06-Jul-2022

ବଲାଙ୍ଗିର (ପ୍ରେରଣା ଖବର) ଶିକ୍ଷୟତ୍ରୀଙ୍କ ବଦଲି ବାତିଲ ଦାବୀରେ ସ୍କୁଲରେ ତାଲା ପକାଇଲେ କୁନି କୁନି ଛୁଆ । ଏପରି ଘଟଣା ଘଟିଛି ବଲାଙ୍ଗିର ସହର ଭିତରେ । ଗାନ୍ଧିନଗର ପଡାର ପ୍ରାକ୍ଟିସିଂ ସ୍କୁଲର ପ୍ରଧାନ ଶିଛୟତ୍ରୀ ଅନିତା ସାଏଙ୍କୁ ବଦଲି କରାଯାଇଛି । ଏହା ଜାଣିବା ପରେ ଛାତ୍ରଛାତ୍ରୀ ଓ ଅଭିଭାବକ ମାନେ ସ୍କୁଲରେ ତାଲା ପକାଇ ଆନ୍ଦୋଳନ

କରୁଛନ୍ତି । ପ୍ରଧାନ ଶିକ୍ଷୟତ୍ରୀ ଅନିତା ସାଏ, ଭଲ ପାଠପଢାଉ ଥିବା ବେଲେ ଛାତ୍ରଛାତ୍ରୀଙ୍କ ସହିତ ଉତ୍ତମ ବ୍ୟବହାର କରୁଥିଲେ । ତେଣୁ ତାଙ୍କ ବଦଲିକୁ ସହଜରେ ଗ୍ରହଣ କରି ପାରୁନାହନ୍ତି ଛାତ୍ରଛାତ୍ରୀ ଓ ଅଭିଭାବକ । ଶୀଘ୍ର ଅନିତା ଦିଦିଙ୍କ ବଦଲି ବାତିଲ କରିବା ଦାବୀରେ ସ୍କୁଲରେ ତାଲା ପକାଇ ଅନ୍ଦୋଳନ କରୁଛନ୍ତି ଛାତ୍ରଛାତ୍ରୀ । ଗତ କିଛି ଦିନ ଆଗରୁ ଏହି

ସ୍କୁଲର ମଧ୍ୟାହ୍ନ ଭୋଜନରେ ପଚା ଅଣ୍ଡା ଦିଆଯାଇଥିବା ଘଟଣାକୁ ନେଇ ତୁମ୍ୱିତୋଫାନ ହୋଇଥିଲା । ଏସ.ଏଚ.ଜି ଗ୍ରୁପ ପଚା ଅଣ୍ଡା ଦେଉଥିବା ଅଭିଯୋଗ ଆଣିଥିଲେ ଅନିତା ଦିଦି । ଶିକ୍ଷା ଵିଭାଗ ଏସ.ଏଚ.ଜି ଗ୍ରୁପ ନାଁରେ କାର୍ଯ୍ୟାନୁଷ୍ଟାନ ନେବା ବଦଲରେ ଓଲଟା ହେଡ ଦିଦିଙ୍କୁ ବଦଳି କରିଥିବା ନେଇ ଚର୍ଚ୍ଚା ଜୋର ଧରିଛି ।