣ ବ୍ୟକ୍ତି ତାଙ୍କ ପାଖକୁ ଆସି ଗୁଳିଚାଳନା କରିଥିଲେ ।ଗୁଲି ଶବ୍ଦ ଶୁଣି ବନିତା ଚିତ୍କାର କରି ଉଠିଥିଲେ । ଚିତ୍କାର ଶୁଣି ଗ୍ରାମବାସୀ ମାନେ ଦୁର୍ବୃତ୍ତ ମାନଙ୍କୁ ପିଛା କରିଥିଲେ ଏପଟେ ବାଇକ୍ ଯୋଗେ ସେମାନେ ଲାଠୋର ଆଡ଼କୁ ପଲାୟନ କରିଥିଲେ।ସେପଟରୁ ଲାଠୋର ପୋଲିସ ଆସି ଦୁଇ ଜଣଙ୍କୁ ଧରିବା ରେ ସଫଳ ହୋଇଥିବା ବେଳେ ଅନ୍ୟ ଜଣେ ଫେରାର ମାରିଥିଲେ।ଗୁଲି ବାଜିଲା ପରେ

ଲୋକନାଥ ବିଶ୍ବାଳ ଙ୍କୁ ବେଲପଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଅଣାଯାଇଥିଲା କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗିରଫ ଅଭିଯୁକ୍ତ ଦ୍ବୟକୁ ଆଣି ପୋଲିସ ତଦନ୍ତ କରି ଆହୁରି ଚାରି ଜଣଙ୍କୁ ୩୦ ତାରିଖ ଦିନ ଗିରଫ କରି କୋର୍ଟ ଚାଲାଣ କରିଥିଲେ।ଯିଏ ଗୁଲି କରିଥିଲା ସେ ଫେରାର ଥିବାବେଳେ ଏବେ ତାକୁ ଛତିଶଗଡ଼ ଠାରୁ ଗିରଫ କରି କୋର୍ଟ ଚାଲାଣ କରିଥିବା ପାଟଣାଗଡ଼ ଉପଖଣ୍ଡ ପୋଲିସ ଅଧିକାରୀ ଜ୍ୟୋତିର୍ମୟ ଭୁକ୍ତା ସୂଚନା ଦେଇଛନ୍ତି।