05-Jun-2022

ବରଗଡ଼(ନିରଞ୍ଜନ ତ୍ରିପାଠୀ) : ବରଗଡ଼ ଜିଲ୍ଲା ପଦ୍ମପୁର ସ୍ଥିତ ସ୍ଥାନୀୟ ଗୋରୁ ବଜାର ପ୍ରାଙ୍ଗଣରେ ଆବାହକ ଅଶୋକ ସାହୁ ରାଜବୋଡାସମ୍ବର କୃଷକ ସଂଗଠନ, ପଦ୍ମପୁରଙ୍କ ସଭାପତିତ୍ୱ ରେ ଫସଲ ବୀମା ପ୍ରଦାନ ବିଳମ୍ୱ ହେତୁ ପ୍ରତିବାଦ ପାଇଁ ପୂର୍ବ ନିଷ୍ପତ୍ତି ଅନୁଯାୟୀ ଆଗାମୀ ୧୩ ତାରିଖ ହେବାକୁ ଥିବା ଆଇନ ଅମାନ୍ୟ ଓ ଜେଲଭରା ଆନ୍ଦୋଳନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି l ଏହି ଆନ୍ଦୋଳନ ପାଇଁ ଚାଷୀଙ୍କ ଭିତରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା l ଆଗାମୀ ୧୩ ତାରିଖ ଆନ୍ଦୋଳନରେ ଦଶ ହଜାରରୁ ଉର୍ଦ୍ଧ ଚାଷୀଙ୍କ ସମାବେଶ ହେବ ଏବଂ ଆଇନ ଅମାନ୍ୟ ସହିତ ଜେଲଭରା ଆନ୍ଦୋଳନ କରାଯିବା ପାଇଁ ଦୃଢ଼ ନିଷ୍ପତ୍ତି ଗ୍ରହଣ କରାଯାଇଛି l ଏହା ସହିତ ନିର୍ଦ୍ଧାରିତ ସମୟ ପୂର୍ବରୁ ବୀମା ରାଶି ଚାଷୀଙ୍କ ଖାତାରେ ଜମା ନ ହେଲେ ଆଗାମୀ ୧୮ ତାରିଖ ହେବାକୁ ଥିବା ସମବାୟ ନିର୍ବାଚନ ପ୍ରକ୍ରିୟାକୁ ସମ୍ପୂର୍ଣ୍ଣ ବନ୍ଦ କରିଦିଆଯିବ ବୋଲି ଦୃଢ଼ ନିଷ୍ପତ୍ତି ଗ୍ରହଣ କରା ଯାଇଛି l

ଆଜିର ବୈଠକରେ ଚାଷୀ ନେତା ରମେଶ ମହାପାତ୍ର, ଆଇନ ପରାମର୍ଶଦାତା ଅଜିତ ଶତପଥି, ଚିନ୍ମୟ ପଣ୍ଡା,ସଂଗଠନର ରୋହିତ ପ୍ରଧାନ, ପ୍ରଶାନ୍ତ ପ୍ରଧାନ, କୈଳାଶ ବାରିକ, ଲିଙ୍ଗରାଜ ପ୍ରଧାନ, କୂଳମଣି ବାରିକ, ସୁବାସ ବରିହା, କୁମର ମେହେର ଓ ଝାରବନ୍ଧ, ପାଇକମାଳ, ସୋହେଲା, ବିଜେପୁର, ଗାଇସିଲେଟ ର ଶତାଧିକ ଚାଷୀ ନେତୃମଣ୍ଡଳୀ ଯୋଗଦାନ କରିଥିଲେ l