24-Jun-2022

 ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଅନୁଗୁଳ ପୂର୍ବତଟ ରେଳପଥର ଚାରମାଳ ଷ୍ଟେସନ ନିକଟ ବଂଶାଜାଲ ଗ୍ରାମ ନିକଟରେ ରେଳ ଧାରଣାରୁ ଶୁକ୍ରବାର ସକାଳେ ଜଣେ ଯୁବକଙ୍କ ମୃତ ଦେହ ଉଦ୍ଧାର କରିଛି ରେଳବାଇ ପୋଲିସ । ଯୁବକ ଜଣଙ୍କ ଗତ କାଲି ରାତିରେ କୈାଣସି ଟ୍ରେନରେ କଟି ମୃତ୍ୟୁ ହୋଇଛି ନା କିଏ ହତ୍ୟା କରି ରେଳ ଧାରଣା ଉପରେ ମୃତ ଦେହ ଫିଙ୍ଗି ଦେଇଛି ତାହା ସ୍ପଷ୍ଟ ହୋଇନଥିବା ବେଳେ ମୃତ ଦେହଟି ସଂପୂର୍ଣ୍ଣ ଉଲଗ୍ନ ହୋଇ ଧାରଣା ଉପରେ ପଡିଥିଲା । ମୃତ ଯୁବକଙ୍କ ପରିଚୟ ମିଳିପାରିନାହିଁ , ତାଙ୍କ ବୟସ ୪୦ ବର୍ଷ ପାଖାପାଖି ହେବ ବୋଲି ଅନୁମାନ କରାଯାଉଛି । ଘଟଣା ସ୍ଥଳରେ ସମ୍ବଲପୁର ଜିଆରପି ପହଞ୍ଚି ଶବକୁ ଜବତ କରି କେସ ନଂ ୩୩ ରେ ଏକ ମାମଲା ରୁଜୁ କରି ବୁର୍ଲା ଭୀମସାରକୁ ବ୍ୟବଚ୍ଛେଦ ପାଇଁ ପଠାଇଛି ।