21-Jul-2022

ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ)- ଅବୈଧ ଭାବରେ ନିଜ ଘରେ ଗଛିତ ରଖିଥିବା ବିପୁଳ ପରିମାଣର କାଠ ପଟା ଓ କାଠ ସାମଗ୍ରୀକୁ ଜବତ କରିବାରେ ଲୋଇସିଂହା ରେଞ୍ଜକୁ ଏକ ବଡ ସଫଳତା ମିଳିଛି । ସୂଚନାରୁ ପ୍ରକାଶ,  ଆଜି ଲୋଇସିଂହା ରେଞ୍ଜ ତରଫରୁ ଚଢ଼ଉ କରି ଲୋଇସିଂହା ର ବାବୁ ଫାସଡ ଗାଁ ରୁ ଜଣେ ବ୍ୟକ୍ତିଙ୍କ ଘରେ ଚଢ଼ଉ କରାଯାଇଥିଲା । ଚଢ଼ଉ ବେଳେ ଏହି ଗାଁ ର ସୁନ୍ଦର ଖମାରୀଙ୍କ ଘର ଭିତରୁ ଅବୈଧ ଭାବରେ ଗଛିତ ୧୪ଟି ଗମ୍ଭାରୀ ପଟା ଓ ୪୨ଟି ଶାଗୁଆନ କାଠର ପଟା ଜବତ କରାଯାଇଛି । ରେଞ୍ଜ ଅଫିସର ପଉଲ ହରପାଲଙ୍କ ନେତୃତ୍ୱରେ ଏହି ଚଢ଼ଉ ହୋଇଥିବା ବେଳେ ଫରେଷ୍ଟର ବିମ୍ବାଧର ବେହେରା, ସୁନୀଲ କୁମାର ମିଶ୍ର, ଚିନ୍ମୟ କୁମାର ପ୍ରଧାନ, ଫରେଷ୍ଟ ଗାର୍ଡ  ସଂଜୀବ କୁମାର ନାୟକ, ଯୁକ୍ତା ସାହାଣୀ, ଅଶୋକ କୁମାର ତ୍ରିପାଠୀ, ଜ୍ୟୋସ୍ନା ସଲତାର,  ମାନସୀ ସ୍ୱାଇଁ, ରାଜକୁମାର ଭୋଇ ପ୍ରମୁଖ ଏହି ଚଢ଼ଉରେ ସହଯୋଗ କରିଥିଲେ ।