12-Jul-2022

ବରଗଡ: ଗୁଣ୍ଡିଚା ଧାମ ରୂପେ ପରିଗଣିତ ହେଉଥିବା ଅତାବିରା ବ୍ଲକ ର କାଠଡେରା ଠାରେ ଦୀର୍ଘ ଦଶ ଦିନ ଧରି ଚାଲି ଚାଲିଥିଲା ରଥଯାତ୍ରା ମହୋତ୍ସବ ଓ ଲୋକ ମହୋତ୍ସବ । ଏହି ମହୋତ୍ସବର ଆଜି ଅନ୍ତିମ ଦିବସରେ ସେବା ଶିବିର ଉଦଯାପିତ ହୋଇ ଯାଇଛି। ବରଗଡ଼ ଜିଲ୍ଲା ଶିକ୍ଷା କାର୍ଯ୍ୟାଳୟ ତଥା  ଅତାବିରା ବ୍ଲକ ଶିକ୍ଷା କାର୍ଯ୍ୟାଳୟର ମିଳିତ ଆନୁକୂଲ୍ୟରେ ଅତାବିରା ବ୍ଲକ ସ୍କାଉଟ୍ ଗାଇଡ ତଥା ଜୁନିଅର ରେଡକ୍ରସ ପକ୍ଷରୁ ହୋଇଥିବା ଏହି ସେବା ଶିବିରର ଉଦଯାପନୀ  ଅବସରରେ ଜିଲ୍ଲା ସ୍କାଉଟ୍ ଗାଇଡ ସମ୍ପାଦକ ଆଶୁତୋଷ ଦେ  ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ବରିଷ୍ଠ ସ୍କାଉଟ୍ ମାଷ୍ଟର ତଥା ତାଲିମଦାତା ଭୁବନେଶ୍ୱର ମହାକୁର, ଟୋପ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷୟତ୍ରୀ ତଥା ଗାଇଡ କ୍ୟାପଟେନ ଅନୁସୂୟା ଦେବତା, ଜlଙ୍ଗେଡ୍  ଉଚ୍ଚ ବିଦ୍ୟାଳୟର ସ୍କାଉଟ୍ ମାଷ୍ଟର ସୁବାସ ଗଡତିଆ, ହୀର୍ଲିପାଲି ଉଚ୍ଚ ବିଦ୍ୟାଳୟର ସ୍କଉଟ୍ ମାଷ୍ଟର ପ୍ରତାପ ଗଡତିଆ  ପ୍ରମୁଖ ଉପସ୍ଥିତ ଥିଲେ। ଗତ ୪ ତାରିଖରୁ ୧0 ତାରିଖ ଯାଏଁ ହୋଇଥିବା ଏହି ସେବା ଶିବିରକୁ ବହୁତ ସୁନ୍ଦର ଓ  ଶୃଙ୍ଖଳିତ ଭାବରେ ପରିଚାଳନା କରି ଏହାକୁ ସଫଳ ରୂପାୟନ କରିଥିଲେ ଲାଚିଦା ଉଚ୍ଚ ବିଦ୍ୟାଳୟର ସ୍କାଉଟ୍ ମାଷ୍ଟର ରମେଶ ସେଠ୍ । ଶ୍ରୀମତୀ ଦେବତା ସ୍କାଉଟ ଗାଇଡ ତଥା ଜୁନିଅର ରେଡକ୍ରସର ବିଭିନ୍ନ ସେବାମୂଳକ କାର୍ଯ୍ୟକ୍ରମରେ ଛlତ୍ରଛlତ୍ରୀ ମାନଙ୍କ ଭୂମିକା ଉପରେ ଆଲୋକପାତ କରିବା ସହ ମହୋତ୍ସବ କମିଟି ତାଙ୍କୁ ସେଇ ସୁଯୋଗ ପ୍ରଦାନ କରୁଥିବାରୁ କୃତଜ୍ଞତା ଜ୍ଞାପନ କରିଥିଲେ । ଏହି ଶିବିରରେ ଯୋଗ ଦେଇ ଛାତ୍ରଛାତ୍ରୀଙ୍କ ମଧ୍ୟରେ ଯେଉଁ  ସେବାମୂଳକ ମନୋଭାବ ସୃଷ୍ଟି ହୋଇ ପାରିଛି, ସେମାନେ ଯେଉଁଭଳି ଭାବରେ ଲୋକଙ୍କୁ ସେବା ଯୋଗାଇ ଥିଲେ ତାହା ଦେଖି ଶ୍ରୀଯୁକ୍ତ ଦେ ତଥା ମହୋତ୍ସବ କମିଟିର କର୍ମକର୍ତ୍ତା ମାନେ ଖୁସି ହୋଇଥିଲେ । ପରବର୍ତ୍ତୀ ସମୟରେ  ଏହା ତାଙ୍କୁ ତାଙ୍କର ଭବିଷ୍ୟତ ତଥା ଚରିତ୍ର ନିର୍ମାଣରେ ସାହାଯ୍ୟ  କରିବ ବୋଲି ସମସ୍ତେ କହିଥିଲେ ।cଏହି ଶିବିରରେ ଟୋପ ଉଚ୍ଚ ବିଦ୍ୟାଳୟ, ଲାଚିଦା ଉଚ୍ଚ ବିଦ୍ୟାଳୟ, ହିର୍ଲିପାଲି ଉଚ୍ଚ ବିଦ୍ୟାଳୟର ସ୍କାଉଟ୍ ଗାଇଡ ତଥା ଜୁନିଅର ରେଡକ୍ରସର ଛାତ୍ରଛାତ୍ରୀ ମାନେ ଯୋଗ ଦେଇ ଥିଲେ। ଏହି  ସାତ ଆଠ ଦିନର ଶିବିରରେ  ସ୍କାଉଟ୍ ଗାଇଡ ମାନେ ଝାଡୁ ଧରି ରଥ ମେଲଣ ସ୍ଥାନ ତଥା ଚତୁର୍ପାର୍ଶ୍ଵ ରେ ସଫେଇ କରିଥିଲେ । ସମସ୍ତ ଆବର୍ଜନା କୁ ଗୋଟେଇ ଥିଲେ ଓ ପରେ ଶହ ଶହ ଶ୍ରଦ୍ଧାଳୁ ଭକ୍ତ ମାନଙ୍କୁ ସରବତ ଓ ଜଳ ବଣ୍ଟନ କରିଥିଲେ । ଅନ୍ନ ପ୍ରସାଦ ବଣ୍ଟନ କରିବା ,ପୋଡ଼ ପିଠା ବଣ୍ଟନ କରିବା, ପାନୀୟ ଜଳ ଓ ସରବତ ବଣ୍ଟନ କରିବା ତଥା ଆବଶ୍ୟକ ପଡିଲେ ପ୍ରାଥମିକ ଚିକିତ୍ସା ମଧ୍ୟ ଯୋଗାଇ ଦେଇଥିଲେ।  ଏହି ସେବା ଶିବିର ରେ ଯୋଗ ଦେଇଥିବା ଛାତ୍ର ଛାତ୍ରୀ ମାନଙ୍କୁ  ରଥଯାତ୍ରା କମିଟି ପକ୍ଷରୁ ପ୍ରଶଂସା ପତ୍ର ପ୍ରଦାନ କରାଯିବ  ବୋଲି ଜଣା ପଡିଛି । ତେବେ ଆଗାମୀ ଦିନରେ  ଭିଡ଼ ତଥା ସେବାର ଆବଶ୍ୟକ ଥିବା  ସ୍ଥାନରେ  ସେବା ଯୋଗାଇବାରେ  କେବେହେଲେ ପଛଘୁଞ୍ଚା ଦେବେ ନାହିଁ ବୋଲି ଏହି ଛାତ୍ର ଛାତ୍ରୀ ମାନେ ଉତ୍ସୁକତା ଦେଖାଇଥିଲେ । ତେବେ  ଯେଉଁ ସେବା ପ୍ରଦାନ ପାଇଁ  ଶିବିରର ଅlୟୋଜନ କରାଯାଇଥିଲା ତାହା  ଅତୀବ  ସଫଳତାର ସହ   ସମ୍ପର୍ଣ୍ଣ  ହୋଇଯାଇଛି