30-May-2022

ପାଟଣାଗଡ଼/ଖପ୍ରାଖୋଲ : ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ବାଳିପଟା ପଞ୍ଚାୟତ ଅନ୍ତର୍ଗତ ସାନକଲଙ୍ଗାପାଲିରେ ପାନୀୟ ଜଳ ସମସ୍ୟା ପାଇଁ ଗ୍ରାମବାସୀ ପାଣ୍ଠି ସଂଗ୍ରହ କରି ନିଜ ପୋଖରୀରୁ ପଙ୍କଉଦ୍ଧାର କରିଥିବା ଦେଖିବାକୁ ମିଳିଛି । କଲଙ୍ଗାପାଲି ଗ୍ରାମରେ ପ୍ରାୟ ୫ ଶହରୁ ଉର୍ଦ୍ଧ୍ୱ ଲୋକେ ବାସ କରନ୍ତି ।  ପାନୀୟ ଜଳ ସୁବିଧା ପାଇଁ କେବଳ ନଳକୂପ ରହିଛି । ହେଲେ ଗାଧୋଇବା ପାଇଁ ଗ୍ରାମରେ କେବଳ ଗୋଟିଏ ପିପଲ ନାମକ ଏକ ପୁରୁଣା ପୋଖରୀ ରହିଛି । ଏହି ପୁରୁଣା ପୋଖରୀ ଉପରେ ଗ୍ରାମବାସୀ ନିର୍ଭର କରିଥାନ୍ତି  । ଗ୍ରୀଷ୍ମ ଋତୁରେ ପୋଖରୀର ପାଣି ଶୁଖି ଯାଇ ଥାଏ । ଯାହାଫଳରେ ଗ୍ରାମବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ । ଗତ ୩ ବର୍ଷ ତଳେ ଜିଲ୍ଲାପାଳଙ୍କ ଶୁଣାଣି ସମୟରେ ଗ୍ରାମର ଜଳଧର ସାହୁ ଗ୍ରାମବାସୀଙ୍କ ସହ ପୋଖରୀର ପଙ୍କଉଦ୍ଧାର କରିବା ପାଇଁ ପାଟଣାଗଡ଼ ଉପଜିଲ୍ଲାପାଳ କାର୍ଯ୍ୟାଳୟରେ ଅଭିଯୋଗ କରିଥିଲେ । ଏହାପରେ ବ୍ଳକ ବିଡିଓ ଓ ପୂର୍ବତନ ଚେୟାରମ୍ୟାନ ସହ ପାଟଣାଗଡ଼ ବିଧାୟକଙ୍କୁ ମଧ୍ୟ ଏସମ୍ପର୍କରେ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳି ନଥିଲା । ଶେଷରେ ଗ୍ରାମବାସୀଙ୍କ ପକ୍ଷରୁ ଏକ ବୈଠକ  ଡକାଯାଇ ଏକ କମିଟି ଗଠନ କରାଯାଇଥିଲା । ଉକ କମିଟିର ସଭାପତି ମହିମା ବିଶି, ଉପସଭାପତି ବଲରାମ ସେଠ, ସଂପାଦକ ବାଳକୃଷ୍ଣ ସାହୁ, କୋଷାଧ୍ୟକ୍ଷ ବ୍ରହ୍ମାନନ୍ଦ ସାହୁ ରହିଥିଲେ । କମିଟି ସର୍ବସମ୍ମତି କ୍ରମେ ଗ୍ରାମର ପ୍ରତ୍ୟେକ ପରିବାରରୁ ୧ ହଜାର ଟଙ୍କା ଲେଖାଏଁ  ସଂଗ୍ରହ କରି ପଙ୍କୋଦ୍ଧାର କରିଥିଲେ । ସଂପାଦକ ଶ୍ରୀ ସାହୁଙ୍କ କହିବା ଅନୁସାରେ ଗ୍ରାମ ପାଣ୍ଠିରେ 

ଆଉ ୨ ଲକ୍ଷ ଟଙ୍କା ରହିଛି । ପଙ୍କ ଉଦ୍ଧାର ପାଇଁ ସଂଗ୍ରହ କରିଥିବା ପାଣ୍ଠି ତକ ଶେଷ ହେବାରେ ବସିଛି । ବ୍ଲକ ପ୍ରଶାସନ ତରଫରୁ କୌଣସି ସରକାରୀ ସହାୟତା ନମିଳିଲେ  ତେବେ ଗ୍ରାମ ପାଣ୍ଠି ରେ ଥିବା ୨ ଲକ୍ଷ ଟଙ୍କା ବାହାର କରି ପଙ୍କ ଉଦ୍ଧାର କାର୍ଯ୍ୟ ରେ ବିନିଯୋଗ କରାଯିବ ବୋଲି ହଁ ପ୍ରତିକ୍ରିୟା ରଖିଛନ୍ତି । ଖବର ପାଇ ଜୋନ୍ ନଂ୧୫ର   ଜିଲ୍ଲାପରିଷଦ କସ୍ତୁରୀ ସେଠ ମଧ୍ୟ ପୋଖରୀ ଖୋଲା ସ୍ଥାନକୁ ଆସି ଏ ସମସ୍ୟା ବିଷୟରେ ବିଡିଓ ଙ୍କୁ ଜଣାଇବି ବୋଲି କହିଥିଲେ ।  ଏ ସମ୍ପର୍କରେ ପାଟଣାଗଡ଼ ବିଡିଓ ନୀଳମାଧବ ସୁନାଙ୍କୁ ପୁରାଇବାରୁ ଉକ୍ତ ପୋଖରୀ ନାମରେ ଫାଇଲ୍ ଲାଗିଛି । ଯଥାଶୀଘ୍ର ଅନୁଦାନ ଦିଆଯିବା ସହ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି । ପାଟଣାଗଡ଼ ବ୍ଲକ ଅଧ୍ୟକ୍ଷ ନୀଳକାନ୍ତ ବାଗଙ୍କୁ ପଚରାଯିବାରୁ ଏସମ୍ପର୍କରେ ମୋ ପାଖରେ କୌଣସି ସୂଚନା ନାହିଁ । ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବା ସହ ପୋଖରୀରୁ ପଙ୍କ ଉଦ୍ଧାରରେ ସହାୟତା ଯୋଗାଇ କରିବାକୁ ଗ୍ରାମବାସୀ ଦାବି କରିଛନ୍ତିଆଉ ୨ ଲକ୍ଷ ଟଙ୍କା ରହିଛି । ପଙ୍କ ଉଦ୍ଧାର ପାଇଁ ସଂଗ୍ରହ କରିଥିବା ପାଣ୍ଠି ତକ ଶେଷ ହେବାରେ ବସିଛି । ବ୍ଲକ ପ୍ରଶାସନ ତରଫରୁ କୌଣସି ସରକାରୀ ସହାୟତା ନମିଳିଲେ  ତେବେ ଗ୍ରାମ ପାଣ୍ଠି ରେ ଥିବା ୨ ଲକ୍ଷ ଟଙ୍କା ବାହାର କରି ପଙ୍କ ଉଦ୍ଧାର କାର୍ଯ୍ୟରେ ବିନିଯୋଗ କରାଯିବ ବୋଲି ହଁ ପ୍ରତିକ୍ରିୟା ରଖିଛନ୍ତି । ଖବର ପାଇ ଜୋନ୍ ନଂ୧୫ର   ଜିଲ୍ଲାପରିଷଦ କସ୍ତୁରୀ ସେଠ ମଧ୍ୟ ପୋଖରୀ ଖୋଲା ସ୍ଥାନକୁ ଆସି ଏ ସମସ୍ୟା ବିଷୟରେ ବିଡିଓ ଙ୍କୁ ଜଣାଇବି ବୋଲି କହିଥିଲେ ।  ଏ ସମ୍ପର୍କରେ ପାଟଣାଗଡ଼ ବିଡିଓ ନୀଳମାଧବ ସୁନା ଙ୍କୁ ପୁରାଇବାରୁ ଉକ୍ତ ପୋଖରୀ ନାମରେ ଫାଇଲ୍ ଲାଗିଛି । ଯଥାଶୀଘ୍ର ଅନୁଦାନ ଦିଆଯିବା ସହ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି । ପାଟଣାଗଡ଼ ବ୍ଲକ ଅଧ୍ୟକ୍ଷ ନୀଳକାନ୍ତ ବାଗଙ୍କୁ ପଚରାଯିବାରୁ ଏ ସମ୍ପର୍କରେ ମୋ ପାଖରେ କୌଣସି ସୂଚନା ନାହିଁ । ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବା ସହ ପୋଖରୀରୁ ପଙ୍କଉଦ୍ଧାରରେ ସହାୟତା ଯୋଗାଇ କରିବାକୁ ଗ୍ରାମବାସୀ ଦାବି କରିଛନ୍ତି