12-Jul-2022

ଆଗଲପୁର (ପ୍ରେରଣା ଖବର) ଭିଜିଲାନ୍ସ ଜାଲରେ ଧରା ପଡିଲେ ଆଗଲପୁର ବ୍ଳକ ଆଇ ସି ଡି ଏସ୍  ସୁପରଭାଇଜର ଶ୍ରୀମତୀ କୁନି ନାୟକ l ସମ୍ବଲପୁର ଭିଜିଲାନ୍ସ ଡି ଏସ୍ ପି ଙ୍କ ନିର୍ଦ୍ଦେଶ କ୍ରମେ ବଲାଙ୍ଗିର ଭିଜିଲାନ୍ସ ବିଭାଗ ର ଏକ ଟିମ୍ ଆଜି ଅପରାହ୍ନରେ ଆଗଲପୁର ସି ଡି ପି ଓ ଅଫିସ ରେ ପହଂଚି ଥିଲେ l ସୁପରଭାଇଜର  ଅଙ୍ଗନୱାଡି କର୍ମୀ ଲତା ସାହୁଙ୍କ ସମେତ ଆଉ ୫ ଜଣ ଅଙ୍ଗନୱାଡି କର୍ମୀଙ୍କ ଠାରୁ ୧୯,୮୦୦ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ବିଭାଗ ସୁପରଭାଇଜରଙ୍କୁ କାବୁ କରି ନେଇଥିଲା l ଅଙ୍ଗନୱାଡି କର୍ମୀ ଜଣକ ସୁପରଭାଇଜରଙ୍କ ଟେବୁଲ୍ ରେ ଲାଞ୍ଚ ଟଂକା ଦେବା ପାଇଁ ରଖିଥିବା ବେଳେ ଭିଜିଲାନ୍ସ ବିଭାଗର ଅଚାନକ ଚଢାଉ ଯୋଗୁଁ ସୁପରଭାଇଜର ଜଣକ ଇତସ୍ତତ ହୋଇ ପଡିଥିବା ଦେଖାଯାଇଥିଲା l ସେ ଯାହା ହେଉ ଆଗଲପୁର ଠାରେ ଏହି ସୁପରଭାଇଜର ଙ୍କ ନାମରେ ଆଗରୁ ମଧ୍ୟ  ଲାଞ୍ଚ ନେଉଥିବାର ଅନେକ ଅଭିଯୋଗଆସିଛି  l