17-Jul-2022

ବଲାଙ୍ଗିର, ଗତକାଲି ରାତିରୁ ବଲାଙ୍ଗିର ସହର ଭିତରେ ଜୋରଦାର ବର୍ଷା ଲାଗି ରହିଛି । ଯାହା ଫଳରେ ବିଭିନ୍ନ ଜାଗାରେ ବର୍ଷା ପାଣି ଭର୍ତ୍ତି ହେବା ଯୋଗୁଁ, ଲୋକେ ନାହିଁନଥିବା ଅସୁବିଧାର ସମ୍ମୁଖିନ ହେଉଛନ୍ତି । ବଲାଙ୍ଗିର  ସହର କଦମ୍ୱପଡା ଠାରେ ଥିବା ଭୂତଳ ପୋଲ ଭିତରେ ଜମିଯାଇଛି ଅଣ୍ଟାଏ ପାଣି । ଯାହା ଫଳରେ ବଲାଙ୍ଗିରରୁ ମହିମୁଣ୍ଡା ରାସ୍ତାରେ ଯାତାୟାତ ଠପ ହୋଇଯାଇଛି ।  ବଲାଙ୍ଗିର ଜିଲ୍ଲା ରୁ ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ୍ l

ଗତକାଲି ଓ ଆଜି ସକାଳ ପର୍ଯ୍ୟନ୍ତ ଲଗାଣ ବର୍ଷା ରେ ବଲାଙ୍ଗିର ସହରର ବିଭିନ୍ନ ଅଞ୍ଚଳ ପ୍ରଭାବିତ ହୋଇଛନ୍ତି l ଅନେକ ଘରକୁ ବର୍ଷା ପାଣି ପ୍ରବେଶ କରି ଥିବା ବେଳେ ରାସ୍ତାରେ ଡ୍ରେନ୍ ପାଣି ପ୍ରବାହିତ ହେଉଥିବା ଦେଖା ଯାଇଛି l ବଲାଙ୍ଗିର ସହର ର ଶାସ୍ତ୍ରୀ ନଗରର ଅଧିବାସୀ ଗତକାଲିର ବର୍ଷରେ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହୋଇଥିବା ଦେଖା ଯାଇଛି l ଶାସ୍ତ୍ରୀ ନଗରର ବସୁଦେବ ସାହୁ ଙ୍କ ଘରେ ବର୍ଷା ପାଣି ପଶି ଥିବା ଯୋଗୁଁ ପରିବାର ଲୋକେ ଦୀର୍ଘ ସମୟ ପର୍ଯ୍ୟନ୍ତ ପାଣି ଘେରରେ ରହିଥିଲେ l ଘରର ଅନେକ ମୂଲ୍ୟବାନ୍ ଆସବାବ ପତ୍ର ଓ ଧାନ ଚାଉଳ ନଷ୍ଟ ହୋଇଥିବା ଜଣାପଡ଼ିଛି l ପରେ ଅଗ୍ନିଶମ ବିଭାଗ ଆସି ପାଣି ନିଷ୍କାସନ ର୍ ବ୍ୟବସ୍ଥା କରିବା ସହ ପରିବାର ଲୋକଙ୍କୁ ସୁରକ୍ଷିତ ସ୍ଥାନକୁ ନେଇ ରଖିଛନ୍ତି l