15-Jul-2022

ବଲାଙ୍ଗିର,(ପ୍ରେରଣା ଖବର)ବଲାଙ୍ଗିର ଜିଲ୍ଲା ତୈଳିକ ବୈଶ୍ୟ ସମାଜ ତରଫରୁ ସ୍ଥାନୀୟ ରେଲ ଷ୍ଟେସନ ନିକଟସ୍ଥ ହରି ଓଁ ଭବନ ଠାରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି । ଜିଲ୍ଲା ସଭାପତି ଉମାକାନ୍ତ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମାରୋହରେ ସାଧାରଣ ସଂପାଦକ ପ୍ରଦୀପ ସାହୁ, ନଗର ସଭାପତି ରେବତିକାନ୍ତ ସାହୁ ମଂଚାସିନ ଥିବା ବେଳେ ପ୍ରଶନ୍ନ ସାହୁ ମଂଚ ପରିଚାଳନା କରିଥିଲେ । ଏହି ଅବସରରେ ବଲାଙ୍ଗିର ପୌର ପରିଷଦ ଅଧ୍ୟକ୍ଷା ଲିକା ସାହୁ ମୁଖ୍ୟ ଅତିଥି ଭାବରେ ଯୋଗ ଦେଇ ମୁଖ୍ୟମନ୍ତ୍ରୀଙ୍କ ଅନୁଦାନ ପାଣ୍ଠିରୁ ଏକ କମ୍ୟୁନିଟି ହଲ୍ ସ୍ଥାପନ କରାଯିବା ନେଇ ପ୍ରତିଶୃତି ଦେଇଥିଲେ ଏବଂ ଦେଓଗାଁ ବ୍ଲକ ଅନ୍ତର୍ଗତ ମୁକୁନ୍ଦପୁର ଗ୍ରାମ ପଞ୍ଚାୟତ ସରପଞ୍ଚ ଜାନକୀ ସାହୁ, ବରକାନି ପଂଚାୟତ ର ବଳଦେବ ସାହୁ, ଲୋଇସିଂହା ବାଦି ମୁଣ୍ଡା ସରପଂଚ କିରନ ସାହୁ, ତୁଷୁରା ଏନ୍‌ଏସି କାଉନସିଲ ସୁଷମା ସାହୁ, ସମିତି ସଭ୍ୟ ପ୍ରବୋଧ ସାହୁ, ଖୁଜେନପାଲି ସମିତି ସଭ୍ୟା ସୂର୍ଯ୍ୟକାନ୍ତି ସାହୁ, ସାଲେପାଲି ସମିତି ସଭ୍ୟା ଗାୟତ୍ରି ସାହୁ, ବାଦିମୁଣ୍ଡା ସମିତି ସଭ୍ୟା ସୁକାନ୍ତି ସାହୁ ଏବଂ ସ୍ୱର୍ଗତ ରଂଜିତ ସାହୁଙ୍କ ଧର୍ମପତ୍ନୀ ଅଞ୍ଚନା ସାହୁ ଏବଂ ବଲାଙ୍ଗିର ହାଉସିଂ ବୋର୍ଡ ଉପସଭାପତି କଲ୍ୟାଣି ସାହୁ ଙ୍କୁ ତୈଳିକ ବୈଶ୍ୟ ସମାଜ ତରଫରୁ ଉପଢୈାକନ ଏବଂ ପୁଷ୍ପଗୁଚ୍ଛରେ ସମ୍ବର୍ଦ୍ଧନା କରାଯାଇଥିଲା । କଂସ ଭୁମିକାରେ ଅଭିନୟ କରି ସାରା ଓଡିଶା ବିଶେଷ ସୁନାମ ଅର୍ଜନ କରିଥିବା ବିଶିଷ୍ଟ କଳାକାର ରବିନ୍ଦ୍ର ସାହୁ ଏହି ସମାରୋହରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରି ସମସ୍ତଙ୍କୁ ମନମୁଗ୍ଧ କରିଥିଲେ । ସଭାରେ କୃଷ୍ଣ ବିହାରି ସାହୁ, ଫକିର ସାହୁ, ଧୃବ ସାହୁ, ଆନନ୍ଦ ସାହୁ, ଫିରୋଜ ସାହୁ ସହଯୋଗ କରିଥିଲେ । ଏହି ସଭାରେ ମହେନ୍ଦ୍ର ସାହୁ, ସୁଦାମ ସାହୁ, ଅଙ୍ଗିରା ସାହୁ, ସୌକିଲାଲ ସାହୁ, ରାଜ କିଶୋର ସାହୁ, ନିରଞ୍ଜନ ସାହୁ, ଦେବଦତ୍ତ ସାହୁ ଏବଂ ଜିଲ୍ଲା ତୈଳିକ ବୈଶ୍ୟ ସମାଜର ମହିଳା ଶାଖା ସଭାପତି ଗୌରୀ ସାହୁ, ସବିତା ସାହୁ, ମହେଶ୍ୱତା ସାହୁ, ସ୍ୱିଟି ସାହୁ ତଥା ସମସ୍ତ ସଭ୍ୟ ଉପସ୍ଥିତ ରହିଥିଲେ ।