14-Jun-2022

ବଲାଙ୍ଗିର/ପାଟଣାଗଡ ( ପୁର୍ଣ୍ଣ ଶଶୀ ଶେଖର ରାଓ) ଆଜି ବିଶ୍ୱ ରକ୍ତଦାତା ଦିବସ ଓ ରଜପର୍ବ ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶନାରେ ପାଟଣାଗଡ଼ ବିଜୁ ଜନତା ଦଳ କାର୍ଯ୍ୟାଳୟରେ ପାଟଣାଗଡ଼ ବିଧାୟକ ସରୋଜ କୁମାର ମେହେରଙ୍କ ନେତୃତ୍ବରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି। ଏଥିରେ ପାଟଣାଗଡ଼ ନିର୍ବାଚନ ମଣ୍ଡଳୀର ଶହେ ବିଜେଡି କର୍ମୀ ଯୋଗଦାନ କରିଥିବା ବେଳେ ୧୪ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଏବଂ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ପାଟଣାଗଡ଼ ପୌର ଅଧ୍ୟକ୍ଷା ମାନସୀ ବିଶ୍ବାଳ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ

ଉପାଧ୍ୟକ୍ଷ ପ୍ରଫୁଲ୍ଲ ମେହେର, ପ୍ରଦୀପ ମେହେର, ସୁକୁମାର ବାରିକ, ପରେଶ୍ ସାହୁ,ହେମବନ୍ତି ମେହେର (୧ସଭ୍ୟା ), ରୀନା ମେହେର(୨ସଭ୍ୟା ) ଓ ମକରଧ୍ବଜ ଭୋଇ ଯୋଗଦାନ କରି ରକ୍ତଦାତା ଙ୍କୁ ଉତ୍ସାହିତ କରିଥିଲେ। କିନ୍ତୁ ଏଠି ପ୍ରଶ୍ନ ଉଠୁଛି ଯେ ବାରମ୍ବାର ବିଧାୟକଙ୍କ ନେତୃତ୍ବରେ ରକ୍ତଦାନ ଶିବିର ଅନୁଷ୍ଠିତ ହୋଇଥିବା ବେଳେ ସେ ରକ୍ତ ଯାଉଛି କୁଆଡେ? ଯାହାକି ପାଟଣାଗଡ଼ ଉପଖଣ୍ଡ ଚିକିତ୍ସାଳୟରେ ବିଭିନ୍ନ ସମୟରେ ରକ୍ତର ଅଭାବ ଦେଖା ଦେଇଛି।ଏ ବିଷୟରେ ପୌର ଉପାଧ୍ୟକ୍ଷ ପ୍ରଫୁଲ୍ଲ ମେହେରଙ୍କୁ ପଚାରି ବୁଝିବାରୁ ସେ

କହିଲେ କି ଏଠି ରକ୍ତ ରହିବାକୁ ସୁବିଧା ନଥିବାରୁ ଅନ୍ୟ ଡାକ୍ତରଖାନାକୁ ରକ୍ତ ସ୍ଥାନାନ୍ତରିତ କରାଯାଉଛି। ଏହି ବିଷୟରେ ବିଧାୟକଙ୍କ ସହ ଆଲୋଚନା କରି ସୁବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି।ଅନ୍ୟ ପଟେ ପୌର ଅଧ୍ୟକ୍ଷା ମାନସୀ ବିଶ୍ବାଳ କହିଛନ୍ତି ଯେ ମୁଁ ଏ ବିଷୟରେ ଅବଗତ ନଥିଲି ହେଲେ ଆଗାମୀ ଦିନରେ ତାହା ଠିକ୍ ଭାବରେ କାର୍ଯ୍ୟକାରୀ କରାଇବାକୁ ଚେଷ୍ଟା କରିବି ବୋଲି କହିଛନ୍ତି ।