10-Jun-2022

ସୁବର୍ଣ୍ଣପୁର   ଆଜିକାଲି  ଜନ୍ମ ଦିନ ବା  ଆନିଭର୍ସରୀ ପାଳନ ଅବସରରେ ଲୋକେ କେକ କଟା, ,ବାଣ ଓ ବେଲୁନ ଫଟା, କ୍ୟାଣ୍ଡାଲ ଜାଳିବା ଭଳି ନାନା ପ୍ରକାର ରାସାୟନିକ ରଙ୍ଗ ଓ ଦ୍ରବ୍ୟ ର ବ୍ୟବହାର ଯୋଗୁଁ  ଜଳ ବାୟୁ ସମେତ ସମଗ୍ର  ପରିବେଶ ପ୍ରଦୂଷଣ  ହେବାରେ ଲାଗିଛି l କିନ୍ତୁ ଏମିତି ଏକ ଯୁବ ଗୋଷ୍ଠି  ସୁବର୍ଣ୍ଣପୁର ଜିଲ୍ଲାର ଉଲୁଣ୍ଡା ବ୍ଲକ ଅନ୍ତର୍ଗତ ଘମୁଣ୍ଡିଆପାଲିର ଗ୍ରାମର ଯୁବକ ମାନେ ଏଇ ଆଧୁନିକ ପ୍ରଥା ବିଦେଶୀ ପ୍ରଥା କୁ ବିରୋଧ କରି ଗତ କାଲି ଏକ ନିଆରା ଢଙ୍ଗ ରେ  ଜନ୍ମ ଦିନ ପାଳନ ର ବାର୍ତ୍ତା ଦେଲେ l ଏବଂ ନିଜ ଗାଁ ର  ଯୁବ ସମାଜ ସେବୀ ଧନଞ୍ଜୟ ଭୋଇ ଙ୍କ ଜନ୍ମ୍ ଦିନରେ ଆୟୋଜିତ କରିଛନ୍ତି ଏକ ସାମୁହିକ ରକ୍ତ ଦାନ ଶିବିର l ଏବଂ ଗ୍ରାମର 19ଜଣ ଯୁବକ ରକ୍ତ ଦାନ କରି ଏହି ମହତ୍ କାର୍ଯ୍ୟ ରେ ସାମିଲ ହୋଇ ଗାଁ ବନ୍ଧୁ ଶ୍ରୀ ଭୋଇ ଙ୍କୁ ଏକ ନିଆରା ତୋଫା  ପ୍ରଦାନ କରିଥିଲେ l ଆଉ ଆଗାମୀ ଯୁବ ପିଢୀ ଙ୍କୁ ଏକ ସଚେତନତା ବାର୍ତ୍ତା ଦେଇଥିଲେ l ଯେମିତି ଜିଲ୍ଲା ର କେହି ରୋଗୀ ରକ୍ତ ର ଅଭାବ ରେ ନ ମରିବେ ଓ ଯୁବ ରକ୍ତ ଦାତା ରକ୍ତ ଦାନ ସକାଶେ ଆଗକୁ ଆସିବେ ସେ ଉଦ୍ଦେଶ୍ୟ ରେ ଏ ରକ୍ତ ଦାନ ଶିବିର ଆୟୋଜନ କରାଯାଇଛି ବୋଲି ଜିଲ୍ଲା ରକ୍ତ ଦାତା ସେବା ସଂଘ ର ଜ଼ିଲ୍ଲା ସଭାପତି ମନୋଜ ପଣ୍ଡା କହିଛନ୍ତି । ଏହି ରକ୍ତ ଦାନ ଶିବିର ରେ ଜିଲ୍ଲା ରକ୍ତ ଦାନ କେନ୍ଦ୍ର ର

ଡାକ୍ତର ବିଶ୍ୱନାଥ ରଥ, ଜଗତ ଦରୁଅନ , ସୁବାସ ଚନ୍ଦ୍ର ପଣ୍ଡା ଓ ୟୁଧିଷ୍ଟିର ନାଏକ, ପ୍ରମୁଖ ରକ୍ତ ସଂଗ୍ରହ କରିଥିଲେ । ଗ୍ରାମର ମୁକେଶ ପାତ୍ର, ମାନସ ବଡ଼ପଣ୍ଡା, ପ୍ରକାଶ ସାହୁ, ବିଶ୍ଵାମିତ୍ର ଭୋଇ, ସୁଶାନ୍ତ ସାହୁ, ଗଣେଶ ସେଠୀ, କାଲିଆ ସେଠୀ, ବିମଳ ପ୍ରଧାନ, ସାରଥୀ ସେଠୀ, ଦୀନବନ୍ଧୁ ମେହେର, ଅର୍ଜୁନ ସାହୁ, ସର୍ଜିତ୍ ସେଠୀ, ବିକ୍ରମ ପ୍ରଧାନ, ଶାନ୍ତନୁ ସାହୁ, ରଞ୍ଜିତ ଅଜିତ ସାହୁ, ଉମାକାନ୍ତ ପାଣ୍ଡେ , କିଶୋର ପ୍ରଧାନ , ରାଜେଶ୍ ସେଠୀ ପ୍ରମୁଖ ରକ୍ତ ଦାନ ଶିବିର ରେ ରକ୍ତ ଦାନ କରି ଥିଲେ । ଶେଷ ରେ ଜିଲ୍ଲା ରକ୍ତ ଦାତା ସଂଘ ର ସଭାପତି ମନୋଜ ପଣ୍ଡା ସମସ୍ତ୍ ରକ୍ତ ଦାତା ଙ୍କୁ ପ୍ରମାଣ ପତ୍ର ପ୍ରଦାନ କରି ଉତ୍ସାହିତ ଥିଲେ l