11-Jun-2022

ନାକଟିଦେଉଳ(କନ୍ଦର୍ପ ବେହେରା) :ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଗିରିଶ୍ଚଚନ୍ଦ୍ରପୁର ରେଞ୍ଜ ଓ ନାକଟିଦେଉଳ ରେଞ୍ଜ ଅଞ୍ଚଳରେ ଦିନକୁ ଦିନ ବେଆଇନ କେନ୍ଦୁପତ୍ର ଚୋରା ଚାଲାଣ ବଢ଼ିବାରେ ଲାଗିଛି।  ହେଲେ ଏହି ବେଆଇନ କେନ୍ଦୁପତ୍ର ଚୋରା ଚାଲାଣ ଉପରେ ବନ ବିଭାଗ ଚଢ଼ାଉ କରିଛି। ଗତ କାଲି  ଗୁରୁବାର ରାତି ପ୍ରାୟ ସାଢ଼େ ୧୦ ଟା ବେଳେ ଗିରିଶ୍ଚଚନ୍ଦ୍ରପୁର ରେଞ୍ଜ ଓ ନାକଟିଦେଉଲ ରେଞ୍ଜ ମିଳିତ ଭାବେ ବେଆଇନ ଚୋରା ଚାଲାଣ ଉପରେ ପାଟ୍ରୋଲିଂ କରୁଥିଲେ। ହେଲେ ପାଟ୍ରୋଲିଂ ବେଳେ ବନ ବିଭାଗ ପକ୍ଷରୁ ବିଭିନ୍ନ ଯାନବାହନ ଆଦିର ଯାଞ୍ଚ କରୁଥିବା ବେଳେ  ଗଞ୍ଜାବାହାଳ ଗ୍ରାମ  ନିକଟରେ ଓଆର ୦୨ ବିଏଲ ୫୫୦୩ ନମ୍ବର ବିଶିଷ୍ଟ ପିକ ଅପ ଗାଡ଼ିରେ ବେଆଇନ ଭାବେ କେନ୍ଦୁପତ୍ର ଚୋରା ଚାଲାଣ ହେଉଥିବା ବନ ବିଭାଗ ଜାଣିବାକୁ ପାଇଥିଲେ। ଖବର ପାଇ ଗିରିଶ୍ଚନ୍ଦ୍ରପୁର ରେଞ୍ଜ ଅଧିକାରୀ ସୁଶାନ୍ତ କୁମାର ବନ୍ଧ, ଫରେଷ୍ଟର  ସୁଜିତ ପ୍ରଧାନ, ନାକଟିଦେଉଳ ରେଞ୍ଜ ଅଧିକାରୀ ଅଶ୍ବିନୀ କୁମାର ବେହେରା, ଫରେଷ୍ଟର ଅନିଲ କିସାନ ପ୍ରମୁଖ ସଦଳ ବେଳେ ମିଳିତ ଭାବେ  ଚଢ଼ାଉ  କରି ଗଞ୍ଜାବାହାଳ ନିକଟରୁ ପିକ ଅପ  ଗାଡି ସହ ୧୩୯  ବଣ୍ଡଲ ଅର୍ଥାତ ୬କୁଇଣ୍ଟାଲ ୯୦ କେଜି ବେଆଇନ କେନ୍ଦୁପତ୍ର  ଜବତ କରିଥିଲେ। ଏହି ବେଆଇନ କେନ୍ଦୁପତ୍ର ଚୋରା ଚାଲାଣରେ ବେଳେ ଡ୍ରାଇଭର ଓ ଚାଲାଣକାରୀ ବନ ବିଭାଗକୁ ଚକମା ଦେଇ ଫେରାର ହୋଇ ଯାଇ ଥିଲେ। ଜବତ କେନ୍ଦୁପତ୍ରର ଆନୁମାନିକ ମୂଲ୍ୟ ୧ ଲକ୍ଷ ୧୨ ହଜାର ଟଙ୍କା ହେବ ବୋଲି  ବନ ବିଭାଗ ପକ୍ଷରୁ  କୁହାଯାଇଛି। ହେଲେ ନାକଟିଦେଉଳ ବ୍ଲକ ଅଞ୍ଚଳରେ ଦିନକୁ ଦିନ ବେଆଇନ କେନ୍ଦୁପତ୍ର ଚୋରା ଚାଲାଣ ଘଟଣା ବଢି ଚାଲି ଥିବା ବେଳେ  ବନ ବିଭାଗ ପକ୍ଷରୁ ଅଧିକ ଚଢ଼ାଉ କରା ଯିବାକୁ ଦାବି ହେଉଛି।