22-May-2022

ବଲାଙ୍ଗିର(ପ୍ରେରଣା ଖବର): ସର୍ବଭାରତରେ ପ୍ରଥମ କରି ଓଡିଶା ରାଜ୍ୟ ତଥା ମାନନୀୟ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଆଗ୍ରହ କ୍ରମେ ରାଜ୍ୟ ଖାଉଟି ବିବାଦ ସମାଧାନ ଆୟୋଗର ତିନି ଦିନିଆ ପ୍ରଶିକ୍ଷଣ ଶିବିର ଭୁବନେଶ୍ୱର ର IMAGE ରାଜ୍ୟ ଭବନ ଠାରେ ଆୟୋଜନ କରାଯାଇଥିଲା l ଓଡିଶାର ୩୦ ଗୋଟି ଜିଲ୍ଲା ମଧ୍ୟରୁ ବଲାଙ୍ଗିର ଜିଲ୍ଲା ର ଶ୍ରୀମତୀ ଜ୍ୟୋସ୍ନା ମିଶ୍ର,ଖାଉଟି ବିବାଦ ସମାଧାନ ଆୟୋଗର ଜିଲ୍ଲା ପ୍ୟାନାଲ ସଭ୍ୟା ଭାବେ ପ୍ରତିନିଧିତ୍ବ କରି ଏ ଜିଲ୍ଲାର ଉପଭୋକ୍ତା ମାନଙ୍କ ସର୍ବନିମ୍ନ ଅଭିଯୋଗ ଓ ଶୁଣାଣି ଉପରେ ଗୁରତ୍ୱ ଦେବା ସଙ୍ଗେ ସଙ୍ଗେ ଜିଲ୍ଲାରେ ଖାଉଟି ମାନଙ୍କ ନ୍ୟାର୍ଯ୍ୟ ଅଧିକାର, ତାଙ୍କ ପାଇଁ ଉଚିତ ନ୍ୟାୟ ପାଇଁ ବିଭିନ୍ନ ବର୍ଗ ର ଖାଉଟି ମାନଙ୍କ ଭିତରେ ଖାଉଟି ଅନ୍ୟାୟ ବିରୋଧରେ ସ୍ୱର ଉଠାଇବା ଏବଂ ସଚେତନତା ବଢାଇବା ପାଇଁ ଭିଭିନ୍ନ ସମୟରେ ଅନୁନ୍ୟ କାର୍ଯ୍ୟକ୍ରମ ହାତକୁ ନେବାକୁ ରାଜ୍ୟ ଫୋରମରେ ଅନୁରୋଧ ଜଣାଇଥିଲେ l 

ବଲାଙ୍ଗିର ଜିଲ୍ଲା ଭଳି ଅନେକ ଜିଲ୍ଲାରେ ଗରିବ ଖାଉଟି ମାନେ ତାଙ୍କର ବିଭିନ୍ନ ସମସ୍ୟାକୁ କୌଣସି ଏଭଳି ଆୟୋଗରେ ଉପସ୍ଥାପିତ କରି ପାରୁ ନାହାନ୍ତି ଫଳରେ ସେମାନେ ବିଭିନ୍ନ ସମୟରେ ଅସାଧୁ ବ୍ୟାପାରୀ ମାନଙ୍କ ଠକାମୀର ଶିକାର ହେଉଛନ୍ତି l  ଏମାନଙ୍କ ନ୍ୟାୟିକ ବିଚାରର ଆବଶ୍ୟକତା ଉପରେ, ଅନ୍ୟ ଖାଉଟି ବିବାଦ  ସଭ୍ୟ ଆଇନଜୀବୀ ରବୀନ୍ଦ୍ର ତ୍ରୀପାଠି ଉପସ୍ଥାପିତ କରିଥିଲେ l
ଉପରୋକ୍ତ ରାଜ୍ୟ ଉପଭୋକ୍ତା ସମସ୍ୟା ସମାଧାନ ଆୟୋଗକୁ ଓଡିଶା ରାଜ୍ୟର ଯୋଗାଣ ବିଭାଗ ରାଷ୍ଟ୍ର ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ପ୍ରଶିକ୍ଷଣକୁ ଉଦଘାଟନ କରିଥିବା ବେଳେ ଓଡିଶା ରାଜ୍ୟ ଖାଉଟି ବିବାଦ ସମାଧାନ ଆୟୋଗର ସଭାପତି ଶ୍ରୀ ଡି. ପି ଚୌଧୁରୀ ପ୍ରଶିକ୍ଷଣର ପରିଚାଳନା କରିଥିଲେ l ଏହି କାର୍ଯ୍ୟକ୍ରମ ପ୍ରାରମ୍ଭରେ  ଜ୍ୟୋତି କୁମାର ଲାକ୍ରା (ଆଇ. ଆଇ ଏସ୍) ସମ୍ପାଦକ ଖାଦ୍ୟ ଯୋଗାଣ ଓ ଉପଭୋକ୍ତା 

ମଙ୍ଗଳ ବିଭାଗ ଉପସଭାପତି (SICA), ପ୍ରଫେସର ବିଜନ କୁମାର ମିଶ୍ର, ଉପଭୋକ୍ତା ଉପଦେଷ୍ଟା (ଖାଦ୍ୟ ଯୋଗାଣ ଉପଭୋକ୍ତା ମଙ୍ଗଳ ବିଭାଗ) ଶ୍ରୀ ବୀରବିକ୍ରମ ଯାଦବ (ଆଇ ଆଇ ଏସ୍ ), ମୁଖ୍ୟ ସମ୍ପାଦକ ଖାଦ୍ୟ ଯୋଗାଣ ଓ ଖାଉଟି ମଙ୍ଗଳ ବିଭାଗ, ସଭାପତି (SICA), ମାନନୀୟ ନ୍ୟାୟଧିଶ ଡ଼. ଡି. ପି ଚୌଧୁରୀ ସଭାପତି (ରାଜ୍ୟ ସଭାପତି,ରାଜ୍ୟ ଉପଭୋକ୍ତା ସମାଧାନ ଆୟୋଗ, କଟକ) ଯୋଗଦାନ କରି ତିନିଦିନ ର ତାଲିମ କାର୍ଯ୍ୟକ୍ରମରେ ଜିଲ୍ଲା ମାନଙ୍କରେ ନୁଆଁ ଭାବେ ନିୟୋଜିତ ହୋଇଥିବା ସଭ୍ୟ, ସଭ୍ୟା, ସଭାପତି ମାନଙ୍କ ସୁପରିଚାଳନା,ଖାଉଟି ମାନଙ୍କ ପାଇଁ ଉପଯୁକ୍ତ ନ୍ୟାୟିକ ବ୍ୟବସ୍ଥା ଉପରେ ସବିଶେଷ ଧାରଣା ଦେଇଥିଲେ l
ପରିଶେଷରେ  ଚିତ୍ତ ରଞ୍ଜନ ପ୍ରଧାନ (ଯୁଗ୍ମ ସମ୍ପାଦକ ଖାଦ୍ୟ ଓ ଯୋଗାଣ ବିଭାଗ, ରାଜ୍ୟ (ଏସ୍ ଆଇ ସି ଏ) ସଭିଙ୍କୁ ଧନ୍ୟବାଦ ଅର୍ପଣ କରିଥିଲେ l