21-Jul-2022

ବଲାଙ୍ଗୀର(ପ୍ରେରଣା ଖବର) ସୂଚନା ଅଧିକାର ଆଇନ ବଳରେ ମିଳିଥିବା ଜନ ସୂଚନା ଅଧିକାରୀ ବଲାଙ୍ଗୀର ବନଖଣ୍ଡ ଙ୍କ ପତ୍ର ନମ୍ବର - ୫୨୬୩ ତଥ୍ୟ ଅନୁଯାୟୀ, ବଲାଙ୍ଗୀର ବନାଞ୍ଚଳରେ ଜଙ୍ଗଲ ନିଆଁ ନିର୍ବାପନ ଓ ଜଙ୍ଗଲ କୁ ନିଆଁ ଦାଉରୁ ରକ୍ଷା କରିବା ପାଇଁ ନିୟୋଜିତ ହୋଇଥିବା ୧୦ ଜଣ ଫାୟାର ସ୍କ୍ୱାର୍ଡ ଙ୍କୁ ତାଙ୍କ  କାର୍ଯ୍ୟ ରୁ ଅପସାରଣ କରାଯାଇଛି । ଚଳିତ ବର୍ଷ ବଲାଙ୍ଗୀର ବନାଞ୍ଚଳରେ ଶେଷ ଥର ପାଇଁ ଗତ ତା.୬-୫-୨୦୨୨ ରେ ଜଙ୍ଗଲରେ ନିଆଁ ଲାଗିଥିଲା । ଏହା ପରେ ଫାୟାର ସ୍କ୍ୱାର୍ଡ ର ସଦସ୍ୟ ମାନେ ଜୁନ ମାସ ପର୍ଯ୍ୟନ୍ତ ଜଙ୍ଗଲ ରେ ଯେପରି ନିଆଁ ନ ଲାଗିବ ସେଥି ପ୍ରତି ଲଗାତାର ପହରା ଦେଇଆସିଥିଲେ । ଫାୟାର ସ୍କ୍ୱାର୍ଡ ର ସଦସ୍ୟ ମାନେ ବଲାଙ୍ଗୀର ବନାଞ୍ଚଳର ବିସ୍ତୃତ ସଂରକ୍ଷିତ ଜଙ୍ଗଲ ,ଗ୍ରାମ୍ୟ ଜଙ୍ଗଲ ଓ ପତ୍ରା ଜଙ୍ଗଲ ରେ ଫେବୃଆରୀ ୨୦୨୨ ରୁ ୦୬-୦୫-୨୦୨୨ ପର୍ଯ୍ୟନ୍ତ ଯେଉଁଠି ନିଆଁ ଲାଗିଲା ସେହିଠାରେ ଯାଇ ଜଙ୍ଗଲ ଅଧିକାରୀଙ୍କ ନିର୍ଦ୍ଦେଶରେ ନିଆଁ ଲିଭା କାର୍ଯ୍ୟ ସମ୍ପାଦନ କରିଥିଲେ । ଜୁନ ୩୦ ପର୍ଯନ୍ତ୍ ଯେପରି କୌଣସି ଜଙ୍ଗଲ ରେ ନିଆଁ ନ ଲାଗିବ ସେଥି ପ୍ରତି ସଜାଗ ରହି ନିୟମିତ ତାଙ୍କର କର୍ତ୍ତବ୍ୟ କରି ଜୁଲାଇ ମାସ ପହିଲାରୁ ବିଦାୟ

ନେଇଥିଲେ । ଫେବୃଆରୀ ୨୦୨୨ ରୁ ଜୁନ ମାସ ଶେଷ ପର୍ଯ୍ୟନ୍ତ ଜଙ୍ଗଲ ନିଆଁ ଲିଭା କାର୍ଯ୍ୟ ରେ ନିୟୋଜିତ ଥିବା ସଦସ୍ୟ ମାନେ ହେଲେ ,ଲେତି ପାଲି ଗ୍ରାମର ସଦାନନ୍ଦ ରଣା, ବିଯିଲିମୁଣ୍ଡା ଗ୍ରାମର ଡିଙ୍ଗର ସାଣ୍ଢ, ଧୁମାମରା ଗ୍ରାମର ସୁଶାନ୍ତ ବାଗ , ଫୁଲଝରଣ ଗ୍ରାମର ବାସୁଦେବ ଭୋଇ, ଘୁଙ୍ଗି ଗ୍ରାମର ଆଶିଷ ବିଶ୍ଵାଳ, ପ୍ରିତିଶ ବିଶ୍ଵାଳ ଏବଂ ମୋହନ ବିଶ୍ଵାଳ, ବିଲେଇକାନି ଗ୍ରାମର ନିରଞ୍ଜନ ବିଶ୍ଵାଳ,ବନ୍ଧପଡା ଗ୍ରାମର ମଦନ ବାଗ ଏବଂ ମଧୁପୁର ଗ୍ରାମର ଚୈତନ୍ୟ ସୁନା ପ୍ରମୁଖ ସଫଳତା ପୂର୍ବକ ଜଙ୍ଗଲ ନିଆଁ ଲୀଭା କାର୍ଯ୍ୟ ସମ୍ପାଦନ କରିଥିବା ସୂଚନା ମିଳିଛି।