08-Jul-2022

ସଇଁନ୍ତଲା(ଅନ୍ତର୍ଯ୍ୟାମୀ ସାହୁ) - ସଇଁନ୍ତଲା ବ୍ଲକ ଅନ୍ତର୍ଗତ ସରକାରୀ ଉନ୍ନିତ ଉଚ୍ଚ ବିଦ୍ୟାଳୟ ଡେଙ୍ଗ ଠାରେ ଅମରାବତୀ ଇକୋ କ୍ଲବ ଓ ଜୁନିୟର ରେଡକ୍ରସ ର ମିଳିତ ଆନୁକୁଲ୍ୟରେ ବନୋମହୋତ୍ସବ ପାଳିତ ହୋଇଯାଇଛି । ପ୍ରଧାନଶିକ୍ଷକ

ଚାଣ୍ଡାଳ ମିଶ୍ରଙ୍କ ସଭାପତିତ୍ୱ ଓ ପ୍ରକୃତିବନ୍ଧୁ ଶିକ୍ଷକ ତଥା ଜୁନିୟର ରେଡକ୍ରସ କାଉନସିଲର ରାମ ନାରାୟଣ ଦାଶଙ୍କର ସଂଯୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଡେଙ୍ଗ ପଂଚାୟତର ସରପଞ୍ଚ  ଇତିଶ୍ରୀ ସାହୁ ଓ ମୁଖ୍ୟବକ୍ତା ଭାବରେ ସଇଁନ୍ତଲା ବନପାଳ ଆଶୁତୋଷ ମହାକୁର ଯୋଗଦାନ କରିଥିଲେ । ଅନ୍ୟ ସମ୍ମାନିତ ଅତିଥି ଭାବରେ ସ୍ୱେଚ୍ଛାସେବୀ ଟିକେଶ୍ୱର ସାହୁ, ବନରକ୍ଷୀ ସତ୍ୟାନନ୍ଦ ପଧାନ, ନମିତା ତାଣ୍ଡି, ପାରା ଫରେଷ୍ଟର ଷ୍ଟାଫ ସୁରେଶ ବଗର୍ତ୍ତି ପ୍ରମୁଖ ଉପସ୍ଥିତ ଥିôଲେ । ଗଛ ବିନା ସୃଷ୍ଟି ଅସମ୍ଭବ । ତେଣୁ ମାନବ ସମାଜକୁ ଗଛର ସୁରକ୍ଷା ନିତାନ୍ତ ଜରୁରି ଅଟେ । ଗଛ ଲଗାଇବା ସଙ୍ଗେ ସଙ୍ଗେ ତାର ସୁରକ୍ଷାକୁ ମଧ୍ୟ ପ୍ରାଧାନ୍ୟ ଦେବା ଉଚିତ ବୋଲି ଅତିଥି ଗଣ ମତପ୍ରକାଶ କରିଥିଲେ । ଏହି ଅବସରରେ ଏକ ସାଇକେଲ ଶୋଭାଯାତ୍ରାରେ ଛାତ୍ର ଛାତ୍ରୀମାନଙ୍କ ସହିତ ଶିକ୍ଷକଗଣ ଗ୍ରାମରେ ଗଛର ଉପକାରିତା ବିଷୟରେ ସଚେତନ କରାଇବା ସହିତ ଚାରା ରୋପଣ କରିବା ପାଇଁ ଉତ୍ସାହିତ

କରିଥିଲେ । ପରେ ବିଦ୍ୟାଳୟ ପରିସରରେ ବୃକ୍ଷରୋପଣ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଶିକ୍ଷକ ହିମାଂଶୁ ବିଶ୍ୱାଲ, ଶିକ୍ଷୟତ୍ରୀ ରେଣୁକା ସାହୁ, ଗାୟତ୍ରି ବାରିକ, ଦ୍ରୋପଦୀ ଭୋଇ, କାନ୍ତୀ ଭୋଇ ତଥା ଗ୍ରାମବାସୀ ବିଶେଷ ଭାବରେ ସହଯୋଗ କରିଥିଲେ । କାର୍ଯ୍ୟକ୍ରମରେ ଶିକ୍ଷକ ଲିଙ୍ଗରାଜ ନନ୍ଦ ଅତିଥି ପରିଚୟ ପ୍ରଦାନ କରିଥିବା ବେଳେ ବରିଷ୍ଠ ଶିକ୍ଷକ ବିଶ୍ୱନାଥ ମେହେର ପରିଚାଳନା ଓ ଶିକ୍ଷକ ସୁଦର୍ଶନ ଦାଶ ଧନ୍ୟବାଦ ଅର୍ପଣ କରିଥିଲେ ।