08-Jun-2022

ବିନିକା(ହିମାଂଶୁ ଶେଖର ପୁଟେଲ) ବାପା ମା ଙ୍କର ଏକ ମାତ୍ର ଗେହ୍ଲେଇ ଝିଅ ଲୁସି ଛୋଟ ବେଲୁ ବଡ଼ ପର୍ଯ୍ୟନ୍ତ ତାର ସହିତ ଥିଲା ଅନାବିଳ ସ୍ନେହ ମମତା । ହେଲେ ଝିଅ ଜନ୍ମ ପର ଘର ତେଣୁ ଝିଅର ସୁଖ ପାଇଁ ଜନ୍ମ କଲା ବାପା ମା   ଏମିତି ଘର ଖୋଜିଲେ ଯେଉଁଠି ଖାଲି ଥିଲେ ମା ଆଉ ପୁଅ ।ଝିଅ ଲୁସି ସେଠାରେ ଜୀବନ କାଳ ସୁଖରେ ରହିବ ଭାବି ଜୀବନରେ କରିଥିବା ପରିଶ୍ରମର ଉପାର୍ଜିତ ଧନ କୁ ଲଗାଇ ସବୁ ପ୍ରକାର ସାମଗ୍ରୀ ଦେଇ ବେଶ ଧୁମଧାମରେ ଲୁସିର ବାହାଘର କଲେ। କିନ୍ତୁ ବିଧିର ବିଧାନ ଥିଲା ଅଲଗା ଯୌତୁକ ରୂପୀ ରାକ୍ଷସ ଚାହିଁ ରହିଥିଲା ଗ୍ରାସ କରିବାକୁ ଲୁସିକୁ। ହେଲେ ଉଚ୍ଚଶିକ୍ଷିତା ଝିଅ ଲୁସି ଉପସ୍ଥିତ ବୁଦ୍ଧି ଖଟାଇ ନିଜ ଜୀବନକୁ ବଞ୍ଚାଇ ଉଚ୍ଚିତ ଶିକ୍ଷା ଦେଇଗଲା ଯୌତୁକ ଲୋଭୀ ରାକ୍ଷସ ମାନଙ୍କୁ।ଏହି ଘଟଣାଟି ହେଉଛି ସୁବର୍ଣ୍ଣପୁର ଜିଲ୍ଲା ବିନିକା ଓ ଉଲୁଣ୍ଡା ଥାନା ଅଞ୍ଚଳର ।ପ୍ରକାଶ ଥାଉକି ବିନିକା ଥାନା ମହାଦେବପାଲି ଗ୍ରାମର ସଙ୍କଟ ମୋଚନ ନାୟକଙ୍କ ସହିତ ଉଲୁଣ୍ଡା ଥାନା ଝାରବାହାଳୀ ନିବାସୀ ପ୍ରହଲ୍ଲାଦ ପୁରୋହିତଙ୍କ ଝିଅ ପ୍ରିୟଦର୍ଶିନୀ (ଲୁସି)ର  ୧୪/୨/୨୧ ତାରିଖ ରେ ବିନିକା ଏକ ହୋଟେଲରେ ବୈଦିକ ରୀତି ଅନୁସାରେ ବିବାହ ସମ୍ପନ୍ନ ହୋଇଥିଲା | ବିବାହ ସମୟରେ ବରପକ୍ଷ ଯୌତୁକ ଦାବି ମୁତାବକ ସମଗ୍ର ଆସବାପତ୍ର ସହ ସୁନା ଓ ରୂପାର ଅଳଙ୍କାର ଦିଆଯାଇଥିଲା | ପ୍ରିୟଦର୍ଶିନୀଙ୍କ ଅଭିଯୋଗ ଅନୁସାରେ ତାଙ୍କ ସ୍ୱାମୀ ସଙ୍କଟ ମୋଚନ ସୋନପୁର ଜିଲ୍ଲା କୃଷି ବିଭାଗରେ କର୍ମଚାରୀ ଥାଇ ମଧ୍ୟ ବିବାହ ସମୟରେ କନ୍ୟାପକ୍ଷଙ୍କୁ ପ୍ରକୃତ ବୟସ ଲୁଚାଇ ବିବାହ କରିଥିଲେ | ବିବାହର କିଛିଦିନ ପରେ ତାଙ୍କ ଶାଶୁ ହିମାଦ୍ରୀ ନାୟକ ମାମୁ ଶ୍ୱଶୁର ଭଣ୍ଡାର ଗ୍ରାମର ତୀର୍ଥବାସୀ ପଣ୍ଡାଙ୍କ ପ୍ରବୋର୍ଚନାରେ ପଡି ବିଭିନ୍ନ ସମୟରେ ଭିନ୍ନଭିନ୍ନ ଆଳଦେଖାଇ ଝିଅଘର ଲୋକଙ୍କୁ ନୀଚ ଦେଖାଇବା ଓ ଗାଳିଗୁଲଜ କରିବା ସହିତ ଅଧିକ ଯୌତୁକ ଦାବି କରି ଆସୁଥିଲେ | ଯଦି କୌଣସି କାମରେ ଶାଶୁ ଓ ସ୍ବାମୀ ବାହାରକୁ ଗଲେ ଏକୁଟିଆ ଝିଅ ଲୁସିକୁ ଘରେ ତାଲାଦେଇ ଯାଉଥିଲେ |ଖାଇବାକୁ ମଧ୍ୟ ବିଭିନ୍ନ ସମୟରେ ଅବହେଳା କରୁଥିବା ଅଭିଯୋଗ ହୋଇଛି |ବିବାହର ୧୦ ମାସ ହେଇଗଲା ପରେ  କୌଣସି ସନ୍ତାନ ହେଉନାହିଁ କହି ଏକ ବାବା ଠାରୁ ଔଷଧ ଆଣି ପିଇବା ପାଇଁ ଦେଇଥିଲେ | ଯାହା ଫଳରେ ପ୍ରିୟଦର୍ଶିନୀ ଉଦର ଯନ୍ତ୍ରଣାରେ ପଡିଥିଲା |ଯନ୍ତ୍ରଣା ଅସହ୍ୟ ହେବାରୁ ଝିଅକୁ ବାପଘରେ ଛାଡି ଆସିଥିଲେ | ଏହିସବୁ ଦେଖି ଝିଅର ପରିବାର ଲୋକେ କାଲେ ଝିଅର ଜୀବନ ପ୍ରତି ବିପଦ ଥିବାର ଆଶଙ୍କା କରି ଝିଅକୁ ଶାଶୁଘରକୁ ଛାଡିବାକୁ ଇଛା ପ୍ରକାଶ କରିନଥିଲେ | ପରେ ପ୍ରିୟଦର୍ଶିନୀ ରାଉରକେଲା ଉଦିତ ନଗର ଥାନାରେ ଯୌତୁକ,ମାନସିକ ଓ ଶାରୀରିକ ନିର୍ଯାତନା ଦେଉଥିବା ନେଇ ଅଭିଯୋଗ କରିଥିଲେ | ପୁଲିସ ତାଙ୍କ ସ୍ୱାମୀ ସଙ୍କଟ ମୋଚନ, ଶାଶୁ ହିମାଦ୍ରୀ ଓ ମାମୁ ଶ୍ୱଶୁର ତୀର୍ଥବାସୀଙ୍କ ନାମରେ ମାମଲା ରୁଜୁକରିଛି | ଉଦିତନଗର ଥାନାରୁ ପୁଲିସ ଆସି ବିନିକା ପୁଲିସ ସହ ମହାଦେବପାଲିକୁ ଯାଇ ବିବାହ ସମୟରେ ସଙ୍କଟ ମୋଚନ କୁ ଦେଇଥିବା ସମସ୍ତ ଯୌତୁକ ସାମଗ୍ରୀ ଜବତ କରି ପ୍ରିୟଦର୍ଶିନୀକୁ ଜିମା ଦେଇଥିଲେ |