06-Jun-2022

ସୁବର୍ଣ୍ଣପୁର-(ମନୋରଞ୍ଜନ ତ୍ରିପାଠି)  ବାବା ସୁବର୍ଣ୍ଣମେରୁ  ଶିବ ପାର୍ବତୀ  ଯୁଗଳ ମୂର୍ତ୍ତି ଓ ଅଷ୍ଟ ଚଣ୍ଡୀ, ଅଷ୍ଠ ଶମ୍ଭୁ, ଓ ଅଷ୍ଟ ବିଷ୍ଣୁ ଙ୍କ  ନଗର ପରିକ୍ରମା ପରେ ମହା ଆଡମ୍ବର ରେ ଆଜି ଉଦଯାପନ ହେଲା ସୁବର୍ଣ୍ଣପୁର ର  ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା l ଆଜି  ଭୋର ରୁ ସୁବର୍ଣ୍ଣପୁର ଥାନାପତି ପଡ଼ା ରୁ ଘଣ୍ଟ, ଶଙ୍ଖ, ଦୁଲ ଦୁଲି ବାଜା, ରନିଙ୍ଗ ମେଲୋଡି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହିତ ମହା ଆଡମ୍ବର ରେ ସହର ର ସମସ୍ତ ଦେବା ଦେବୀ ଙ୍କ ସହିତ 108 ତୋଳା ରେ ନିର୍ମିତ ଇଷ୍ଠ ଦେବ ସୁବର୍ଣ୍ଣମେରୁ ବାବା ଙ୍କ ପ୍ରତିନିଧି ଚନ୍ଦ୍ର ଶେଖର ବାବା ଓ ମା ପାର୍ବତୀ ଯୁଗଳ ମୂର୍ତ୍ତି ବିରାଟ ପଟୁଆର ରେ  ମହଣ ମହଣ ରୁପା ନିର୍ମିତ ବିମାନ ରେ ଲକ୍ଷାଧିକ ଜନ ସମାଗମ ରେ ସହର ପରିକ୍ରମା କରି ଭକ୍ତ ଶ୍ରଦ୍ଧାଳୁ ଙ୍କୁ  ଦର୍ଶନ ଦେଇଥିଲେ l  ଆଉ ବର୍ଷ କୁ  ଥରେ କୈଳାସ ପତି ଓ ହିମାଦ୍ରୀ ଦେବୀ ଙ୍କ ସମେତ ଏକାଠି  ଏ  ମନ୍ଦିର ମାଳିନୀ ତୀର୍ଥ କ୍ଷେତ୍ର ର ମୁଖ୍ୟ ଦେବା ଦେବୀ ଙ୍କୁ ଦର୍ଶନ କରି ଆଶୀର୍ବାଦ ସହ ପୁଣ୍ୟ ଅର୍ଜିଵl କୁ ଜ଼ିଲ୍ଲା ତଥା ପଡୋଶୀ ଜ଼ିଲ୍ଲା ର ଭକ୍ତ ଶ୍ରଦ୍ଧାଳୁ ଅପୂର୍ଵ ସୁଯୋଗ ର ଆଦୌ ହାତ ଛଡା କରନ୍ତି ନାହିଁ l ପ୍ରଭୁ ଙ୍କୁ ଦର୍ଶନ କରି ବିଭୋର ହୋଇ ଯାଆନ୍ତି ଓ ମନୋରଞ୍ଜନ କାର୍ଯ୍ୟକ୍ରମ ର ଖୁବ ମଜା ନିଅନ୍ତି l ସ୍ଥାନୀୟ ଭଗବତୀ ପ୍ଲଟ ପାର୍ବତୀ ଙ୍କ ପିତା କୃଷ୍ଣ ଚନ୍ଦ୍ର ମେହେର  ହିମାଦ୍ରୀ ନଗର ରେ କୃଷ୍ଣ ଗୁରୁ ଭଜନ, ଉମା ମେଲୋଡି, ଓ  ଦଣ୍ଡ ନୃତ୍ୟ  ମନୋରଞ୍ଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଶିବ ପିତା ସନ୍ତୋଷ ମେହେର ଙ୍କ ଘର କୈଳାଶ ନଗର  ରେ ସଂକୀର୍ତନ ପ୍ରତିଯୋଗିତା, କୱାଲୀ ଓ  ହରି ଓଂ  ସମ୍ବଲପୁରୀ ଶାନ୍ତନୁ ଏଣ୍ଡ ସାଥି ମେଲୋଡି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏ ସବୁ ସାଂସ୍କୃତିକ କାର୍ଯ୍ୟକ୍ରମ କୁ, ବର ଓ କନ୍ୟା ପିତା ମାତା ଘରେ ପ୍ରଭୁ ଙ୍କୁ ଦର୍ଶନ କରିବା କୁ, ଏବଂ ପ୍ରଭୁ ଙ୍କ ନଗର ପରିକ୍ରମା ସମସ୍ତ ଲୀଳା ଖେଳା ଦେଖିବା କୁ ତିନି ଦିନ ଧରି ସହର ରେ ଲକ୍ଷାଧିକ ସଂଖ୍ୟାରେ ଭକ୍ତ ଶ୍ରଦ୍ଧାଳୁ ଙ୍କ ଭିଡ଼ ଲାଗିରହିଥିଲା l  ସୁବର୍ଣ୍ଣପୁର ଏସପି ଆମରେଶ ପଣ୍ଡା, ଏସ ଡି ପି ଓ  ପୁଷ୍ପାଞ୍ଜଳୀ ନିଙ୍ଗୀ, ଓ ଆଇ ଆଇ ସି  ଙ୍କ  ପ୍ରତ୍ୟକ୍ଷ ତତ୍ୱାବଧାନ ରେ   ଶାନ୍ତି ଶୃଙ୍ଖଳା ପାଇଁ ପୋଲିସ ପ୍ରଶାସନ ସବୁ ଜାଗାରେ କଡା ସୁରକ୍ଷା ର ବ୍ୟବସ୍ଥା କରାଯାଇଥିଲା l ଏବର୍ଷ ପ୍ରଥମ ଥର ପାଇଁ ପ୍ରଭୁ  ଶିବ ପାର୍ବତୀ ଙ୍କ  ମାତା ପିତା ପରିବାର ସମେତ ଭଗବତୀ କ୍ଲବ ଓ ଆନନ୍ଦ କ୍ଲବ ର ଯୁବ ଗୋଷ୍ଠୀ ସମସ୍ତ ସାଂସ୍କୃତିକ କାର୍ଯ୍ୟକ୍ରମ କୁ ଶାନ୍ତି ଶୃଙ୍ଖଳା ର ସହ ଆୟୋଜନ କରିଥିଲେ l ଚନ୍ଦ୍ର ଶେଖର ପାଠାଗାର ଓ  ସମସ୍ତ ପୂଜକ ପକ୍ଷରୁ ପ୍ରଭୁ ଙ୍କ ପୂଜା ଅର୍ଚନା ଓ ନଗର ପରିକ୍ରମା କାର୍ଯ୍ୟକ୍ରମ କୁ ପରିଚାଳନା କରାଯାଇଥିଲା l  କେମିଷ୍ଟ ଡ୍ରଗିଷ୍ଟ  ସଂଘ, ସ୍ୱଚ୍ଛ ଭାରତ, ଅର୍ଣ୍ଣପୂର୍ଣ୍ଣl  ଟ୍ରାଭେଲ୍ସ  ଏଜେନସି, ବଣିକ  ସଂଘ,  ଭଗବତୀ କ୍ଳବ, ବିଶ୍ୱ ଗୁରୁ ସେବା ସଂସ୍ଥା,  ଚରଣ ନାଏକ ଙ୍କ ସମେତ ସହର ର ବିଭିନ୍ନ ଛକ ରେ ଭକ୍ତ ଙ୍କ ପାଇଁ ଥଣ୍ଡା ପାଣି ଓ ସର୍ବତ ର ବ୍ୟବସ୍ଥା କରଯାଇଥିଲା l