20-Jul-2022

ବଲାଙ୍ଗୀର ଜିଲ୍ଲା ସିନ୍ଧେକେଲା କୁ ନୁତନ ବ୍ଲକ ଘୋଷଣା କରାଯିବା ପାଇଁ ବହୁ ବର୍ଷ ଧରି ଦାବି ହୋଇଆସିଛି। ସିନ୍ଧେକେଲା ବର୍ତ୍ତମାନ ବଙ୍ଗୋମୁଣ୍ଡା ବ୍ଲକ ଅଧିନରେ ଆସୁଥିବା ବେଳେ ବଙ୍ଗୋମୁଣ୍ଡା ବ୍ଲକ ଅଞ୍ଚଳର ପରିସୀମା କୁ ଦେଖିଲେ ସିନ୍ଧେକେଲା ଏକ ନୁତନ ବ୍ଲକ ହେବାର ସମସ୍ତ ଯୋଗ୍ୟତା ରହିଛି । କିନ୍ତୁ ସିନ୍ଧେକେଲା ଅଞ୍ଚଳ ବାସି ବାରମ୍ବାର ଦାବି ଜଣାଉଥିଲେ ହେଁ ସରକାର କୌଣସି ପଦକ୍ଷେପ ନେଉ ନ ଥିବା ରୁ ମଙ୍ଗଳବାର ବିଧାନସଭାରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜା ବାଚସ୍ପତିଙ୍କ ଜରିଆରେ ବିଭାଗୀୟ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ। ଏହି ଖବର ପାଇ ସିନ୍ଧେକେଲା ଅଞ୍ଚଳରେ ଖୁସିର ଲହରି ଖେଳି ଯାଇଛି ଏବଂ ପୁଣିଥରେ ବ୍ଲକ ଦାବି ପାଇଁ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇଯାଇଛି । ପ୍ରକାଶ ଥାଉକି ଶେଷ ଥର ପାଇଁ ୨୦୧୮ ରେ ସିନ୍ଧେକେଲା ବ୍ଲକ ଦାବି ପାଇଁ ସିନ୍ଧେକେଲା ବନ୍ଦ ପାଳନ କରାଯିବା ସହ ଦାବିପତ୍ର ପ୍ରଦାନ କରାଯାଇଥିଲା। ପରେପରେ କରୋନା ମହାମାରି ଯୋଗୁଁ ଆନ୍ଦୋଳନ ବନ୍ଦ ରହିଥିଲା ତେବେ ବର୍ତ୍ତମାନ ବିଧାନସଭାରେ ଶ୍ରୀ ସାଳୁଜା ଦୃଷ୍ଟି ଆକର୍ଷଣ କରି ଅଞ୍ଚଳର ଲୋକଙ୍କ ମଧ୍ଯରେ ପୁଣିଥରେ ବ୍ଲକ ଦାବି ପାଇଁ ନୁଆ ଆଶା ସଞ୍ଚାର କରିଛନ୍ତି ବୋଳି ମତପ୍ରକାଶ ପାଇଛି। ତେବେ ଏହାକୁନେଇ ଦଳମତ ନିର୍ମିଶେଷରେ ବିଶିଷ୍ଟ ସମାଜ ସେବୀ ଅନିଲ କୁମାର ତ୍ରିପାଠୀ , ସିନ୍ଧେକେଲା ବଣିକସଂଘ ସଭାପତି ସୁବାସ ଜୈନ, ପୂର୍ବତନ ବଣିକସଂଘ ସଭାପତି ସରୋଜ ଜୈନ, ବିଜେଡି ନେତା ଉମାକାନ୍ତ ସାହୁ,  ଉମାଶଙ୍କର ତ୍ରିପାଠୀ, ବିଜେପି ନେତା ଅନିଲ ନାଏକ, ସିନ୍ଧେକେଲା ସମିତିସଭ୍ଯ ଭୋଲାନାଥ ବେହେରା , ଯୁବନେତା ଯୁବରାଜ ବାଗ , ତପନ ଜୈନ, ଆର୍ତ୍ତତ୍ରାଣ ସାହୁ , ମାରବାଡି ଯୁବାମଞ୍ଚ ର ସଭାପତି ସାୟର ଜୈନ, ନୌରାଜ ରଣା , ହେମନ୍ତ ସାହୁ ପ୍ରମୁଖ ଧନ୍ୟବାଦ ଜଣାଇଛନ୍ତି ।