06-Jul-2022

ବଲାଙ୍ଗିର(ପ୍ରେରଣା ଖବର) : ଅସରାଏ ବର୍ଷା ହୋଇଗଲେ ବଲାଙ୍ଗିର କଦମ୍ ପଡା ସ୍ଥିତ ରେଲୱେ ଅଣ୍ଡର ବ୍ରିଜ ର ଶୋଚନୀୟ ଅବସ୍ଥା ଯୋଗୁଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି l ଏହି ରାସ୍ତା ଦେଇ ପ୍ରତିଦିନ ଗାଡି ମଟର, ସ୍କୁଲ ଛାତ୍ର ଛାତ୍ରୀ ଓ ଜନସାଧାରଣ ଯାତାୟତ କରୁଥିବା ବେଳେ ରେଲୱେ ବିଭାଗର ଅବହେଳା ଯୋଗୁଁ ବର୍ଷା ଦିନ ହୋଇଗଲେ ଏହି ରାସ୍ତା ଟି ଏକରକମର ଅଚଳ ହୋଇପଡେ l

ଏହି ରେଲୱେ ଅଣ୍ଡର ବ୍ରିଜ ପାଖରେ ଅଛି ସରସ୍ଵତୀ ଶିଶୁ ମନ୍ଦିର l ଏହି ବ୍ରିଜ ଅକାମୀ ହୋଇ ପଡୁଥିବା ଯୋଗୁଁ ଛାତ୍ର ଛାତ୍ରୀ ମାନେ ବିପଦକୁ ମୁଣ୍ଡେଇ ବାଧ୍ୟ ହୋଇ ରେଲୱେ ଲାଇନ୍ ପାର ହୋଇ ସ୍କୁଲ ଯାଉଛନ୍ତି 
ଗତକାଲି ଏହି ଅଣ୍ଡର ବ୍ରିଜ ରେ ମରାମତି କାମ ଚାଲୁଥିବା ବେଳେ ଉଭୟ ପଟ ରାସ୍ତାରେ ଶହଶହ ଗାଡି  ଯାଇନପାରି ଟ୍ରାଫିକ୍ ଜାମ୍ ପରିସ୍ଥିତି ସୃଷ୍ଟି ହୋଇଥିଲା ll ଏପରିକି ଗୋଟିଏ ଆମ୍ବୁଲାନ୍ସ ମଧ୍ୟ ଅନେକ ସମୟ ଧରି ଏହି ରାସ୍ତାରେ ଅଟକି ରହିଥିବା ଦେଖିବାକୁ ମିଳିଥିଲା l ତେଣୁ ସ୍ଥାନୀୟ ଲୋକ ତଥା ଏହି ରାସ୍ତା ଉପରେ ନିର୍ଭରଶୀଳ ଜନସାଧାରଣ ଙ୍କ ସ୍ଵାର୍ଥ ଦୃଷ୍ଟିରୁ ଏହି ରାସ୍ତାର ମରାମତି ଦିଗରେ ରେଲୱେ ବିଭାଗ ତତ୍ପରତା ଦେଖାଇବାକୁ ଜନମତ ପ୍ରକାଶ ପାଇଛି l