27-Jun-2022

ଘଣ୍ଟାପଡ଼ା(ପ୍ରେରଣା ଖବର) ରବିବାର ଦିନ ହୋଇଥିବା ସେବା ସମବାୟ  ସମିତିର ଦ୍ଵିତୀୟ ପର୍ଯ୍ୟାୟ ସଭାପତି ନିର୍ବାଚନରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଅନ୍ତର୍ଗତ ନାରାୟଣପ୍ରସାଦ ସମିତିରୁ ସଭାପତି ଭାବେ ବିନୋଦ କୁମାର ସାହୁ ନିର୍ଦ୍ବନ୍ଦରେ ନିର୍ବାଚିତ ହୋଇଛନ୍ତି । ନିର୍ବାଚନର ନିର୍ଦ୍ଧାରିତ ସମୟରେ ଶ୍ରୀ

ସାହୁ ଏକମାତ୍ର ପ୍ରାର୍ଥୀ ଭାବେ ପ୍ରସ୍ଥାବକ ଗୁରୁ ଚରଣ ରଣା ଓ ସମର୍ଥକ ସୁରେଶ ସେଠୀଙ୍କ ଉପସ୍ଥିତିରେ ନାମାଙ୍କନ ପତ୍ର ଦାଖଲ କରିଥିଲେ ।ନିର୍ଦ୍ଧାରିତ ସମୟ ପରେ ଶ୍ରୀ ସାହୁ ଏକ ମାତ୍ର ପ୍ରାର୍ଥୀ ହୋଇଥିବାରୁ ନିର୍ବାଚନ ଅଧିକାରୀ ଶ୍ରୀ ପ୍ରକାଶ ମହାନନ୍ଦିଆ ତାଙ୍କୁ ବିଜୟୀ ଘୋଷଣା କରିଛନ୍ତି । ପ୍ରକାଶ ଯୋଗ୍ୟ ଯେ ସମାଜସେବୀ ସତ୍ୟ ନାରାୟଣ ମାଝୀ, ଉତ୍କଳମଣୀ ସାହୁ ଓ ଶନିଦେବ ଝାଙ୍କରଙ୍କ ପ୍ରଚେଷ୍ଟାରେ ସମସ୍ତ ନିର୍ଦ୍ଦେଶକ ପ୍ରାର୍ଥୀ ଓ ସଭାପତି ପଦବୀ ପାଇଁ ନିର୍ଦ୍ବନ୍ଦରେ ନିର୍ବାଚିତ କରିବାରେ ପୂର୍ଣ୍ଣ ସହଯୋଗ କରିଥିଲେ । ଉକ୍ତ ନିର୍ବାଚନରେ ସଂପାଦକ ଧର୍ମେନ୍ଦ୍ର ଗାଇଗୌରିଆ, ଡିଇଓ ତୋଫାନ ପୃଷ୍ଟି, କର୍ମଚାରୀ ଜଗ ଲାଲ ପ୍ରଧାନ ଓ ପଦ୍ମାସନ ଷାଣ୍ଢ ସହଯୋଗ କରିଥିଲେ ଏବଂ ନିର୍ବାଚନରେ ସମସ୍ତ ନିର୍ଦ୍ଦେଶକ ଉପସ୍ଥିତ ରହିଥିଲେ ।