08-Jun-2022

ବରଗଡ଼ (ନିରଞ୍ଜନ ତ୍ରିପାଠୀ) ଗଣତନ୍ତ୍ର ମାନେ ଲୋକମାନଙ୍କର, ଲୋକମାନଙ୍କ ଦ୍ୱାରା ଏବଂ ଲୋକମାନଙ୍କ ପାଇଁ । କିନ୍ତୁ ଓଡିଶା ସମବାୟ ବିଭାଗ ରେ ପବିତ୍ର ଗଣତନ୍ତ୍ରର ପରିଭାଷା ଅନ୍ଯକିଛି । ଏମାନଙ୍କ ଗଣତନ୍ତ୍ର କିଛି ଲୋକଙ୍କର, କିଛି ଲୋକଙ୍କ ଦ୍ୱାରା ଓ କିଛି ଲୋକଙ୍କ ପାଇଁ ।ଏମାନଙ୍କ ଗଣତନ୍ତ୍ର କହେ ଯାହାର ନୋଟ୍ ତାହାର ଭୋଟ୍ ।

        ପ୍ରାଥମିକ କୃଷି ସେବା ସମବାୟ ସମିତି ଓଡିଶାର ଚାଷୀ ମାନଙ୍କର ନିଜସ୍ୱ ଅନୁଷ୍ଠାନ ଅଟେ  ।କାରଣ ଏମାନଙ୍କର ଅଂଶଦାନ ପଇସାରେ ଏ ଅନୁଷ୍ଠାନ ଚଲିଆସୁଛି ।ଏହା ସହ ସମବାୟକୃଷି ସମିତି ଓଡ଼ିଶାର ଚାଷୀଙ୍କର ଅର୍ଥନୀତି ର  ମୂଖ୍ଯ ଉତ୍ସ ଅଟେ ।  ଚାଷ ଏବଂ ଚାଷୀ  ଅଗ୍ରାଧୀକାର କ୍ଷେତ୍ରର ପ୍ରସଙ୍ଗ ବହନ କରିଥାଏ । ଏମିତି ଏକ ସମ୍ବେଦନଶୀଳ   ପ୍ରସଙ୍ଗ ଓ କୃଷି ସମବାୟ ଅନୁଷ୍ଠାନ ଉପରେ  ଅଗଣତନ୍ତ୍ରର ପ୍ରଚଳନ କରୁଥିବା ସେଇ ବିଭାଗର ମନ୍ତ୍ରୀ ସଚିବ ସମସ୍ତଙ୍କୁ  କୋଟି କୋଟି ପ୍ରଣାମ ।
      ଯଦି ଏହା ଗଣତନ୍ତ୍ର ତେବେ ଆବ୍ରାହାମ୍ ଲିଙ୍କନ୍ ଙ୍କ  ଗଣତନ୍ତ୍ର ସଜ୍ଞା ଭୁଲ୍ କି ? 
      ଗୋଟିଏ ପ୍ରାଥମିକ ସମବାୟ ସମିତିର ସଭ୍ଯ ସଂଖ୍ଯା ଅଛି ୭୦୦୦ । କିନ୍ତୁ ଏମାନଙ୍କ ମିନି ବ୍ଯାଙ୍କରେ ୫୦୦ ଟଙ୍କା ଜମାକରି ଥିବା ସଭ୍ଯ ହିଁ କେବଳ ଭୋଟ ଦେବାର ଅଧିକାର ପାଉଛି ।ଯଦି ସେଇ ୭୦୦୦ ସଭ୍ଯ ବିଶିଷ୍ଠ ସମିତିର ୩୦୦ ଜଣ ମିନିବ୍ଯାଙ୍କରେ ପଇସା ଜମା କରିଛନ୍ତି ,ତେବେ ସେଇ ୩୦୦ ଜଣ ୭୦୦୦ ସଭ୍ଯ ର ଭାଗ୍ଯ ନିରୁପଣ କରିବେ । ବାଃ ଚମତ୍କାର ଏଇ ଗଣତନ୍ତ୍ର ଏବଂ ଚମତ୍କାର ଏମିତି ଉଦ୍ଭଟ ଚିନ୍ତାଧାରାର ବ୍ଯକ୍ତି ।କାନ୍ଥ ବାଡ଼ ରେ ମଧ୍ୟ ଲେଖାଯାଉଛି କି ଗଣତନ୍ତ୍ର ପଦ୍ଧତି ରେ  ନିର୍ବାଚନ ହେବ, ହେଲେ ହେଉଛି କି ? ଯେଉଁମାନେ ଏ.ସି ରୁମ ରେ ଭୁବନେଶ୍ୱରରେ ବସି  କୋଟି କୋଟି ଚାଷୀଙ୍କ ପାଇଁ ଏମିତିକା ଗଣତନ୍ତ୍ର ର ପ୍ରଚଳିତ ଆଇନ ଚଲାଉଛନ୍ତି । ଏହା କେତେ ଦୂର ଯୁକ୍ତି ସାପେକ୍ଷ ? ଏହାକୁ ନେଇ ଗଣ ମାଧ୍ଯମରେ ବିତର୍କ ହେବା ଉଚିତ l ପବିତ୍ର ଗଣତନ୍ତ୍ର ବିଷୟ ରେ ଲେଖା ଯାଇଥିବା ଭୁଲ ତଥ୍ୟ କୁ କାନ୍ଥ ରୁ ମେଣ୍ଟାଯାଉ l ନଚେତ ସମସ୍ତ ଚାଷୀଙ୍କୁ ଭୋଟ ଦେବା ଅଧିକାର ପ୍ରଦାନ କରାଯାଉ l ଆମେ ରାଜ ବୋଡାସମ୍ବର କୃଷକ ସଂଗଠନ ତରଫରୁ ଏହାକୁ କଠୋର ନିନ୍ଦା କରୁଛୁ ।

(ଚାଷୀ ନେତା ଅଶୋକ ସାହୁ, ପଦ୍ମପୁର)