09-Jul-2022

ବରଗଡ:-ବରଗଡ ଜିଲ୍ଲା ପଦ୍ମପୁର ସ୍ଥିତ ଗୋପାଲଜୀ ମନ୍ଦିର ପ୍ରାଙ୍ଗଣରେ ରଥଯାତ୍ରା ମହୋତ୍ସବ-୨୦୨୨ ମହାସମାରୋହରେ ପାଳିତ ହୋଇଯାଇଛି।ତା ୦୧.୦୭.୨୦୨୨ ଶୁକ୍ରବାର ଦିନ ମେହେର ପଡା ସ୍ଥିତ ଶ୍ରୀମନ୍ଦିର ରୁ ରଥାରୁଢ଼ ହୋଇ ତିନି ଠାକୁର ଗୋପାଲଜୀ ମାଉସୀ ମନ୍ଦିର କୁ ଆଗମନ କରିଥିଲେ।ଦିର୍ଘ ୭ ଦିନ ଧରି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସଂଧ୍ୟା ୦୬.୩୦ ମିନିଟ ରେ ପ୍ରଭୁଙ୍କ ମହାଆଳତି

ପରେ ଭକ୍ତିଭାବନା ପୂର୍ବକ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ପ୍ରତ୍ୟହ ସାହିତ୍ୟ,କଳା, ସାମାଜିକ ସ୍ତରର ବ୍ୟକ୍ତି ବିଶେଷ ଙ୍କୁ ମାନପତ୍ର ସହ ଉପଢ଼ୌକନ ଦେଇ ସମ୍ମାନିତ କରାଯାଇଥିଲା।ଏହି କାର୍ଯ୍ୟକ୍ରମ କୁ ପ୍ରତ୍ୟହ ନିମନ୍ତ୍ରିତ ହୋଇ ଆସିଥିବା ଅତିଥି ଗଣ ଏହି ମହାନ ବ୍ୟକ୍ତି ଙ୍କୁ ଉପଢୌକନ ସହ ମାନପତ୍ର ଦେଇ ସମ୍ବର୍ଦ୍ଧିତ କରୁଥିଲେ। ସାଂସ୍କୃତିକ କାର୍ଯ୍ୟକ୍ରମ ରେ ପ୍ରବଚନ,ପାଲା,ବୈଠକୀ କିର୍ତ୍ତନ୍ୟ ପରିବେଷଣ ସହ ଭଜନ ସଂଧ୍ୟା ରେ ଓଡ଼ିଶା ର ବିଭିନ୍ନ ପ୍ରାନ୍ତର ଅନୁଷ୍ଠାନ ମାନ ଆସି ଦର୍ଶକ ମାନଙ୍କୁ ଜଗନ୍ନାଥ ପ୍ରେମରେ ବାନ୍ଧିବା ର ପ୍ରୟାସ ଜାରି ରଖିଥିଲେ। ସଭାପତି ମହିପାଳ ସାହୁ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସମସ୍ତ କାର୍ଯ୍ୟକ୍ରମ ସୁଚାରୁରୂପେ ପରିଚାଳିତ ହୋଇଥିଲା । ଉପସଭାପତି ହରିଚନ୍ଦନ ସାହୁ ସମ୍ପାଦକ ବିଜୟ କୁମାର ଦାନୀ,ସାହୁପଡାବାସୀ ରାଜେନ୍ଦ୍ର ସାହୁ,ଲବଣୀ ସାହୁ,ସୁରଜ ପ୍ରସାଦ ସାହୁ,ପପୁ ସାହୁ,ଶମ୍ଭୁ ପ୍ରସାଦ ସାହୁ,

ନନ୍ଦକିଶୋର ସାହୁ, ସୁବ୍ରତ ସାହୁ ପ୍ରମୁଖ ଙ୍କ ସହାୟତା ରେ ମହାପ୍ରଭୁଙ୍କ କାର୍ଯ୍ୟକ୍ରମ କ୍ରମ ସାଫଲ୍ୟ ମଣ୍ଡିତ  ହୋଇଛି।ଏ ପରିପ୍ରେକ୍ଷୀରେ ସମସ୍ତ  ସାହୁପଡା ର  ଯୁବ ସଂଗଠନ ତିନି ଠାକୁର ଙ୍କୁ ବାହୁଡ଼ା ଯାତ୍ରା ରେ ପହଣ୍ଡିବିଜେ ରେ ରଥଟାଣି ଶ୍ରୀମନ୍ଦିର ପର୍ଯ୍ୟନ୍ତ ନେଇଯାଇଥିଲେ। ରଥଯାତ୍ରା ମହୋତ୍ସବ
୨୦୨୨ ସଫଳ ହୋଇଥିବାରୁ ପଦ୍ମପୁର ସହରବାସୀ କାର୍ଯ୍ୟକ୍ରମ ରେ ଜଡିତ ଥିବା ସମସ୍ତ କର୍ମକର୍ତ୍ତା ତଥା ମା ଭଉଣୀ ମାନଙ୍କୁ ଧନ୍ୟବାଦ ଜଣାଇଛନ୍ତି।