09-Jul-2022

ଉଲୁଣ୍ଡା, (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ସଦର ଠାରେ ଶ୍ରୀ ଜଗନ୍ନାଥଙ୍କ ବାହୁଡା ଯାତ୍ରା ଶାନ୍ତି ଶୃଙ୍ଖଲା ସହିତ ସମ୍ପନ୍ନ ହୋଇଛି । ପାରମ୍ପରିକ ପୂଜର୍ଚନା କଲାପରେ ଠାକୁରଙ୍କୁ ଖେଚୁଡି ଭୋଗ ଲାଗି କରାଯାଇଥିଲା । ପରେ ଲୋକନାଥ ପୁଝାରୀ, ଗୋପାଲ ପଣ୍ଡା ଏବଂ ଅରୁଣ ତ୍ରୀପାଠୀ ଠାକୁରଙ୍କୁ ବେଶ କରିଥିଲେ । ଅପରାହ୍ନ ସମୟରେ ଉଲୁଣ୍ଡା ବସ୍ତି ସ୍ଥିତ ମାଉସି ମନ୍ଦିରରୁ ଠାକୁରଙ୍କୁ ବିଦାୟ ଦିଆଯାଇଥିଲା । ଛତି, ଛତ୍ର, ଘଂଟ, ଘଂଟି ଶୋଭାଯାତ୍ରାରେ ଠାକୁରଙ୍କୁ ଉଲୁଣ୍ଡା ବସ୍ତି, ହାଟପଡିଆ, ବସଷ୍ଟାଣ୍ଡ ଦେଇ ରଥ ପର୍ଯ୍ୟନ୍ତ ଅଣାଯାଇଥିଲା । ପୁଜାର୍ଚନା ପରେ ଠାକୁର ରଥାରୁଢ ହୋଇଥିଲେ । ଉମେଶ ପାଣିଗ୍ରାହୀ,ସୁନିଲ କୁମାର ପାଣିଗ୍ରାହୀ, ଅନିଲ କୁମାର ପଣ୍ଡା, ଦାମୋଦର ନାୟକ, ମାନଭଞ୍ଜନ ପୁରୋହିତ, ହିମାଂଶୁ ପଣ୍ଡା, ଛତିସ ନନ୍ଦ, ଅଭିଲାସ ନାଏକ ଏବଂ ସତ୍ୟ ପୁଝାରୀ ପହଣ୍ଡିରେ ସହେଯାଗ କରିଥିଲେ । ହିମାଂଶୁ ଶେଖର ତ୍ରୀପାଠୀ ଏବଂ ଲକ୍ଷ୍ମିକାନ୍ତ ପଣ୍ଡା ଏବଂ ନାରାୟଣ ପଣ୍ଡା ଛେରା ପହରା କରିଥିବା ବେଲେ  ପରିଚାଲନା ପରିଷଦର ସଂପାଦକ ବସୁଦେବ ଭୋଇ ସହଯୋଗ କରିଥିଲେ ।