13-May-2022

ସୁବର୍ଣ୍ଣପୁର//  ଆଜି ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଠାରେ ତମାଖୁ  ଜାତୀୟ ଦ୍ରବ୍ୟର ବିକ୍ରୟ ଓ ବ୍ୟବହାର ନିଷେଧ ପାଇଁ ଦୋକାନ ମାନଙ୍କରେ ଏକ ଡ୍ରଗ୍ସ ସ୍କୱାର୍ଡ  ଚଢ଼ାଉ କରିଥିଲେ l ଏହି ଚଢ଼ାଉରେ ୩୨ ଟି ଦୋକାନ ମଧ୍ୟରୁ ୨୦ ଟି ଦୋକାନରୁ ମୋଟ ୨୩୭୦ ଟଙ୍କା ଜରିମାନା ଆକାରରେ ଆଦାୟ କରାଯାଇଥିଲା l ଏହି ଚଢ଼ାଉରେ ସ୍ୱାସ୍ଥ୍ୟ ବିଭାଗ, ପୋଲିସ, ଅବକାରୀ ବିଭାଗର ମିଳିତ ଚଢ଼ାଉ କରାଯାଇଥିଲା l ଏହି ଚଢ଼ାଉ ଟିମ ରେ ଡ୍ରଗ୍ସ ନିରୀକ୍ଷକ ଉମାଶଙ୍କର ମେହେର, ସ୍ୱାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ, ଅଣ ସଂକ୍ରାମକ ରୋଗ ବିଭାଗର ସହ ପରିଚାଳକ ଶ୍ରୀମତୀ ଗୀତାଞ୍ଜଳି ମେହେର, ପୋଲିସ ଏ ଏସ ଆଇ ବୁଡ଼ୁ ଭୋଇ,, କନେଷ୍ଟବଳ ଶ୍ରୀମତୀ ମୀନାକୁମାରୀ ପ୍ରଧାନ, ଅବକାରୀ ବିଭାଗର କନେଷ୍ଟବଳ ଶ୍ରୀମତୀ ନମିତା ବାଦୀ ସାମିଲ ଥିଲେ

l ଠିକ ସେହିପରି ଗତ ୧୧ ତାରିଖ ରେ ସୁବର୍ଣ୍ଣପୁର ସହରରେ ମଧ୍ୟ ଡ୍ରଗ୍ସ ଇନ୍ସପେକ୍ଟର ଉମାଶଙ୍କର ମେହେର, ସ୍ୱାସ୍ଥ୍ୟ ବିଭାଗ ଅଧିକାରୀ ଶ୍ରୀ ସାହୁ, ଶ୍ରୀମତୀ ମେହେରଙ୍କ ନେତୃତ୍ୱରେ ପୋଲିସ ଏ ଏସ ଆଇ ରଂଜିତ କୁମାର ମହାପାତ୍ର, ଅବକାରୀ ଇନ୍ସପେକ୍ଟର ସବିତା ପଟ୍ଟନାୟକଙ୍କ ସହଯୋଗରେ ୩୮ ଗୋଟି ଦୋକାନରେ ଚଢ଼ାଉ କରାଯାଇ ୨୮ ଟି ଦୋକାନରୁ ସମୁଦାୟ  ୩୮୮୦ ଟଙ୍କା ଜୋରିମାନା କରାଯାଇଥିଲା l ଆଗକୁ ପ୍ରତି ବ୍ଲକ  ଓ ସହର ରେ ଏଭଳି ଚଢ଼ାଉ ଜାରି ରହିବ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି l