12-May-2022

ପାଟଣାଗଡ଼ ( ରୁପେନ୍ଦ୍ର ମୁଣ୍ଡା ) : ପାଟଣାଗଡ଼ ସରକାର ପାନୀୟ ଜଳ ସମସ୍ୟା ଦୂର କରିବା କୁ ପଂଚାୟତ ଗୁଡିକ କୁ ଦାୟିତ୍ୱ ଦେଇଛନ୍ତି । ହେଲେ ନଳକୂପ ମରାମତି ପଂଚାୟତ କୁ ହସ୍ତାନ୍ତର ପରେ ଦୁର୍ଦଶା ବଢୁଛି ବୋଲି ଅଭିଯୋଗ ହେଉଛି । ଅଭିଯୋଗ ଅନୁଯାୟୀ ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ନୂତନ ଚଙ୍ଗରିଆ ପଂଚାୟତ ର ରେଙ୍ଗାଲଜୁରୀ ଗ୍ରାମ ସ୍କୁଲ ପଡାରେ ଥିବା ସୌରଚାଳିତ ନଳକୂପ ଦୀର୍ଘ ୯ ମାସ ରୁ ଉର୍ଦ୍ଧ୍ବ ଦିନ ହେବ ଅଚଳ ହୋଇପଡିଛି । ଯାହାଫଳରେ କି  ଲୋକେ ପାନୀୟ ଜଳ ପାଇବାରୁ ବହୁ ଦୂର୍ଦ୍ଧଶା ଭୋଗୁଛନ୍ତି । ମରାମତି ପାଇ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳିନାହିଁ । ଅନ୍ୟ ପକ୍ଷରେ ନଳକୂପ ମରାମତି ଦାୟିତ୍ଵ ପଞ୍ଚାୟତର ନାଁ ଆଉ କାହାର ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଗ୍ରାମ ରେଏକ ମାତ୍ର ନଳକୂପ ପାନୀୟ ଜଳ ଉପଯୋଗୀ ହେତୁ ଗ୍ରାମବାସୀ  ନଳକୂପ ଉପରେ ନିର୍ଭର କରିଥାନ୍ତି ।   ବର୍ତ୍ତମାନ ଗ୍ରୀଷ୍ମ ପ୍ରବାହ ରେ ଗ୍ରାମବାସୀ ପାନୀୟ ଜଳ ପାଇଁ ଡହକ ବିକଳ ହେଉଛନ୍ତି । ଗ୍ରାମବାସୀ ମାନେ ଖୋଲା କୁଅ ରୁ ପାଣି ବ୍ୟବହାର କରୁଛନ୍ତି । ଯାହାଫଳରେ ବିଭିନ୍ନ ରୋଗରେ ଆକ୍ରାନ୍ତ ହେବା ର ସମ୍ଭାବନା ଦେଖାଦେଇଛି । ଏଥି ପ୍ରତି ବ୍ଲକ୍  ପ୍ରଶାସନ ଦୃଷ୍ଟି ଦେଇ ଅଚଳ ନଳକୂପ କୁ ସଚଳ କରିବା ସହ ପାନୀୟ ଜଳ ସମସ୍ୟା ଦୂର କରିବାକୁ ଗ୍ରାମବାସୀ ଦାବି କରିଛନ୍ତି ।