08-Jul-2022

ବଲାଙ୍ଗିର (ଅନ୍ତର୍ଯ୍ୟାମୀ ସାହୁ) ଓଡିଶା ସରକାରଙ୍କ ଜଙ୍ଗଲ, ପରିବେଶ ଜଳବାୟୁ ପରିବର୍ତ୍ତନ ବିଭାଗ ପୌରହିତ୍ୟରେ ଅଜାଦି କି ଅମୃତ ମହୋତ୍ସବ ପାଳିତ ହୋଇଯାଇଛି l  ୭୩ ତମ ବନ ମହୋତ୍ସବ ଅବସରରେ ସ୍ଥାନୀୟ ଟାଉନ୍ ବାଳିକା ବିଦ୍ୟାଳୟ ଠାରୁ ଏକ ବିରାଟ ରେଲି ବାହାରିଥିଲା l ଏଥିରେ ସ୍କୁଲ ଓ କଲେଜ ଛାତ୍ରଛାତ୍ରୀ ମାନେ ଯୋଗ ଦେଇ ପରିବେଶ ସମ୍ପର୍କୀୟ ବିଭିନ୍ନ ସ୍ଲୋଗାନ ଦେଇଥିଲେ l  ସି ଏନ୍ ସି କମର୍ସ କଲେଜ ଓ ଟାଉନ୍ ବାଳିକା ବିଦ୍ୟାଳୟର ଛାତ୍ରଛାତ୍ରୀ ମାନେ ରେଲିରେ ଭାଗ ନେଇଥିଲେ l   ଘୁବୁକୁଡୁ ବାଦକ ସାନ-ବଡ଼଼  ଙ୍କ ଘୁଡ଼କା ବାଦନ ସମସ୍ତଙ୍କୁ   କରିଥିଲା l

 ଏହି ଅବସରରେ ସ୍ଥାନୀୟ କଦଳୀମୁଣ୍ଡା ନର୍ସରୀ ଠାରେ ଏକ ପରିବେଶ ସଚେତନତା ସଭା ଅନୁଷ୍ଠିତ ହୋଇଥିଲା l କବି ତଥା ବନ ବିଭାଗର କର୍ମଚାରୀ ଅର୍ଜୁନ ସାହୁଙ୍କ ସଂଯୋଜନାରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭବରେ ବଲାଙ୍ଗିର ଡି ଏଫ୍ ଓ ନୀତିଶ କୁମାର ଯୋଗ ଦେଇ ପରିବେଶ କୁ ସନ୍ତୁଳିତ କରିବା କ୍ଷେତ୍ରରେ ବୃକ୍ଷରୋପଣର ଆବଶ୍ୟକତା ସମ୍ପର୍କରେ ବୁଝାଇ ଥିଲେ l ସହରୀ ବନୀକରଣ କୁ ବ୍ୟାପକ କରିବା ପାଇଁ ସବୁ ସ୍ତରରେ ଉଦ୍ୟମ ହେବା ଆବଶ୍ୟକ ବୋଲି ଶ୍ରୀ ନୀତିଶ କୁମାର ମତ ଦେଇଥିଲେ l ସମ୍ମାନିତ ଅତିଥି ଭାବେ ବଲାଙ୍ଗିର ଏସ୍ ପି ନୀତିନ୍ କୁଶଳକର ଯୋଗ ଦେଇଥିଲେ l ଅନ୍ୟତମ ଅତିଥି ଭବରେ ବଲାଙ୍ଗିର ଅତିରିକ୍ତ ଜିଲ୍ଲାପାଳ ଅନନ୍ତ ନାରାୟଣ ଲାଗୁରି, ବଲାଙ୍ଗିର ମୁନିସିପାଲିଟି ପୌରାଧ୍ୟକ୍ଷା ଲିକl ସାହୁ, ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ମଞ୍ଚାସୀନ ରହି ଜଙ୍ଗଲ ସୁରକ୍ଷା ଓ ବନୀକରଣ କୁ ଏକ ଅଭିଯାନ ଭାବେ ଗ୍ରହଣ କରି ସମସ୍ତେ ଗୋଟିଏ ଗୋଟିଏ ଗଚ୍ଛ ଲଗାଇବାକୁ ପରମର୍ଶ ଦେଇଥିଲେ l

ଶେଷ ରେ ଏ ସି ଏଫ୍ ବାବାଜୀ ଚରଣ ରାଉଳ ଧନ୍ୟବାଦ ଅର୍ପଣ କରିଥିଲେ l ସଭା ପରେ ପ୍ରତ୍ୟେକ ଅତିଥି  ନର୍ସରୀ ପରିସରରେ ଗୋଟିଏ ଗୋଟିଏ ଗଚ୍ଛ ଲଗାଇଥିଲେ l ଏଥିରେ ଜଙ୍ଗଲ ବିଭାଗର ସମସ୍ତ କର୍ମଚାରୀ, ସ୍ଵେଚ୍ଛାସେବୀ ଓ ପରିବେଶପ୍ରେମୀ ମାନେ ଯୋଗ ଦେଇଥିଲେ l