08-Jul-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ୫ ଟି ପଞ୍ଚାୟତ ଝରଣିପାଲି, ନଅଗାଁ (ଖ), ବଡ଼ଟୀକା, ବେନ୍ଦ୍ରା ଓ ନୁନିଆଁପାଲି ଗ୍ରାମର ଚାଷୀଭାଇ ମାନେ ଗତ ବର୍ଷ ମରୁଡି ଯୋଗୁଁ ବହୁ କ୍ଷତିଗ୍ରସ୍ତ ହୋଇଥିଲେ l ୨୦୨୦-୨୧ ଖରିଫ୍ ଫସଲ ବୀମା କରି ମଧ୍ୟ ନିଜ ପ୍ରାପ୍ୟ ପାଇ ନାହାନ୍ତି l ଏହା ଏ ଅଞ୍ଚଳର ଚାଷୀ ମାନଙ୍କ ପାଇଁ ବୋଝ ଉପରେ ନଳିତା ବିଡା ସଦୃଶ l ଏଥି ପାଇଁ ଚାଷୀ ଭାଇ ମାନେ ଅନେକ ହଇରାଣ ହୋଇ ବହୁ ଅଫିସରଙ୍କୁ ଭେଟି ସାରିଥିଲେ l କିଛି ଦିନ ପୂର୍ବରୁ ବଲାଙ୍ଗିର ଜିଲ୍ଲାପାଳଙ୍କୁ ମଧ୍ୟ ସାକ୍ଷାତ କରିଥିଲେ ମଧ୍ୟ କିଛି ସୁଫଳ ପାଇ

ପାରିନାହାନ୍ତି l ଘଟଣା ଟି ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରାଙ୍କ ଦୃଷ୍ଟିଗୋଚର ହେବା ପରେ ତାଙ୍କ ନିର୍ଦେଶ କ୍ରମେ, ରାଜ୍ୟ ପରିଷଦ ସଦସ୍ୟ ତଥା ଲୋଇସିଂହା ନିର୍ବାଚନ ମଣ୍ଡଳୀର ଯୁବନେତା ନିହାର ରଞ୍ଜନ ବେହେରଙ୍କ ନେତୃତ୍ୱରେ ପାଞ୍ଚ ଟି ପଞ୍ଚାୟତର ଚାଷୀ ଭାଇ ମାନେ  ୮.୭.୨୦୨୨  ତାରିଖ ଭୁବନେଶ୍ବର ଯାଇ ମାନ୍ୟବର କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ, ରାଜ୍ୟ କୃଷି ନିର୍ଦେଶକ  ପ୍ରେମଚାନ୍ଦ ଚୌଦରୀ (ଆଇ ଏ ଏସ୍ ) ଆର୍ ସି ଏସ୍  ମୁଖ୍ୟ ଉଦ୍ଧବ ମାଝୀ (ଆଇ ଏ ଏସ୍ ) ଓ କୃଷି ବୀମା କମ୍ପାନୀ (ଏ ଆଇ ସି ) ଅଧିକାରୀ ମାନ ଙ୍କୁ  ଭେଟି ଏ ବିଷୟରେ ବିସ୍ତୃତ ଆଲୋଚନା କରିଥିଲେ l ପରେ କୃଷି ନିର୍ଦେଶକ ମୁଖ୍ୟ ଖୁବ୍ ଶୀଘ୍ର ବୀମା ରାଶି ଚାଷୀ ମାନେ ପାଇବେ ବୋଲି କଥା ଦେଇଥିଲେ l ଏହି ଆଲୋଚନା ରେ ବଡ଼ଟିକା ସମବାୟ  ସଭାପତି କଳାର ସିଂ ବାଗ, ବୁରୋଭାଡି ସମବାୟ ସଭାପତି ଫକୀର ବିଶ୍ୱାଲ, ବିଜୁ ଜନତା ଦଳର ସକ୍ରିୟ କର୍ମୀ ପୂର୍ଣ୍ଣଚନ୍ଦ୍ର ବିଶ୍ୱାଲ, କୃଷକ ସାଥି ଶ୍ୟାମ ସୁନ୍ଦର ବିଶ୍ୱାଲ ଓ ହିତାଂଶୁ ସାହୁ ସାମିଲ୍ ଥିଲେ l ବୀମା ଟଙ୍କା ପାଇଲେ ଆଗଲପୁର ବ୍ଲକ୍ ର ଉକ୍ତ ପାଞ୍ଚଟି ପଞ୍ଚାୟତର ଚାଷୀ ଭାଇ ମାନେ ନିଶ୍ଚିତ ଭାବେ ବହୁ ଉପକୃତ ହେବେ l