11-Jun-2022

ବଲାଙ୍ଗିର (ପ୍ରେରଣା ଖବର) : ଆଜି ସକାଳେ ସ୍ଥାନୀୟ ସର୍କିଟ ହାଉସ ଠାରେ  ବିଶିଷ୍ଟ ଆାଦିବାସୀ ନେତା ତଥା ନବ ନିର୍ବାଚିତ ବିଜେଡି ରାଜ୍ୟ ସଭା ସାଂସଦ ନିରଞ୍ଜନ ବିଶି ଙ୍କୁ ବଲାଙ୍ଗିର ନାଗରିକ କମିଟି ପକ୍ଷରୁ ଫୁଲ ତୋଡ଼ା ଓ ଉପଢୌକନ ଦେଇ ସମ୍ବର୍ଦ୍ଧନା ଜ୍ଞାପନ କରିବା ସହ ସ୍ଵାଗତ କରାଯାଇଛି l ଏହି ଅବସରରେ ଶ୍ରୀ ବିଶି ଙ୍କ ସହ କମିଟିର ଏକ ପ୍ରତିନିଧି ଦଳ ଜିଲ୍ଲାର ବିଭିନ୍ନ୍ ସମସ୍ୟା ସମ୍ପର୍କରେ ଆଲୋଚନା କରିଥିଲେ l ଜଳସେଚନ, ଶିକ୍ଷା ଓ ରେଲୱେ କ୍ଷେତ୍ର ରେ ବଲାଙ୍ଗିର କୁ ପ୍ରାଥମିକତା ଦେବା ଉପରେ ନାଗରିକ କମିଟିର ସଦସ୍ୟ ମାନେ ଆଲୋଚନା କରିଥିଲେ l ନାଗରିକ କମିଟିର ସାଧାରଣ ସମ୍ପାଦକ ମନୋରଞ୍ଜନ ସାହୁ ଙ୍କ ନେତୃତ୍ୱରେ  କମିଟିର ସଭାପତି ଇଂ. ବେଲାର ସିଂହ ଭୋଇଙ୍କ ସମେତ  ସହସମ୍ପାଦକ ଚକ୍ରପାଣି ଦାଶ, ବରିଷ୍ଠ ସଭ୍ଯ ଅଶୋକ ମିଶ୍ର, ଆର୍ତ୍ତତ୍ରାଣ ମିଶ୍ର, ରଘୁ ନନ୍ଦନ ସିଂହ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ l

ବଲାଙ୍ଗିର ଜିଲ୍ଲା ର ବିଭିନ୍ନ ମୌଳିକ ସମସ୍ୟାର ସମାଧାନ ଦିଗରେ କାମ କରିବେ ବୋଲି ଶ୍ରୀ ବିଶି ପ୍ରତିଶ୍ରୁତି ଦେଇଛନ୍ତି l
ସୂଚନାଯୋଗ୍ୟ ଯେ, ଆଜି ଜିଲ୍ଲା ଆାଦିବାସୀ କଲ୍ୟାଣ ମହାସଂଘ ପକ୍ଷରୁ ପାଟଣାଗଡ ରାଜ୍ୟ ଠାରେ ସାଂସଦ  ନାଗରି ବିଶିଙ୍କୁ ନାଗରିକ ସମ୍ବର୍ଦ୍ଧନା ଦିଆଯିବା ସହ ଦଳୀୟ କର୍ମୀ ସମାବେଶ ଅନୁଷ୍ଠିତ ହେବ l ଏଥିରେ ବିଜେଡିର  ସମସ୍ତ ନିର୍ବାଚିତ ପ୍ରତିନିଧି ଓ କର୍ମକର୍ତ୍ତା ଯୋଗ ଦେବାର କାର୍ଯ୍ୟକ୍ରମ ରହିଛି l