16-Jul-2022

ବିନିକା (ହିମାଂଶୁ ଶେଖର ପୁଟେଲ) କ୍ରୀଡା ତଥା ବିଭିନ୍ନ ସାମାଜିକ କାର୍ଯ୍ୟକ୍ରମରେ ଅଗ୍ରଣୀ ଭୂମିକା ତୁଲାଇ ଆସିଥିବା ବିନିକା ସ୍ପୋର୍ଟସ କ୍ଲବ ଆଉ ଗୋଟିଏ ଅଧ୍ୟାୟରେ ଯୋଡ଼ିହୋଇ ସବୁ ବର୍ଗର ଲୋକଙ୍କ ସେବାରେ ଉସର୍ଗିକୃତ ହେବାକୁ ପ୍ରୟାସ ଆରମ୍ଭ କରିଛି ।ମାନ୍ୟବର ପୂର୍ବତନ ମନ୍ତ୍ରୀ ତଥା

ବୀରମହାରାଜପୁର ବିଧାୟକ ପଦ୍ମନାଭ ବେହେରାଙ୍କ ପ୍ରଚେଷ୍ଟା କ୍ରମେ ଏବଂ ସୁବର୍ଣ୍ଣପୁର ଜିଲ୍ଲା ପ୍ରଶାସନର ଉଦ୍ୟମରେ ବର୍ତମାନ ବିନିକା ସ୍ପୋର୍ଟସ କ୍ଲବ ସ୍ମାର୍ଟ(ଅତ୍ୟାଧୁନିକ) ଲାଇବ୍ରେରୀରେ ପରିଣତ ହୋଇଛି ।ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରୱନେ ଗତ ଜୁନ ୧୩ତାରିଖରେ ଏହି ସ୍ମାର୍ଟ ଲାଇବ୍ରେରୀ(ଜିଲ୍ଲା ଗ୍ରନ୍ଥାଲୟ ବିନିକା ଶାଖା,ବିନିକା) କୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି ।ସରକାରୀ ସ୍ତରରେ ପଡ଼ିବା ପାଇଁ  ବିଭିନ୍ନ ପ୍ରକାରର ଶିକ୍ଷଣୀୟ ପାଠ୍ୟ ପୁସ୍ତକ କିଛି ମାତ୍ରାରେ ଆସିଥିଲେ ହେଁ ଛାତ୍ରଛାତ୍ରୀଙ୍କ ଭବିଷ୍ୟତ କ୍ୟାରିଅର ଗଠନ ନିମନ୍ତେ ଏବଂ ଅବସରପ୍ରାପ୍ତ କର୍ମଚାରୀ,ସାଧାରଣ ବ୍ୟକ୍ତି ବିଶେଷଙ୍କ ଜ୍ଞାନ ଆହରଣ ସକାଶେ ବିଭିନ୍ନ ପ୍ରକାରର  ଶିକ୍ଷଣୀୟ ପାଠ୍ୟ ପୁସ୍ତକ ଏହି ସ୍ମାର୍ଟ(ଅତ୍ୟାଧୁନିକ) ଲାଇବ୍ରେରୀକୁ ଦାନ କରିବା ପାଇଁ ଅଞ୍ଚଳର ବହୁ ବଦାନ୍ୟ ବ୍ୟକ୍ତି ବିଶେଷ ସ୍ବୀକୃତି ପ୍ରଦାନ କରିଛନ୍ତି । ଏହି ପରିପ୍ରେକ୍ଷୀରେ ୧୪ତାରିଖ ଗୁରୁବାର ସନ୍ଧ୍ୟାରେ ବିନିକା ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ, ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ଶିକ୍ଷକ ମନୋରଞ୍ଜନ ବାଘ,କନିଷ୍ଠ ଯନ୍ତ୍ରୀ ବିବେକାନନ୍ଦ ପାତ୍ର,ଯୁବ ସଂଗଠକ ପୀତବାସ ମେହେର,ସନ୍ତୋଷ ମହାକୁର,ସୁଶାନ୍ତ ପଣ୍ଡା,ବିଜୁ ପ୍ରେମୀ ହୃଷୀକେଶ ପଣ୍ଡା ପ୍ରମୁଖଙ୍କ ଉପସ୍ଥିତିରେ  ବିଜୁଜନତା ଦଳ ବୀରମହାରାଜପୁର ନିର୍ବାଚନ ମଣ୍ଡଳ ସ୍ତରୀୟ ସଭାପତି ତଥା ଉଲୁଣ୍ଡା ମାଁ ମେଟାକାନି ଟ୍ରଷ୍ଟ ବୋର୍ଡ ସଭାପତି ବିହାରିଲାଲ ମିଶ୍ର ଓଡ଼ିଶାର ମହାନାୟକ ବିଜୁ ବାବୁଙ୍କ କିମ୍ବଦନ୍ତୀ ଉପରେ ଆଧାରିତ ପୁସ୍ତକ ସହିତ ବିଭିନ୍ନ ପ୍ରକାରର ୨୫ଖଣ୍ଡ ଏବଂ ବିନିକା ଏନଏସି ଉଲ୍ଲେ ଗ୍ରାମର ଅବସରପ୍ରାପ୍ତ କର୍ମଚାରୀ ତଥା ରାଜ୍ୟ ସମାଜସେବୀ ମହାସଂଘର ଯୁଗ୍ମ ସମ୍ପାଦକ ରାମଗୋପାଳ ବାଗ ସମ୍ବିଧାନ ପ୍ରଣେତା ଡ଼ଃ ବି.ଆର.ଆମ୍ବେଦକର ଓ ସମସ୍ତଙ୍କ ଜାଣିବା ଭଳି ପ୍ରାୟ ୨୦ଖଣ୍ଡ ପୁସ୍ତକ ଦାନ କରିଛନ୍ତି ।ସ୍ୱଇଛାରେ ନିଜର ମହନୀୟତା ପ୍ରଦର୍ଶନ କରି ଲାଇବ୍ରେରୀକୁ ପୁସ୍ତକ ପ୍ରଦାନ କରୁଥିବା ସମସ୍ତ ବ୍ୟକ୍ତବିଶେଷଙ୍କୁ ଲାଇବ୍ରେରୀ ପରିଚାଳନା କରୁଥିବା ବିନିକା ବିଜ୍ଞାପିତ ଅଞ୍ଚଳ ପରିଷଦ ଏବଂ ସହଯୋଗ କରୁଥିବା ବିନିକା ସ୍ପୋର୍ଟସ କ୍ଲବ ତରଫରୁ ପ୍ରଶଂସା କରାଯିବା ସହିତ ତାଙ୍କର ନାମକୁ ରେଜିଷ୍ଟରରେ ଲିପିବଦ୍ଧ କରାଯିବ ଯାହାକି ଅଧ୍ୟୟନ ପାଇଁ ଆସୁଥିବା ବ୍ୟକ୍ତବିଶେଷ ଜାଣିପାରିବେ । ଆଗାମୀ

ଦିନରେ ଯେଉଁ ମାନେ ଏହି ସ୍ମାର୍ଟ(ଅତ୍ୟାଧୁନିକ) ଲାଇବ୍ରେରୀକୁ ପୁସ୍ତକ ଦେବା ପାଇଁ ସହଯୋଗ କରିବେ ସେମାନେ ବିନିକା ଏନଏସି କାର୍ଯ୍ୟନିର୍ବାହୀ ଅଧିକାରୀ ମୋ.ନଂ-  ,ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର, ମୋ.ନଂ-8249862250, ହିମାଂଶୁ ଶେଖର ପୁଟେଲ 7684909001ଙ୍କ ସହିତ ଯୋଗାଯୋଗ କରିପାରିବେ ।ସେହି!ରି ଲାଇବ୍ରେରୀ ପଡ଼ିବା ପାଇଁ ଯେଉଁ ମାନେ ଆଗ୍ରହୀ ସେହି ମାନେ ଖୋଲାଯାଇଥିବା ଜିଲ୍ଲା ଗ୍ରନ୍ଥାଲୟ ବିନିକା ଶାଖାକୁ ନିଜର ଆଧାର କାର୍ଡ, ପାସପୋର୍ଟ ଫଟୋ ୨ଗୋଟି ସାଙ୍ଗରେ ଆଣି ନିଜର ନାମ ପଞ୍ଜିକୃତ(ସଦସ୍ୟତା) କରିବାକୁ ହେବ ।