22-May-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସ୍ବାଧୀନତାର 75ବର୍ଷ ପାଳନ ଅବସରରେ ଜାଗରଣ ସୃଷ୍ଟି କରିବା ନିମନ୍ତେ ରବିବାର ସକାଳୁ ରେଢ଼ାଖୋଲ ଭୀମଭୋଇ ଛକରୁ ଏକ ସୁସ୍ଥ ଭାରତ, ସମର୍ଥ ଭାରତ ଗଠନର ଲକ୍ଷ ନେଇ କ୍ରୀଡା ଓ ଶାରୀରିକ ଦକ୍ଷତାର ଉନ୍ନତି କ୍ଷେତ୍ରରେ କାର୍ଯ୍ୟ କରୁଥିବା କ୍ରୀଡା ଭାରତୀ ରେଢ଼ାଖୋଲ ଶାଖାର ସଦସ୍ୟ ମାନେ ମହାତ୍ମାଗାନ୍ଧୀ ସ୍ମୃତି ସ୍ତମ୍ଭ , ଭୀମଭୋଇ ଏବଂ ଗୋପବନ୍ଧୁଙ୍କ ପ୍ରତି ମୂର୍ତ୍ତିରେ ମାର୍ଲ୍ୟାର୍ପଣ କରି ବଇଣ୍ଡା ଅଭିମୁଖେ ଯାତ୍ରା କରିଥିଲେ । ବଇଣ୍ଡାରୁ ପୁଣି ଅନ୍ୟ ଏକ ଟିମ୍ ଢେଙ୍କାନାଳ ଓ ଭୂବନେଶ୍ବର ଯାଏ ଯିବେ ବୋଲି କ୍ରୀଡା ଭାରତୀ ପକ୍ଷରୁ ସୂଚନା ଦିଆଯାଇଛି । ଠିକ୍ ସେହିପରି ସମ୍ବଲପୁର କ୍ରୀଡ଼ା ଭାରତୀ ଟିମ୍ ପକ୍ଷରୁ ଏକ 10 ଜଣିଆ ସଦସ୍ୟ ମାନେ ବାଇକ୍ ରାଲିରେ ରେଢ଼ାଖୋଲ ପର୍ଯ୍ୟନ୍ତ ଆସି ସ୍ଥାନୀୟ ସହୀଦ ସ୍ମୃତି ସ୍ତମ୍ଭ ମାନଙ୍କରେ ମାର୍ଲ୍ୟାର୍ପଣ କରି ସମ୍ବଲପୁର ଫେରିଥିଲେ ।